البارت الثاني..
في بيت ابو فهد
كانوا كلهم جالسين في الصاله
ابوفهد: بناتي ماقلت لكم..
البنات: ايييش..؟
ابو فهد: فهد قرر يتزوج..
فاطمه: صج منو بياخذ؟؟<<< وفي بالها اكيييد مروه
ريم: أي منوو..؟
ابوفهد: جنان بنت عمكم..
ريم: ههههههههه وناااااااااااسه
فاطمه منصددمه شلون فهد ياخذ ذيك القشره ومروه.... الله يصبرك يامروه والله انك بتنصدمين انا لازم اقوول الى مروه لازم..
اما الجوري الابتسامه شاقه الوجه..اللي تمنيته بيصير وهذي جنان بتسكن عندنا بس انشاء الله توافق
فاطمه: يبه تقدمتوا رسمي
ابوفهد: لا بس كلمت عمك...
فاطمه: اهااااا
ركبت فاطمه فووق وعلى طول كلمت مروه..
مروه: هلا..
فاطمه: هلا فيك..
مروه : غريبه متصله هالحزه..
فاطمه: ماتدرين ايش صاار؟؟
مروه وهي متحمسه: ايش صاار؟؟
فاطمه: فهد
مروه بخوف: ايش فيه؟؟
فاطمه: تقدم الى القشره جنانوه..
مروه انصدمت وجلست تبكي ولا خلت دعوه على جنان ما قالتها وفاطمه معاها<<مسكينه ياجنان
----------------------
بعد يومين..في بيت ابوطلال
جنان كانت جالسه تفكر في فــــــهـــــــــــــــد تكلم نفسها
فهد رجال مؤدب وشخصيه ووسيم ومركز عدل وصديق طلال والاهم من هذا كله انه ولد عمي ليش ما اواافق انا صليت استخاره ورتحت بس مادري..
رن جوالها وكانت الجوري..
جنان: هلا ..
الجوري: هلا بالعروسه هههههههههههههههههههه..
جنان: ترى ما صار شي
الجوري: انشاء الله بيصير اييش راييك.؟
جنان: بعدني ما اقرر
دخل فهد على الجوري الغرفه..
فهد كان جااي بقميصين لانه بيروح مع اصحابه البحر: الجوري وين احلى؟؟
سمعته جنان وقلبها دق..قالت: يالله مع السلامه
الجوري: هههههههههههههههههههه ايش فيك؟؟
جنان بكذب: امي تناديني..
فهد: الجوري انا اكلمك
الجوري تبي تفشلهم: والله ماني عارفه اكلمك انتي ولا اكلم خطيبك المصوون..
فهد: انتين تكلمين جنان؟؟
جنان كانت تسمع كل الكلام..
جنان: الجووووووووووري مع السلامه
الجوري: هههههههههههههههه لحظه.. لحظه..
الجوري لفهد: ايه اكلمها
فهد: سلمي عليها
الجوري تكلم جنان: يسلم عليك...!
جنان ماردت..
الجوري: تسلم عليك...
جنان بصراااخ وبفشيله: الجوووووووووري ...وصكت السماعه
فهد: هههههههههههه اتحداك سلمت اسمعت صرختها لهنا
الجوري: هههههههههههه صكت السماعه في وجهي .. لكن أوريك
فهد: ترااني ماسمح لك تغلطين.. خليها تعمل فيك اللي تبي عاادي..
الجوري: عشتووو وبعد ما تصير مرتك ودافع عنها اجل لو صارت مرتك اييش بتسوي؟؟
فهد برومانسيه: أشيااااااااااء
الجوري: ياااعيني
فهد انتبه لنفسه: اقووووووول وين الأحلى ؟؟
اشرت الجوري: هذا طبعا
فهد: اوووكي ثانكس وسلمي لي على جنو
الجوري: شدراك اني اسميها جنو يالسااحر
فهد: ادري ومالك خص باااي..وطلع
الجوري: تعااااااااااال..طنشني..
كلمت جنان فوووق العشر مررات وكانت كل ماترد بعدين ردت
جنان بنرفزه: نعم.......
الجوري: شفيك تراني ماسويت شي؟؟
جنان: ابدا يالبريئه
الجوري : عاد جنو..لاتزعلين
جنان: مشكلتي ماقدر ازعل عليك
الجوري: يابعد قلبي مرت اخوي
جنان: الجوري..
الجوري: اسسفه..
دخل طلال على جنان وقال: جنان صكي الجوال شوي بغيتك في موضوع..
جنان وهي متاكده علشان فهد: اقول الجوري.. حبيبتي شوي واكلمك
الجوري: اووكي بااي
جنان: بااايو
جنان التفتت على طلال..: آمرني
طلال: انت تدرين ان فهد ولد عمي خطبك...
هزت راسه بمعنى ايه
طلال: وايش رايك؟؟
سكتت جنان
طلال: قبل لاتقوولين أي شي فهد ترااه رجال ومحترم وكل الصفات الرجوليه فيه والاهم من هذا كله ولد عمك يعني ما بيأذيك ومن لحمك ودمك وما فيه شي وهو طيب بس عصبي شووي..
جنان:انت موافق؟؟
طلال: طبـــعا بس الراي الاول والاخير لك ... انتي ايش رايك؟؟
جنان::::::::انا................................... .................................................. .................موافقه
طلال وهو مبتسم: صدقيني ماراااح تندمين ابدا
جنان: اتمــــــنى
طلال: والله وكبرتي وصرتي عروس
جنان وهي مستحيه: عقبالك؟؟
طلال: انشاءالله بس ابيها على ذوقك..
جنان: طبعا انا اللي بختارها..وموجوده بعد..
طلال وهو مستغرب: منوو؟؟
جنان: طبعا الجوري تناسبك حييييل
طلال وهو يضحك: ههههههه واخترتيها بعد لكن والنعم اذا بغيت اخطب بقول لك..
جنان: بسررعه اللي بجمال الجوري بسرعه بطييير
طلال: لهادرجه جميله..بس افكر وبرد عليك..
جنان: ليش ما شفتها؟؟
طلال وهو قاايم: يالله تصبحين على خير
جنان: وانت من هله وفكر في موضوع الجوري
طلال: انشاء الله.. كم جنان عندي..
جنان: وحده اللي هي انا..
طلال: ياشييين الثقه..
جنان: ههههههههههههههه
في اليوم الثاني قالت جنان الى ام طلال ان اهي موافقه
ام طلال: متاكد يابنيتي تراش بتعيشين معاه عمر؟؟
جنان : أي يمه متأكده
أم طلال وهي تضم بنتها: الله يوفقش يبنيتي..
جنان جلست تبكي: يمه هونت
أم طلال وهي مخترعه: ليييييييش؟؟
جنان: يمه انا ما أبي أفارقكم..
أم طلال ارتااااحت: يمه كل بنت لازم تروح بيت زوجها اليوم أو بكره أو بعد شهر أو سنه.. فهمتي حبيبتي وتراااك بس بتروحين بيت عمك والكل هنااك بيرحب فيك.. الله يوفقك.. وانا بكلم ابوك اليوم انك وافقتي..
جنان تبتسم: تسلمي يمه..
طلعت ام طلال من غرفت بنتها وراحت غرفتها الى ابوطلال..
----------------------
في بيت ام فيصل..
ام فيصل كانت جالسه في المجلس مع جارتها ام بدر.. نفس الطبايع..
ام فيصل: يا حيالله من جاناا .. تو مانوور البيت..
ام بدر: الله يحييك.. منور بوجودك..
ام بدر: كيفك وكيف عيالك..
ام فيصل تذكرت مروه اللي حالتها حاله: تماام الحمد لله..
ام بدر: الا وين مروه ماشفتها..
ام فيصل: فوق بدارها اكييد مع بنتك هدى فوق..
ام بدر:اهاا.. ايييي صج ماقلت لك....((وبدوا حش في خلق الله))
فوق..
هدى: ايش فيك انتي قالبه وجهك..
مروه: مافيني شي..
رن جوال هدى..وكان المتصل واحد توها متعرفه عليه..
هدى: هلا حبيبي.. هههههههههههههه... وانت اكثر حبي.. انا الحين مو في البيت.. اممم مادري متى برجع.. اذا رجعت بكلمك..اووكي حبيبي..باااي
حصل هذا الامر كل قدام مروه اللي كانت مستغربه من ان هدى تكلم شباب
مروه: تكلميين من؟؟؟؟
هدى: واااحد توني متعرفه عليه..
مروه:وتوك متعرفه عليه تقولين له حبيبي
هدى: حبيبتي مايجيب الرجاال الى هالكلام..
مروه: واصلا انتي لييييش متعرفه عليه..؟
هدى: تسلييييه.. جربي انتي تحسين روحك طااايره من الوناااسه
مروه: لالالالالالا مستحيل..
هدى: ليش مستحيل..
((هدى صديقة مروه بالمدرسه وتمشي معهم فاطمه مروه توها تدري انا هدى تكلم شباب هدى بنت جيرانهم..متوسطة الجمااال..17 سنه وهي مغروووووووووووره قليله عليها وتحب تخررب بنات النااس.....)))
مروه: لاني أحب ولد عمي ومستحيل أخوونه<<<مصدقه روحها..
هدى : اجل خلييك انتظرييه..
-------------------------
في بيت ابو فهد العصر
الجوري جالسه تعلم الريم درس مهيب ابفاهمته..
الجوري: فهمتي..؟؟
الريم: شايفتني بقره ما أفهم..
الجوري: لا شايفتنك خروف ماتفهمييين.. اقووول لاتطولين السانك علي يوم خلصت مذاكره معاااك قمتي تطولين السانك علي .. وانا اللي مخليا مذاكرتي وجايا اعلمك..
الريم: ويييييييييييييييييه انا قلت عااادي تذاكرين لي درس.. انتي اللي قلتي عادي .. يعني الذنب ذنبك..
الجوري: لااااااااااا مالت عليك.. وضربتها على راسهاا وقامت..
الريم: فكه منك يالــــ..
الجوري دارت لها: اسكتي لاكف الحين..
الريم: اذا سكتي انتي..
دخل عليهم فهد وهو شاااق الحلق شافهم وسكت...: شفيكم انتي معها..
ريم: اسأل اختك الدبيره<<(الدبيره يعني الكبيره)
الجوري: اسكتي لا الحين كف اجل مذاكره لها وتسب وتلعن؟؟هذي مايبي لها الا كف..
الريم: ماتقدرين عشان انا بعد بعطيك كف..
فهد عصب:الريييييييييييييييييييم.. عيب تقولين هالكلام لاختك الكبيره ..ويهددها..وأن سمعت قلت هالكلام لأختك الكبيره كفختك سمعتييييييييي..
الريم تمووووت من فهد اذا عصب موبس هيه الى كل اللي في البيت..ظلت ساكته..
فهد بصرااخ: سمعتيييييييييييييييييييييي..؟؟
الريم بصوت هامس ونزلوا الدموع: ايه..
فهد عوره قلبه على اخته الصغيره بس علشان تتادب..
قااامت الريم غرفتها تركض..وهي تبكي..
خلااااااااص فهد حس بتأنيب الضميييير<<<فهد يعصب بسرعه بس قلبه طييييييب
فهد هدى شووي بعدين جلس يسولف مع الجوري ومن ضمن السوالف: اقووول الجوري جنان وافقت علي وبنرووح نتقدم رسمي يوم الخميس لأن ابووي حدد موعد ويا عمي...
الجوري: قول والله العظيم..جنانوه السباااااله ماقالت لي معني من اشوووي مكلمتها..
فهد: كم مره قلت لك لا تسبين زوجتي المستقبليه..
الجوري : عشتووووووووو
فهد: اليوم ايش..؟؟؟
الجوري: يعني ايش اليوم ايش..؟؟!!!
فهد: يا الله صبرني على هالعله يعني اليوم الجمعه او الاحد..
الجوري: الاثنين
فهد جلس يعد الأياام:بااااااااقي 3 اياام وبشوفها الشوفه الشرعيه..
شوق: بتشوفها.. أنت حاافظ شكلها
فهد: حراام عليك تراااني من جيت من امريكا صار الي67 يوم يعني شهرين ولا شفتها يمكن الا مرتين فيهم..
شوق: اهااااااااا... بروح اكلم جنو..وهي ترفع الحوااجب
فهد: عفيه على اختي الشاااطره الجوري..طلبتك..
الجوري: اممر
فهد: حطي مااايك وانتي تكلمينها بسمع صوتها طلبتك...
الجوري: لالالالالالالا ... تبيها تذبحني..
فهد: انزين ايش دراااها..؟
الجوري: لالالا..وقاام فهد يتمسكن لهاا يسوي لهاا حركاات بوجهه
الجوري: اوووكي بس ماتطلع ولا صووت..
فهد: اووعدك..
دقت الجوري على جنان
جنان: هلا حبيبتي.. دق قلب فهد..
الجوري: هلا والله هلا بمرت اخوي..
جنان: ههههههههههههههههههه انتي كم مرره تقولين هالكلمه..ترااه بعده ماصاار شي
الجوري: ماتدرين فهد شسوه..<<تبي تحرجهم..
فهد خاايف من اللي بتقوله الجوري
جنان وهي مستحيه: ايييش قاال..؟؟
الجوري: يقوول خاااااااايف انك ماتعجبينه او ماتدخليين مزاجه.....
جنان انصدمت وسكتت
فهد انقذ الموضوع: جنان ما علييك منها..
جنان سمعت صووته وخلاااص رااااااااااااح ماي وجهها ومفتشله
فهد خايف انا جنان تزعل: ماعلييك منها كذااااااابه
جنان: أقوول الجوري مع السلامه..وصكت السماااعه..
فهد بعصبيه: اييييييييش فيك انتي ليش تقولين هالكلام..
الجوري خاافت من عصبيته: امزززززح معها..
فهد: وهذا مزح... اقووول كلميها الحين قدامي وقولي ان هالكلام ماقلته بسررررعه
.
.
في بيت ابو طلال..
جنان جلست تبببكي من الفشيلللللله وتقول صحيح ان فهد قاال هالكلام بس هو قااال ان الجوري كذابه بس مدري اللي ما يبيني انا ما ابيه وبكلم امي تلغي الخطبه...
شافت جوالها يرن تركته يولي مع انها تدري انها الجوري من النغمه بس ماردت وجللس يررن يرررن وازعجها وردت:
نعم الجوري
الجوري: ايش فيك سكرتي السماااعه..
جنان: من كلامك انتي واخووك..
شوق كانت حااطه سبيكر وفهد جااالس يسمعها وارتفع ضغطه مليوون
الجوري: والله ما صااااار هالكلام بس انا امزح معك..
جنان: هذا مو مزح اوووكي..الحين ايش تبي؟؟
الجوري: جنو حبيبتي موتزعلييييين
جنان: مو من حقي ازعل حطي نفسك في مكاني اييش شعوورك..ايش راايك اني كنت راااح اكلم امي تقوول الى ابوووي تلغي الخطبه اذا هذا كلاااام اخووك عني..
طبعا فهد انقههههههههههههههههر من الجوري كثييير وقاال اشووه بينحل الموضوع
الجوري: لاااااااااا والله العظيم انه ماقاال..
جنان: ايش درااني انه ماقااال..
الجوري: أنا حلفت .. لا تزعليين
جنان مسحت دموعها: مشكلتي اني ما اقدر أزعل منك
الجوري: يابعد قلبييييي..لان انتي رضيتي علي انا عازمتك على مجمع الظهران.. ايش راااايك؟؟
جنان: ماعندي مااانع .. بس ميين بوديني سواقنا لو سواقكم
فهد أشر على نفسه..
الجوري فهمت اشرت له لالا
جنان: ويينك..؟؟
الجوري: معااك..سواقكم لان سواقنا راااح يشتري اغرااض الى امي
انقهر فهد كثير
جنان: اووكي..نصف سااعه واجي لك..
جنان: باااااي
الجوري: بااي
راحت جنان تاخذ الأذن من امها وتلبس ونزلت عشان بترووح وهي ناازله شافت طلال..
طلال: على ويين؟؟
جنان: مع الجوري بروح معها مجمع الظهران..
طلال: ايش راايك انا اوديكم؟؟
جنان: ماعلييك كلافه..؟
طلال: لا ماعلي بس بلبس وبجي..
جنان: انتظرك..
وجلست في الصاله وجا ناصر لها
ناصر: وين بتروحين..؟؟
جنان: بروح مجمع الظهران..
ناصر: بروح معك..
جنان: اوكي حتى طلال بيروح معنا مع الجوري..
ناصر: بروح البس وارجع
------------------------------
في بيت ام بدر..
هدى: يمه وين بدر؟؟
((بدر اخوها 23 قليل ادب ويعرف ثلاث ارباع البنات اللي مثله طبعا))
ام بدر:طالع مع اصحابه .. ليش؟؟
هدى: لان مروه تبي تروح مجمع الظهران وبروح معها..وابيه يوصلني بيتهم
ام بدر: خلها تمر عليك
هدى: أي والله راحت من بالي هالفكره..
وركبت ودقت على مروه واتفقوا انا مروه بتمر عليها..
--------------------------------
في بيت ابو طلال
نزل طلال من فوق وقال:مشينا
جنان: دقيقه ننتظر ناصر بجي معنا
طلال: اووكي
ونزل ناصر وركبوا السياره وتوجهوا الى بيت ابو فهد..........
وصلوا ودقت جنان على الجوري: يالله طلعي انا عند الباب..
الجوري: اووكي
فهد كان طالع من البيت وشاف سيارة طلال وتجه الى السياره يسلم
طلال شافه قال الى جنان: وصل زوج المستقبل..
جنان سكتت لان فهد وصل..طلال فتح النافذه
طلال: هلا ولد العم..
فهد: هلا ولد الخاله..شلونك؟؟
طلال : تمام.. وانت؟؟
فهد: تماام...طالع في جنان..جنان شلونك؟؟
جنان بصوت يالله ينسمع: الحمد لله
فهد: وأنا بعد الحمد لله
طلال: تستخف دمك؟؟
وطلعت الجوري وانتبهت ان سيارة طلال مو السواق...
ركبت السياره: السلام عليكم
الكل: وعليكم السلام
طلال الى فهد: تعاال معنا
جنان في نفسها لالالالالالالالالالالالالا والله استحي
فهد: اخاف ماتبوني..
طلال: هههههههههههه افا عليك اكيد نبيك بتركب معنا لو بتروح بسيارتك..؟؟؟
فهد: لابركب معكم..
اضطرت جنان تنزل من جنب طلال عشان تركب ورى وهي نازله وفهد متوجه الى السياره
فهد: اسف ازعجتك..
جنان بصوت هامس: لا عادي
وفتح لها الباب اللي ورى: تفضلي
ركبت جنان
طلال في السياره: تراها ماصارت مرتك..
فهد: ههههههههههههههههه انشاء الله بتصير..
جنان مفتشله حيييل..
ركب فهد جنب طلال ..طلال: اقووول سكر الباب لاكفين..
فهد: افاا بتعطيني كفين هذي اخر العشره اللي بينا..
----------------------------