 قصيده حياة اهل الرومنسيه
قصيدة حياة أهل الرومنسيه
على يَدينك أتعلم حياة أهل الرومنسيه
أنا محروم من يومي ولاعرف وش رومنسيه
عذاب اكبر من همومي من شجوني من آهاتي
تعذر هالفضا ياسع جروح اشواق منسيه
امل كذاب مايرحم إذا داعبت به عيني
أعاتب نظرة عيوني عتب برهن تجافيه
زماني والولع طاغي حنينه داخل أعماقي
كسرني دون ما يرحم ولا حقق أمانيه
أنا أحلامي ألم فرقا وغربه تشفع لحالي
قدر مكتوب لي احمل جراح القلب مكويه
خلت فيني لياليه خلابي حزني الدامي
وضم إحساسي الدافي على المسرى شقاويه
أنا قلبي جريح الهم ودمع العين موالي
تعبت اركض وانا أدور ياوينه من شعر فيه
اذا جاد الزمن ثم جادت الخطوات من بدري
يخاف الحظ لا يكمل مشاعر فيه مخفيه
أنا قلبي اعتراه الخوف وخوفي ما بقى عادي
تخيل لي مع الأيام أنا ما عاد أنا هيه
ولكن يا لغرام اللي توجه مقبلٍ يمي
معاد النفس ترغب في ليال أحلام ورديه
تقولي ليه أقول الحزن لوعني وعذبني
ولا املك من حياتي شي ضعف حالي ولا فيه
أنا ما بيك تعشقني ولا بي تشغل أفكارك
ولا تبني قصور من الهوى بالشوق مكسيه
مسافات الزمان أطوال مابينك وما بيني
تذكر سابق أيامي وما سوى الدهر بيه
قدر يرفض توافقنا نعم وش حيله القوه
رسمنا حلم لكنه حضر بظروف عكسيه
ظروف الوقت تمنعني أجاذبك الرومنسيه
نصيبي والقدر غلاب تصدر في قوافيه
__________________  |