09-11-2011, 12:15 AM
|
| |
اقتباس: لقد عانيتم كثيراً ... ولازلتم !!
وها نحنُ تذوقنا العناء , كم هو مرٌ مطعمه !!
أسأل الله أن يخمد هذه الفتنه على خير !!
أخي الحبيب لواء لا تنسانا من الدعاء .
| فتنه؟؟ بعد كل هذا وتقول فتنه؟ اأنت ادري من اهل العلم ؟ الشيخ اللحيدان؟ هل تعلم بأن الالباني اخرج فتوي للشباب الليبي للهجرة في عهد القذافي لأن المكان الذي كثر فيه الفساد ولم تسطع ان تكف الفساد فالهجرة واجبة والشيخ الجليل بن عثيمين وبن باز قامو بتكفير معمر وهل نحن من بدأ القتال يا أحمد شهدتك بالله انت ببنغازي هل الشباب اللي خرجوا ببنغازي اطلقوا رصاصه وهل كنا نلمس الرصاص اصلا في عهد هال...... قال تعالي"(وان طائفتين من الموئمنين اقتتلوا فأصلحوا بينهما فأن بغت احداهما علي الاخري فقاتلوا التي تبغي حتي تفيئ الي امر الله) من بغي ؟؟ وهل قبلوا الاصلاح او تحدثوا الساعدي يوم 17 قال للشباب تعالوا نتفاهم علي قروض و....الخ وماذا فعل ؟ شني اللي صار علي كوبري جليانه ؟؟ قابلوا شبابنا بالقتل ويريتهم حتي استخدموا الرصاص قابلهم بمضادات الطائرات اللي صار في بنغازي شفته بعيوني الرصاص شن كبرة قدام الكتيبه كان طايح انا ولد عمي قدام خوته وباته رشوه اللجان الثوريه او (اللجان الكفريه ) صور الشباب الي استشهدوا ماشفتهمش؟ انا لما شفت صورهم وكأنهم كانو يضحكوا يعني جسمي تقشعر وبعدها يجي حد ويقول فتنه !! الفته يمكن وقع بها من كان في كتائب القذافي ما توقعتش اقتنعاتك تكون هكي وهل الله سبحانة وتعالي ينصر الفتن وهل الفتن تحرر بها مدن بالتكبير؟ شفت مدينة بدر في جبل نفوسه ؟ الفيديو قاعد ع اليوتيوب نزله وتفرج عليه ولو كانت فتن لكنا افترقنا وتشتتنا واصبح الامر خراب ودمار كما حدث في العراق تذكر لما نشوفوا فالجزيره عاجل طائرتان تتجهان لمدينة بنغازي وكانت بنغازي كلها قدام المحكمه ومن صوت التكبير كنت انحس ان الارض تهتز سبحان الله علي تلك الايام وبعدها يأتي عاجل الطيرتان تحطان في مطار مالطا..!! ولا تذكٌر اليوم التاريخي ونفس اليوم اللي استشهد فيه ولد عمي 19\3 خشت الرتل لبنغازي نحن فأطراف بنغازي ومنطقتنا قصفت وحوش فشارعنا جت فيه قذيفه جراد والحوش مزال قاعد لعند توا يعني لو قدر الله ومتت يومها لأن فعلا كنت نحساب الصاروخ التاني فحوشنا يعني شن انموت فطيس ؟ من الطائفه الباغيه؟ نتمني تراجع روحك لأن الموضوع هزني جديات
__________________ بنغـازي ما في قلبي غير غلاها....ولا شي عمره ينسيني ذكراها
ربي يحرســـــــــها ويرعاهــــــــا......اللي ورت ياما للطاغي الويل
وماشالله بنغـــــازي ماجملها.......سمحــة الحلوة كيف طبايع هلها
مواقفها معروفة انشد عنها .....فزاعه برجالها الزيــنيــن
بعد طول غياب اليوم القيناكي....ياحرة والله توحشناكي
بعد طول غياب اليوم القيناكي....بنغــازي والله توحشناكي
بنغازي معروفه زهرة لبـلاد.....هي بينا انعلوها هيا يا اولاد
|