اقتباس:
المشاركة الأصلية كتبت بواسطة لؤلؤة بـــالــقران
 شكرا على ترحيب
وان شاء الله بكون طالبة مشتهدة :heee:
هي قصيدة باللهجة الفلسطينية ....لتميم البرغوثي
وعندي قصيدة قصيرة باللهجة الفلاحية تقريبا ...في المره القادمة
واكيد الكم مني قصيدة باللهجة الارنية
:hehehe:
_______
ياعمي ألله يهديها فلسطين
تروح امْسامحة الله يجازيها
ينادُوها نموت احْنا وتعِيشِين
لَمين اتْعيش لو ماتوا أهاليها
تقول النايحه نيْح المجانِين
إذا العقّال جَحْرَتْها تَهدّيها
هَاتُولي أصْغر اصْغارِي يَنَاعِين
وخذُوا لبلاد أوّلها وتالِيها
مَابَدْهَا في مآسيها مُعزِّين
إذا كان المُعزِّي من مآسيها
وَجَعْ مثل الصدى في اجْبال هادِين
يَضَوِّي فِي العَظم والرُّوح يَطْفِيها
وجع مثل الصدى بِعظام وانِين
مثل شمس البحر ساعة عصَاريها
وجع مثل الصّدى يهذي وما يذِين
يَرُوح ويِيجي ويِبْعدها ويِدْنِيها
وصدى مثل السكُوت يرنْ ويَرِين
صلْح بين الإشِى وعَكْسُو يأذِّيها
بها فخر وندم خطين عَاجْبِين
______
بها فخْر وندَم كَنْهم طريقين محرَّمْتين
بسْ مجبُورة تمشيها
اثنين وقسَّموا كل اشيْ بها اثنين
ثبات اعْيونَها ورجْفت أياديها
علامة نصرها اقْبال المصورين
وجمْلتها الي ما تقْدر توفيها
فخر إنُو شهيد مع النبيين
كما قال المعزِّي وشُو الندم فيها
وندم على الميت وماتم
عشرين حرق بن المعزي وشو الفخر فيها
وجعها يا وجع زينب على احْسين
وجع مريم على المهدَّى بكفيها
حسين وخانتُوا جموع المسلمين
وعيسى وخانتُوا الأمة الِّي يفديها
وأنت منو خانك يا ولد مين من الأمة المرْخية كفَافِيها
على لحْسين جَرَيْتُوا ألف عَيْن
وعيسى سَاللُوا من الناس ضعفَيْها
على هَالْجَوْز وقفْتُوا يراثِين
كأنُّوا ما لِنا أحباب نبْكيها
ومريم كل من تبكي على ابْنِين
وزينب كل من تبكي عاوَالِيها
اتركُوهَا تَصَيحْ الصوت صُوتَيْن
اتركُوا العلة على العلة تداويها
مثل حبْس البُكى حبس الحسَاسِين
إذا فلْتَتْ عَلت مهما تنَادِيها
مثل حبس البُكى مَشي الغَشِيمِين
بألف كَاسَه مَلانَي لاشَفَافِيها
مثل حبس البُكى تقْنع حصانيين
بعلية بخل بالشِّيت بانِيها
مثل حبس البُكى ردْ المُغِيرِين
إذا قالت يَادَايم في أعَادِيها
مثل حبْس البُكى كتْم الكَوَانِين
وتَرْبِيط السّهام بقوْس رَامِيها
مثل حبْس البٌكى قالوا الحكيمين
ترد الغيث لَلْغَيم بعلاليها
وكل باكي طفل حتى بسبعين
بُكاها يزيد من نهرَات ناهيها
دمُوعَك مَيَّهْ تسَّرَّب من اليدين
وكيف تْرِيدِي بالجفنيين تقْنِيها
وجع عم يجْمَد ويملس على الهين
جناح الرّخ واحْنا ظل تحتيها
وجع يشبه تماثيل المَيَادِين
تُوقَفْ رَغْم الخَجَل من كثْر رائِيها
وجع يبدا خشن ويلين بعدين
ومن نال المطالب نال بعديها
وهٌو يَطْلب عَرْش رُوح المُصَابِين
لأجْلُو فى الصدور اجْيُوش يَفْدِيها
وإذا نال العرش ابن اللئيمين
يصير اسْمُو حزن والحرب ينْهيها
ويحكم تَايَسَلمْهُم لَعزْرِين
ويسأل عن عروش أخرى تَايَبْغِيهَا
ومن ذاك الوقت صَارَتْ مثل دِين
ما ينهيها حدى إلا تَايَبْدِيها
وكِلْ ثَوْرة وجع تَتْنال تَمْكِين
وإذَا نَالَتْ حزن بسْوَى نسَمِيها
ولا أصْعَب من المصِيبة على الزَّيْن
سوى إنُو أمام الناس يشكيها
بدنها يرج لو قالوا المذيعين
إليكم نشرة الأخبار يُلقيها
بدنها يرج رجات الفناجين
بيدين الختاير لما تحفيها
وجع يتعرج بخط العناوين
يكشف أحزانها كل ما تغطيها
ورقم أغبى من أولاد المهمين
وما تعرف حصاها والا ناسيهى
جريده من ورق مالك تحملين
محامل تعْجِز من الخيل عاديها
ورق لفْ اللّهب لف الرضيعين
وقالوا بَسْمِلِي يَلّى واحْمِلِيها
وجعها يَعن من كلمة وكلمتين
صباح الخير يام إفلان تضنيها
بكفي لكل اشي معنى تحطين
فقالت عوض ما ضاعت معانيها
عشر عجمات توزنها بموازين
على صدري يهاب الذيب واديها
ومن طول الحزن ناحو الملاكين
على اكتافي وهد الروح بانيها
أطلنا وما عرفنا الباكية مين
وقلت الصاحبي واجب نخليها
وجينا الباكية واحْنا مْسَلْمِين
وبوّسنا الغضن ما بين عينيها
وقلنا شُو الاسم قالت فلسطين
إذا ما نسيت العالم أساميها | قصيدة رائعة لشاعر متميز
مجهود تشكرين عليه لؤلؤة بالقرآن
فى انتظار المزيد من القصائد باللهجة الفلاحية واللهجة الأردنية
لى ملاحظة بسيطة هى كلمة مجتهدة عندكم بتنطق مشتهدة ؟
يعنى الجيم بتتحول لشين .. أرجو التوضيح
خالص تقديرى واحترامى لكِ
__________________ ربي لك الحمد العظيم لذاتك حمداً و ليس لواحدٍ إلاكَ ... يا مُدرك الأبصار و الأبصار لا تدري له و لِكُنههِ إدراكا إن لم تكن عيني تراكَ فإنني في كل شيءٍ أستبين عُلاكَ ... |