|
باسم الذي جاب النجوم ورصدها
سبحانه المعبود حـــي وقيــــــوم
يارب ياعـالـم بســري وعلنــها
أرحم ضعيف هدته كثر الهموم
وجدي على من حاله أمر وأدهى
عايش حياته كلها ضيم وغموم
هذي هي الدنيا شحيح مددها
شابت شعر طفل من أيام مفطوم
وش حيلة اللي أرتوى من نكدها
خانوه أصحابه بلا ذنب معلوم
باعوا الصداقه وقتلوها بمهدها
والحين هو عايش حزين ومظلوم
لا مدته دنيا الشقى من سعدها
صادق حقير أرخصه يوم عن يوم
والحين طال البحث لاكن وجدها
بنت أصيلــه ماتعــاتب ولاتلــوم
يوم أنفضح شوقي وقلبي قصدها
حاولت أخبي الحب بالقلب مكتوم
يالله يامحصي الرمال وعددها
ومقــدر خلقه شقي ومحـــروم
أسعد (...) وبالخير يارب زدها
بنت (...) أصلها أطيب القـــــوم
وأحرم عن النار العظيمه جسدها
وأجعل صداقتنــا أبد دايـــم الدوم
وأغفر لوالدها ومن هو ولــدهــا
وهذي نهايــة ماكــتبته لك اليــوم...
|