انا ورب البيت لو يخذلونك
مهما حصل لايمكن اني اخليك
اترك كلام الناس لايوهمونك
واسمع كلام اللي يعزك ويغليك
ياصاحبي بالله فتح عيونك
اصحى قبل شمس الحقيقه تصحيك
راجع حساباتك بلحظة سكونك
وخذها نصيحه جعل ربي يعافيك
تفهمك ناس وناس مايفهمونك
وتتبع لناس وناس تتبع خطاويك
ناسٍ تفكر همهم يسعدونك
وناسٍ تفكر كيف تقدر تبكيك
لاتشتري من حاولوا يخسرونك
ولاتخسر اللي فكر بيوم يشريك
مافيه اجمل من صديقٍ يصونك
ولافيه اقسى من قريبٍ يعاديك
اكبر خطا نسيان من يذكرونك
اعظم وفا ذكرى لشخص متناسيك
اكبر عناد تخون شخصٍ يخونك
اجمل امل حبٍ جديد يناديك
اصعب سؤال اللي تجيبه ظنونك
اكبر غباء انك تغير مباديك
اكبر قهر لاصار ناسٍ يبونك
وانته تبيهم بس حظك لعب فيك
اتعس حياه تعيش والحزن لونك
لاصرت عم وصار حزنك بناخيك
شكرا للنقل الرائع غرور أنثى