بسم الله الرحمن الرحيم


المرحلة الثانية : النط عن السور ...


برنس: يللا هسه ببيــّــن معانا مين هم ابطال الملاعب وبروفيشنالات التشليف من المدارس ... واللي لازم تعرفوه انه في ورا السور مطعم حمص وفول واللي بنط وبجتاز هذه المرحلة له جائزة صحن قدسية + 5 حبات فلافل محشي + كاسة شاي دبل ... يللا ورجوني شطارتكو يا جدعان ...
عليهوووووووووووووووم

المهاجمون: هيييييييييييييييييييييييييه ..

وما يشوفولك الا كل من s.killer bee وسنفورة الرافدين وكمان ساسكي اوتشيها ناطين عن السور بحركة وحدة .. خبرة تشليف مدارس ما شاء الله عليهم ... وراح s.killer bee ركاض ع المطعم ونسف نص الأكل نسف ...

.........................


uchiha_sasuke: راحت بدها تلف من ورا السور وتمزط بالعقل ردوا رجعوها المدافعين .. وقالولها ع صفك يا شاطرة .. قصدي يللا روحي نطي من على السور ..

uchiha_sasuke: الله يخليكو يا gـــماعة ... دنا معرفش انط من فوء كاسة مية .. ( وقعدت تتمسكن وبعدين راحت شامطة واحد بكس وقـّـعتله سنين ثلاث ع الارض وظلت شاردة .. وقعد المدافع يلملم فيهن عن الارض .... طلعت uchiha_sasuke بطلة في الملاكمة وماخذة الأولى ع الــgـــمهورية واحنا مش عارفين ... نصيحة لوجه الله تعالى ما حدا يثقــّــل مزح معاها :heee: )

.........................

ɱэsнo: مشان الله يا akatsuki just .. ساعديني مش عارف اتطلع على السور ..

akatsuki just : يلا مديت ايدي امسك بيها كويس وهسه بنتعك لعندي ..

( ɱэsнoما كذبت خبر مسكت بايد akatsuki just.. وakatsuki just حاول يرفعو مش انها ما حاول بس ما كان مثبت حاله منيح ونزلوا الثنين مع بعض ع الارض وخسرو ...)


................................

المرحلة الثالثة :
مرحلة مصارعة السومو ....

برنس: هذه اللعبة هي لعبة الأقوياء والشجعان والمشكلجية و شبــّــيحة الحارات .. بس نظام مختلف شوي انها في لغتنا العربية الفصيحة تسمى بالمباطحة .. أخ لو تطلعلي الطبة البنفسجية .. اذا سحبتها الي الضدي بكون هاي اللعبة الي بتتدحدل لحالها .. أقل نقرة بتكون قالبة ع الارض زي الذبانة الي ماكلة شبشب ... ما علينا ......

معانا اول مشترك من مهاجم.. تعرفنا على نفسك :

معاك gundam .. انا جاي افزع ..

برنس:انو تفزع؟؟!!! ... احنا جايين انحارب .. بدنا همتك معانا .. بدنياك تسحب طبة من هالسندوق وانت وحظك اذنه طلعلتك الطبة الحمرا أو الصفرا بتكون امك داعييتلك في ليلة القدر .. لإنهم الجوز من طنطات عبدون .. يعني أحسن من هيك عبث ..
أما إذا طلعتلك الطبة الخضرا لا قدر الله .. يعني معاك حقّ كفن والا أداينك ؟؟؟

gundam : لا يا خوي يا برنس... خلص بطلنا الشغلة من أساسها .. خليني اروح اشتغللي في عصابة المافيا او اتاجر في السلاح أو اسلـــّــم حالي لعبده فطعة لسه أضمن لي ..

برنس: ولك تعال جرب حظك ..
gundam : بديش أجربه عارفه منيح .. هسه برنس باصات عمان رصيفة الزرقا .. ع ايدك اليمين والا الشمال وانتا طالع هيك ؟؟

برنس: ولك تعال متفظحناش مع المدافعين ..
( gundam قال : يا دايم وظل مشلف ووراه غبرة )

برنس: وهكذا خسر اول مهاجم في المسابقة الثالثة (والله مني عارف اذا ظلينا على هالرشة كيف بدنا نوصل مرحلة سيارات فرودة الليزر)

انتظرونا وسوف نتابع ما تبقى من المرحلة الثالثة بالاضافة الى المرحلة الرابعة في الحلقة القادمة ان شاء الله ...

لا تنسونا من صالح دعائكم
the prince of darkness