| ألابوذيـــــــــــــات
ألابوذيـــــــــــــات
♥♥♥♥♥♥♥♥♥♥♥♥
جيتك يل احس انك وناسي
ولجلك عفت كل ربعي وناسي
لكيتك شو تحب غيري وناسي
لكلب يهواك ما حطلك اذيه
♥♥♥♥♥♥♥♥♥♥♥♥
عقد ياقوت ذرعانك وفضه
على المخلوق طش حسنك وفضه
حسابي وياك أريد اكعد وفضه
وأحجي اللي علي والموعليه
♥♥♥♥♥♥♥♥♥♥♥♥
متى أتبوس الشفايف ثغرورداك
متى تشرب بلايةخوف ورداك
متى أللمسةتصيرأرداي ورداك
متى نغفةعلى اوسادةسوية.
♥♥♥♥♥♥♥♥♥♥♥♥
شخلص يافرح وشوكت شفتك
وتطوكت بغرامك حين شفتك
مريض انه ودواي بطرف شفتك
تصل لشفاي رشفه من المنيه
♥♥♥♥♥♥♥♥♥♥♥♥
تبخر نهر روحي سلحفاتي
وعن وعرة دربهم سلحفاتي
هم تسبك ارنبهم سلحفاتي
واهي محمله بظهرها بلوك ميه
♥♥♥♥♥♥♥♥♥♥♥♥
روى الزيتون من دمعي ولاراك
لغيرك مانحل جسمي ولاراك
أخاف أطول غيبتكم ولاراك
وكبل وصلك تبادرني المني
♥♥♥♥♥♥♥♥♥♥♥♥
أنا الصياد صادتني شبكتك
أدخيل الله شكثر حلوه شبكتك
ادك اعليك مشقوله شبكتك
اظن مغلق جهازك بس علية::
♥♥♥♥♥♥♥♥♥♥♥♥
صرت دم المشه بداخل وريدك
ومثل متريد مشيني وريدك
ومثل متريد مشيني وريدك
على اجروحي تدوس بلا خطيه
♥♥♥♥♥♥♥♥♥♥♥♥
انا دمك التارس وريدك
احبك كلي تعرفني واريدك
سائل واطلبتك منك وريدك
شتنطيني انعملله وهاي هيه
♥♥♥♥♥♥♥♥♥♥♥♥
مرضت انه وصعد مرضي علشفاي
وطب لندن فلا يحلك علشفاي
حبيبي من تحط شفتك علشفاي
أطيب وكل مرض مايبقى بيه
♥♥♥♥♥♥♥♥♥♥♥♥
جفت وعيوني ماظنهه تراكم
بأسى وعتاب لبصدري تراكم
الحزن من شالوا احبابي تراكم
بسبب جتالة فركتهم عليه
♥♥♥♥♥♥♥♥♥♥♥♥
ضلوعي والحدرهن يالمني
وأظن عكلي يصاحب يالمني
على عيني سطرني يلمني
غريب اشلون مايشتمت بيه
♥♥♥♥♥♥♥♥♥♥♥♥
اجروحي بروحي خفيه من يراهن
اعيوني وعمت الكم من يراهن
بعد يومين اموتن من يراهن
اذا مامتت عوده أعتب علية
♥♥♥♥♥♥♥♥♥♥♥♥
شمالك بيه مافد يوم حسيت
وأحس جرحك بماي العين حسيت
تدري بيوم عني ارحلت حسيت
العمر وي روحتك راح من اديه
♥♥♥♥♥♥♥♥♥♥♥♥
ببعادك صفيت أشبه خرابه
وأحس بيتي على وحشه خرابه
يوم أليكضي من دونك خره بيه
الموت أهون ولا بعدك عليه
♥♥♥♥♥♥♥♥♥♥♥♥
مفارك والليالي سنين مرن
وعلي صاير لذيذ الزاد مرن
طفر كلبي على النقال من رن
لان حسيت روحي أدك عليه
♥♥♥♥♥♥♥♥♥♥♥♥
شفتك كمت ما اشوفن ولاحد
وخريطه عليك متكظني ولاحد
بموتك انه ما ابجي ولاحد
اريد وياك تاخذني المنيه
♥♥♥♥♥♥♥♥♥♥♥♥
شفكن من هواكم بعد شفتك
وعلى طفر عسل من حجت شفتك
طحت كلي على كلي بيوم شفتك
دكظني مو طحت كلي عليه.
♥♥♥♥♥♥♥♥♥♥♥♥
تعال احسب بهمي عده انته
وكلبي شعده غيرك عده انته
ازعل الناس كلهه عده انته
لأن زعلك يزعلني عليه
♥♥♥♥♥♥♥♥♥♥♥♥
دحوك بثوب حسنك ونسجنه
بجهنم حبك ارضى ونسجنه
انحبسنه بقفص عينك ونسجنه
وتحط رمشك كلبجات بأديه
♥♥♥♥♥♥♥♥♥♥♥♥
جثير الهم على كلبي تراكم
وكصيتو وياي ياحبابي تراكم
تود العين كل لحظه تراكم
ولو بالطيف مرتكم عليه
♥♥♥♥♥♥♥♥♥♥♥♥
¨°0o.( اسد العراق* ذو الصوت* الحنين* البصراوي ) O.o°
__________________
¤صــــــــاحبي¤
إذا قطع الوصال وصار صعبا""" سيبقى بيننا حب اللقاء
وإن منع اللقاء بغير قصد""" ستتصل القلوب على الإخاء...
¨°0o.( اسد العراق* ذو الصوت* الحنين* البصراوي ) O.o°
|