02-06-2012, 08:15 PM
|
| |
تِبكين .؟!
و ماودِّك المح دمعتك و اسألْك :
وش منْه يا طُهر البشر تبكين .؟
ترى البكا ..
ماهو بـ عيب ولا خطا
إن كان زعَّلك الزَّمن , ولاَّ زعلتي من أحد
وش يمنعك تبكين .؟
ما وطَّن الله دمعك فـ عينك
إلاَّ على شان البكا
و ما حطَّ في صدري دفا
إلاَّ عشان يضمَّ دمع العين .!
هاتي لي أحزانك
صبِّيها مثل السِّيل في صدري
و احكي لي اللي صار /
خلِّيني بس أدري :
من زعِّلك ؟ , من ما فهَمْك ؟
و من بالعسر خانك .؟
تبكين ..؟!
و ماودِّك المح دمعتك و اسألْك :
وش منْه يا طهر البشر تبكين .؟ 
|