| الصوره
  كانت الصوره جميله ،، وكان في الصوره طفل
وخلفنا كانت مره تلبس عباه
واطرف الصوره ولد يضحك صباه
وقربنا حطت حمامه ،،
قربها حطت حمامه
تذكرين اش كثر كانت ابسط الاشياء تثير الانتباه
وفي البعيد،،احتفظت الصوره بمنظر مهر جامح
وفي البعيد ،، فأخر الصوره شخوص بلا ملامح
تذكرين وش كثر كان الوقت شفاف و حنون
وطيب و مبهج و دافي ،، متسامح
وكان في الصوره ،،وهذا اجمل اللي كان في الصوره ،،
طباعك ،، نظرتك و الشيطنه في داخل عيونك ،،
جنونك ،، واندفاعك
بسمتك لما تطوقني ذراعك
اذكر انك قبل ندخل هذي الصوره
في لحظه التفتي و قلتي قول احبك
قلت اخاف ليا تكلمت احرم اذني من سماعك
كانت الصوره جميله ،، وكنتي في احلى نفانيفك
كأن الصبح ضيفك
او كأنك من كثر ما كنتي انتي ،، كنتي طيفك
كنتي في اكثر مواعيدك وفا
وكنت انا ،،في ايديني دفا
كانت الصوره جميله ،،وكان في الصوره طفل  
__________________ طيبتي صارت مثل كف البخيل اي شـي طايـح تشـوفـه تحمـله وعزتي ،، تقدر تسميها النخيل لانها شامخه والعواصف قاتله |