ياوكت..!!
شعر :ربيع الشمري/امريكا
ياوكت تجمعني بيك الصدفــــه؟؟
وادري بالايام كلش كلفـــــه
وادري بضلوعك تضمني اشما نعست
وكون تكدر تغفـــــــه!
وادري تحجي بلا وعي امن اتنام والحراس تنطر وكفه
وادري ليل العاشكين اشكله من ايجلجل اعله الناس
ويهد زلفــــــه!!
وادري تدري بيك اموت..وزين تندل الجرح وتعرفه
وادري بيك جروح كلك..وادري كلك لهفه..
وادري تمشي اسنينك التعبانه تكطر وسفه
وادري من تصفن لويش انت وحيد؟؟
وشو هذوله الناس كلمن ولفه!!
وادري بس اتخلي كلبك فوك كلبي ابزمهريرك تدفه
وادري تبجي اشفافك الورديه كطرات الندى ..
وما مره جاست شفه
بوسني برجفة خجل وبخوف ..
وشفافك ترد ترفات ..واكثر ترفه ..
0تلفزيون آشور 22/10/2005
0جريدة الزمن
ديوان اغاني الغربه 2009 دمشق