إهداء إلى الغالية مها محمود بنيان المربية الفاضلة والصديقة الحبيبة سجنت وتم الإفراج عنها ولله الحمد ..و إلى كل أسير و أسيرة في أي سجن ..
مارق بهاك الحي سور السجن عالي
حدو بطفي الضي صوت الدمع غالي
جوى بيقول في ناس عم تسمع غناني
قلبن بيعزف ناي حسرة ومجروحة
بيجي كمان العيد ببكي دمع سخنان
بيقول يا قاسي عن تبعد وناسي
فتنا بسجن كبير شب وصبايا صغار
مرت سنين طوال شبنا وصرنا كبار
جوى السجن عشنا ظلمة وحزن مكتوم
جوى السجن نمنا قمر ونجمة تحن
والأهل عنا بعاد صورتهم بعيدة
طل القمر بالليل ونور على وجوهم
شفنا الأهل هونيك فوق القمر قاعدين
ضحك القمر وقال شو اسوي يا غالي
عمرك أنت عطيت لوطن عم يبكي
شوف الأهل ناطرين نظرة من الغايبين
جوى هداك السجن بيعيش فيو حب
بيزرع شجر زيتون وياسمين بيعطر
يا سجن أنت شو بستان عم يكبر!!
ولا شجر ليمون بيزهر بأيلول!!
والقمر لسة فوق !!
يا قمر أنت فوق ولا صرت منهم