11-10-2011, 02:58 AM
|
| |
 رحلة إلى...القمر!!
رحلة إلى...القمر!! فيوم من الأيام العادية (طبعاً زي كل يوم) فجأة!! جاتني فكرة اني ارووح "للقمر" فقلت لنفسي والله فكرة غريبة وحلوة, قلت يلا خليني ادق على وكالة الفضاء!! (؟) ودقيت وحجزت لنفسي رحلة للقمر , بعدين رحت سافرت للبلد اللي فيه الوكالة بعدين لما وصلت خلوني انا واللي معاي نلبس ملابس غريبة مدري كيف هم مسوينها ,,المهم بدأت الرحلة ويوم طار الصاروخ حسيت شوي بخوف في البداية لكن بعدين راح ..ذحيين!! وصلنا للقمر ,,وكان حلو شكل القمر بس انه كان محفر ,بعد ما نزلنا كان الكل قاعد صور واللي يمشي واللي قاعد ينقز وكانت اشكالهم تضحك وهم ينقزون ههههههه:lamao: وطول الوقت احنا كذا ضحك وتنقيز وتصوير كان حلو بس طولوا الناس بفرحهم وطبعا ورى تعليمات الكابتن,, بعدين انا طفشت ورحت امشي وامشي وامشي ... فجأة لقيت مبنى كبيير والمشكلة محد معاي عشان انا مشيت مرة بعيد عنهم وتفاجأت مرة من شكل المبنى ,,رحت (مسوية فيها شجاعة) قربت من المبنى بعدين شفت شباك صغير قربت منه وشفت فيه ناس كثير لكني استغربت هذولي الناس كلهم كيف جاو هنا رحت ابدخل بس...كان على الباب ازارير فيها ارقام, قلت ايش هذا؟؟ كيف حدخل؟؟ بعدين قلت:بروح اجع احسنلي ومشيت ,, بعدين وأنا الا صدمت بوحدة طالعت فشكلها زين قلت فنفسي: يمكنها معاي فنفس الرحلة ,ولكن... طلعت من سوء الحظ ماأعرفها ولا هي معانا فالرحلة نفسها وانا خفت قلت يمكن تسويلي شي, لكن كل اللي فكرت فيه كان هواجيس .بعدين هذي البنت قالت:مين انتي؟؟ قلتلها: (أسيل).. قالت:وأنا (سارة) اسيل:طيب!!! سارة:انتي ليش خايفة؟؟ اسيل:أنــــــــا؟؟ لالا مني خايفة.. سارة:طيب تقدرين تجين معاي؟ اسيل:فين؟؟ سارة:هناك, فهذاك المبنى اللي وراك.. طبعاً انا من ((كثر اللقافة)) كنت ابغى اشوفه من جوا ,,وافقت و مشيت معاها ,,وصلنا والبنت ضغطت كم بس حسافة ماشفته ((لقافة)) .. ودخلنا وكان المبنى كبيير مررة ويجنن بعدين مشينا ودخلنا غرفة رحنا فصخنا بدلة الفضاء وقعدنا بالملابس العادية ورحت اتمشى معاها وهي قاعدة تتكلم وانا من كثر ماانا مبهورة من المكان مني سامعتها وهي تتكلم قعدت اطالع فالناس والمكان كل شيء غريب حتى الناس ملابسهم غريبة كنها حقت فضائيين ههههههههههههههههه الا فجأة دقتني ذي البنت وانفجعت (بس فجعة خفيفة) قالت:هاه وشرايك؟؟ انا: فأيش؟؟ سارة:باللي قلته لك اسيل:ليه انتي ايش قلتي؟؟ سارة: بلا هبالة كل هذاك الكلام وفالنهاية تقولين ايش قلتي؟؟ اسيل:آآه,معليش بس شكلي كنت سرحانة شوي سارة:سرحانة؟؟ وبس شوي؟؟ اسيل:ايوة؟ بعدين طالعت فيني نظرة مدري كيف اوصفها ,بس فنفسي خفت وقلت شكلها بتسويلي شي.. بس انها ابتسمت وقالت:طيب!عادي كل اللي يجون هنا للمرة الأولى يسوون كذا يعني عادي حمشيها لك هالمرة اسيل:وليه هو فيه مرة ثانية أصلاً سارة: وليش لأ؟؟ اسيل:مدري.. سارة:خلاص لاتشغلي بالك خلينا نروح للكوفي اللي هناك.. قلت فنفسي كوفي عالقمر والله وناسة ذا الكوكب ...ورحنا وطلبنا موكا وايس تشوكلت وكل اللي يجي عالبال ولما خلصنا قالت:اشرايك نفلها شوي؟؟ اسيل:فين؟؟ سارة:تعالي وبتشوفين فين ... وصلنا للمكان اللي هي قالت عليه وهذا المكان كان قاعة كبيرة فيها العاب وقطار ومحلات صغيرة حقت هدايا وتحف ومررة كان المكان يجنن وعجبني ...دخلنا جوا لعبنا بالقطار بس مشكلته كان عليه زحمة بس الحمد لله كان حلو ولعبنا الين تعبنا وشرينا هدايا ,, ومن كثر اللعب جعنا ورحنا للمطعم واكلنا وخلصنا....... ======================= وفي الجهة الثانية من القمر .. كانوا يدورون علي يحبوني تهت (أصلاً أنا تايهة لكني ماعتبرت إني كذا طبعاً عشان "سارة") ولا صار فيني شي وقاعدين يدورون و يدورون وفالنهاية مالقوا لي أثر وبعدين هم تعبوا من كثر التفتيش عني (طبعاً شخص مهم -احم احم-ههههه) وقالوا: حينامون ومن بكرة بيدورون مرة ثانية (ماشاء الله لذي الدرجة مهمة ههههههه) وناموا.. ================== وفجهتي من القمر ... كنا تعبانين مررة من كثر اللعب فالملاهي والمشي و رميتلها كلمة من عقلي وقلتلها: فيه فندق لاني مررة تعبانة؟ قالت: ايوة .ومو بس واحد فيه خمسة اذا تبغين ... قلت فنفسي اييش وش ذا المكان؟؟ وقاعدة اطالع فيها مستغربة "خمسة" مرة وحدة؟؟ قالت:اشفيكِ سكتي؟؟ قلت:لا ما في شي .. سارة: يعني تبغين تروحين؟؟ اسيل: طبعاً.. سارة: طيب يلا امشي اوريك الطريق مشيت معاها ووصلنا للفندق وحجزنا غرفة وطلعنا ننام نومة التعب..(آآه يا زين النوم زيناه") وما جا على بالي اصلاً الناس اللي جيت معاهم فنفس الرحلة (مأجرة العقل خخخخخخ) ونمت وخلاص ولما صحييت .....!! وش تتوقعون صار..؟؟؟ :haaa:   |