لـو اسافـر !! أي علـي مرفـوق لا آردد واعيـد
إن حبك كـل مـا تزيـد المسافـه .. زاااد ..
زاااد

وماني موصيك في روحـك .. ولـو طبعـك عنيـد
بس تدري مـا عجبنـي فـي حـلاك إلا العنـاد !!


زين وجهك لا زعلـت !! ايـوه يـا ملحـك يزيـد
كل ما تزعل يزيـد الغنـج فـي وجهـك فسـاد !!


والشفايـف جمرهـا لا ســاح حـبـات الجلـيـد
وقتهـا لا عـاد تنشدنـي عـن انفاسـي لا عــاد


ايـه باسافـر !! ولكـن مانـي مسافـر وحيـد !!
دام روحـك مـا تبارحنـي فيـا طيـب الـرقـاد


وايـه بسافـر !! علـى متـن المحبـه دون قـيـد
لاني اصـلا ً مـا احـب اسلـوب حـب الانقيـاد


وايه بسافر !! ومابـه عقـب مـا اسافـر .. جديـد
غير شـوق ٍ يلـوي ضلوعـي علـى درب البعـاد


لو تقول .. شينقصـك .. باقـول كلـك ( I Need )
وان سألت الوضع .. وشهو قلت وضعي ( It's Bad )


بس لا هـب الهـوى الغربـي مـع البـرد الشديـد
شب ضوك .. مـن طـواري حبنـا فـي كـل واااد


وفي غيابي !! لا تناسى عهدنـا .. يـا ريـم صيـد
دام عادك عند وعدك لـي و ( ريـم ٍ مـا يصـاد )


وفي غيابي !! كـل مـا تشتـاق حـاول تستعيـد !!
كـل ( ليلـه عشـق ) لا هبـت نسايمهـا بـراد !!


وفي غيابي !! خل شمس الصبـح مرسـال البريـد
لانها مـن نـور وجهـك .. تاخـذ النـور امتـداد


فكل مـا تقـرى مشاعـر عاشـق ٍ حسـه قصيـد
اعرف ان لـك بيـن طياتـه مساحـه و( انفـراد )


وكـل مـا غنـى مخـاوي دمعـة الحـزن الاكيـد
تستثـر كـل المشاعـر .. دمعـة عيونـي وكــاد


عاشقك يـا نـور عينـي .. صايـر عقبـك بليـد
والليالـي فـي غيابـك .. لابسـه ثـوب الـحـداد


آه يـا شـيـن المـفـارق .. وآه لا ذاب الجلـيـد
لا حـد ٍ منـا تهنـى .. ولا حـد ٍ منـا استفـاد !!


مد لي يدك .. ( باسافر ) وانـت كـرر لـي وعيـد
اول ابيات القصيـده .. واعـرف المعنـى المـراد


( لو اسافـر ويـن اسافـر مانـي برايـح بعيـد !!
دامني في وسط صـدرك مـن بـلاد إلـى بـلاد )


وإن يقولوا ( مـا يفـك مـن الحديـد الا الحديـد )
فما يداوي عوق قلبي( غيـرك )وهـذا .. الوكـاد