أحلى إشي كيف تعرفت على هيا خخ كان بصف تامن..‏
طبعا كنا قاعدين بالصف والاستاذة خلصت شرح طبعا كنت قاعدة جنب عنود ذات الصوت العالي خخ
المهم قمت بدي أروح عند تسنيم وأنا مارة من جنب الأدراج لفتت إنتباهي هوشة بنتين يعني هي كانت بس نقاش حاد بصوت عالي رجعت وصرت أتفرج عليهم كانت البنتين سارة وهيا طبعا حرام هيا كل سنة تقعد جنب شخص مجنون بيجيب الجلطة خخخ، المهم كانو يتناقشو كالأتي:
سارة: يــــــا إنتي ليش هيــــــــك
هيا: شو @.@؟
سارة: إنتي لئيمــــــة
هيا: أنا حرة إليك عندي إلي خلفني
سارة: يا الله حرام عليكي أنا ما رح أخربو
‏*طبعا أنا فهمت إنها سارة بدها إشي من هيا وهيا مش راضية تعطيها إياه*
نطيت عالخط: يا بنتــــــي هي ما بدها تعطيكي إياه لا تكوني لزءة متل سيسي
إتطلعو علي نظرة بتقول: إنتي شو دخلك بالموضوع أصلا؟ خخ
سارة: علا روحي من هون أحسن
أنا بعناد: ما بدي
هيا: *.* ياي إنتي بتعرفي أبطال ليوكو صح
أنا: *.* إنتي بتعرفيهم كمان
هيا: آآآآآآآآآآآآه ه ه ياآآآآي إنتي أول وحدة بتحبهم
أنا: وإنتي كمان مين بتحبي؟ أنا بحب يومي
هيا: أنا كمان
سارة: -__- ليش بتتفرجو على برامج أطفال كتير
أنا: هاد كرتون مو برامج أطفال وبعدين أنا بحبهم التايتنز وابطال ليوكو وجاكي تشان والجاسوسات
‏"صحنا أنا وهيا مع بعض"
و اوبان ستار رايسيز أآآآآآآآآآآآآآآآآآآآآه
سارة: أطفاآآآآل >_>
أنا: وإنتي الكبيرة يعني


طبعا من هداك اليوم تقربنا أنا وهيا من بعض كتير وصرنا أحلى بست فرند بالدنيا كلها