|
مممم يعني أنا فضحية ماما بتندم بس توخدني معها مشوار عند صديقاتها أو قعدات النسوان هاي خخخ هاي مرة كانت بدها تروح تزور حماة أختي وحكتلي إني أجي معها قلتها طيب طبعا أنا لأول مرة حبيت ألبس مثل البنات الراكزات والطيبات ولبست فستان وحطيت ميك أب المهم طلعت موزة خخ إلي يشوفني بيحكي ما أهدى هاي البنت طبعا وما خفي أعظم خخ روحنا هناك وإحنا قاعدين كنت ساكتة متل المؤدبات بس ماما ما عجبها أضل ساكتة فكل شوي تدغني وتأشرلي يعني إحكي قلتلها بلاش أحسن خليني ساكته بس هي مصرة قلت خلص ما دامها مصرة طبعا الموضوع كان على بنت عمي لأنها في عمر ال35 وليسا ما اتزوجت فقالت أخت زوج أختي: غريبة ليش عاد البنت حلوة تجنن .. وأنا سمعتها بتقول هيك وأموت ضحك لأنه بنت عمي والله تخوف شكلها مرعب جدا صدقوني المهم أنا ضليت أضحك بصوت عالي وأقول مين الحلوة؟ أهاهاها عن مين بتحكو خخ وماما تدغني وتأشرلي: ولك اسكتي فضحتينا وأختي تغمزلي وتحاول تسكتني وموت يا حمار إذا سكتت طبعا حماة أختي وبنتها بطلعو علي مين هاي المجنونة؟ خخخ وبس رجعنا عالبيت ماما قالت: هاي أخر مرة تطلعي معي فيها
خخخخ على أساس أنا بدي هع
|