في استراليا
فيصل كان جالس يذاكر لان هالاسبوع عنده اختبارات النهائيه وبعدين بيرجع الى ديار ابو متعب..
دخل عليه حسين صديق فيصل
حسين: هاااااااااااه ايش تسوي..
فيصل: اللي شايف قدامك..
حسين: قلت اذا فاضي نطلع نتمشى..
فيصل: لا ابد مو فاضي ..انت خلصت اختباراتك..؟؟
حسين: ايه هذا انا البارح قايل لك أن اليوم اخر شي..
فيصل: اوووووووووه تراني نسيت..
حسين بمسخره: من كثر المذاكره..
فيصل: تتمسخر انت ووجهك..
حسين: انا اتمسخر افااا ما هقيتها منك
فيصل: اقلب وجهك زين روووح خلني اذاااكر..
حسين: من طيب اصلي يمكن أخليك تذاكر..يمكن
فيصل: انقلع بره..
حسين: كأنك تطردني
فيصل: لا مو كأني الا اطردك
حسين يسوي نفسه زعلان وهو قايم: افاااا.. يعني أطلع
فيصل: اذا ماعليك أمر
وطلع حسين
((حسين صديق فيصل من أول ما جاء من أستراليا وصاروا كل مع بعض واللي صار الحين متعودين عليه لأن أسلوبهم مع بعض كل مزح))
في جزر المالديف....^_^
كانوا ثنين يقضون شهر عسلهم هنااك وهم طايرين من الوناسه..
في الصباح شوق كانت جالسه عند التسريحه تحط لها مكياج خفيف..دخل وليد الغرفه وهو ساكت ولا تكلم ولا كلمه استغربت شوق..
شوق بأستغراب: حبيبي..أيش فيك..
وليد: ما فيني شي..
شوق تقربت بجنبه وحطت يدها على يده: تغبي على شواقتك..
وليد يمثل العصبيه: مو كأنك سافطتني من أول ماجلستي من النوم..
شوق اتأشر على نفسها: أنا..
وليد: لا أنا..
استغربت شوق من أسلوبه معها وسكتت وشالت يدها وراحت الصاله..وتقول في نفسها علشان تعرف التسفيطه عدل.. شوي طلع لها وجلس جنبها وحط يده على كتفها..
وليد: حبيبتي .. لا يكون زعلتي تراني أمزح معك..
شوق تشيل يده: لامازعلت..
وليد باسها على خدها: والله اسف..
شوق ابتسمت: انا بعد أمزح معك..
وليد: لااااا تخليني اراضي فيك وأنتي منتي بزعلانه..
شوق: ههههههههههههههه أتغلى عليك ما يحق لي..
وليد وهو يلمها له: الا يحق لك ويحق لك كم شواقه عندي..^_^
--------------------------
في مجمع الظهران
كانت الجوري وجنان يتمشوون مع بعض..وفهد وطلال وناصر مع بعض
دخلوا شوق وجنان محل axesswaresمحلهم المفضل وجلسوا ياخذون شنط واكسسوارات وملابس وطلعوا منه وراحت bersheka وهم هناك شافوا مروه وهدى
الجوري: موهذي كأنها مروه بنت عمي..<<عرفتها لأنهم يكشفون وجههم
جنان: أي هذا هي..
الجوري: خلينا نروح نسلم..وراحوا يسلمون
الجوري: هلا مروه..
مروه وهي دايره ومستغربه من الصوت وستوعبت ان هي الجوري...
مروه: هلا والله
وسلموا على بعض..
بعدين جنان مدت يدها: شلونك مروه..
مروه تطالع في يدها مامدت يدها ولا ردت عليها
خلااااص جنان افتشلت حيييل وسحبت يدها هذي ليش ماتسلم علي أنا شسويت لها دارت الى الجوري وجلست تطالع فيها اللي ماتقل صدمتها عن صدمت جنان..
مروه: أقول الجوري أعرفك.. صديقتي هدى..هدى هذي الجوري بنت عمي
الجوري وهي مهي بمستوعبه للحين: ايه اهلا كيفك..؟؟
هدى االي كانت فل ميك أب واللي الجوري ما رتاحت لها: اهلا بك..
الجوري: يالله جنان خليني نمشي..مع السلامه مروه.. فرصه سعيده اني شفتك هدى..
هدى: انا الأسعد..
مروه: مع السلامه..بعد ماراحوا
هدى: ليش ما سلمتي عليها تراك فشلتيها
مروه.. أحسن تستاهل ماحد قال لها تاخذ فهد مني..
هدى اللي كانت تدري بالسالفه: لاتقولين هذي جنان..
مروه: ايه هذي اهي مصيبه صابتها..
هدى: ايه والله حلوه..
مروه: اسكتي انتي لا كفين..امشي بس..
.
.
من الجهه الثانيه كانت الجوري وجنان..
جنان: هذي ليش ما سلمت علي..؟؟
الجوري وهي مستغربه: حتى أنا مدري ليش.. ماتوقعتها تسوي كذا.. انتي ماسويتي لها شي..
جنان: لااا أصلا انا ما شفتها اخر مره الا في زواج شوق.. خربت مزااجي..ابي أرجع البيت..
الجوري: ترانا تونا داخلين
جنان بحزم:: ماليي خص الحين بكلم طلال وخليه يرجعنا
الجوري: بس نروح الى casa pasta بعدين لو تبين نروح البيت
جنان باستسلام: اووكي
وراحوا اشترت لها الجوري وجنان طلبت لها بس بيبسي..
وهم ماشيين وكانت جنان تشرب البيبسي..
بدر: ياليتني مكان الميل((الميل= المزاز+الشفاط اللي يشربون به..
جنان على طول شالت الميل وقالت له وهي ميته من الخوف: وقــــــــــح
بدر: لعيونك أصير وقح واللي تبين..
من الجهه الثانيه كانوا طلال وناصر يتمشوون جنب المطاعم وفهد راح يجيب موبايله لأنه نسيه في السياره..
طلال وناصر شافوا جنان و الجوري يتكلمون مع وااحد ومبين عليه وقح..
راح طلال مع ناصر اليهم ودز بدر: ابتعد عنهم أحسن لك
جنان الجوري حسوا بالأمان بعد ما شافووه
بدر: وأنت ايش يخصك؟؟
طلال: ايش يخصني هاااه .. وعطااه كف..وبدوا يتهاوشون وبعدين الناس جلسوا يفاككونهم..وباعدوهم عن بعض
الرجال: صلوا على النبي
طلال: اللهم صلي عليك.. لكن والله ان شفتك مره ثانيه بذبحك ..ومشى طلال ومعاه جنان اللي تبكي الجوري تهديها..
طلال يكلمهم: صار لكم شي...؟؟
جنان اللي كانت بس تبكي..
الجوري: لا.. أصلا من بدا يكلمنا..أنت جيت..
طلال اخذ جنان من عند الجوري وهو يحط يده على كتفها: خلاص ما صار شي..
جنان: تعورت صح...
طلال: لا ما صار فيني شي
جنان وهي تمسح دموعها: أكييد..
طلال: أكيدين
جنان: اووكي أبي أرجع البيت
طلال: ليش ماصار لنا شي من وصلنا
جنان: بس أحس نفسي تعبانه شوي
طلال: أوكي
الجوري حست بالعلاقه الزينه بين جنان وطلال
دق جوال طلال: يووووووووه..هذا فهد.. نسيته..هلا
فهد: وينك انا عند المطاعم..
طلال: أرجع الى السياره
فهد: نعععععععععععم توني موصل تبيني أرجع..
طلال: خلااص بقرب لك السياره..
فهد: يعني بترجعون؟؟؟؟؟!!!!!
طلال: ايه
فهد: ليش..
طلال: أقولك بالسياره..بااي
فهد: اوكي باي
وراحو السياره وركبوا وبعدين طلال قرب السياره الى فهد..وركب السياره: السلام..
الكل: وعليكم السلام..
فهد: أقدر أعرف ليش بترجعون..تونا داخلين
طلال قال لفهد القصه..
فهد عصب: والله لو كنت موجود كان شفت ايش سويت
طلال: خلاص صار اللذي صار
فهد يكلمهم: عسى ما صاار لكم شي؟؟
الجوري وجنان: لا ماصار شي
فهد: تعورت؟؟
طلال: لا ماتعورت بس ضربني كف الكلب أنما اييييه بس رديتها له..
ناصر: أنا كنت بتدخل بس قلت بعدين أخرب رجولت أخوي طلال..
الكل: هههههههههههههههههههه
طلال: تتمسخر أنت ووجهك..
ناصر: أنا أتمسخر لا حشى بس ما حبيت يجيني بوكس ويطيرني
الكل : ههههههههههههههههههههه
ووصلوا بيت ابو فهد..فهد: يالله مع السلامه
الكل: الله يسلمك
وهو نازل كانت جنان وراه جالسه.. ابتسم لها..ودارت جنان عنه..
قال في نفسه..أصبري علي يابنت عمي..
نزلت الجوري: مع السلامه..واذا وصلتي دقي علي..
جنان..: اوووكي بااي سلمي على خالتي وعمي..
الجوري: يوصل
وسكرت الباب
طلال: بتخليني قدام لوحدي..
جنان ابتسمت ونزلت.:امرك
ولما نزلت راحت بتركب قدام وفتحت الباب اللي تطيح حاجه في الأرض وطالعت فيه الا جواال..
جنان: جوال منو هذا..
طلال: جوال فهد هذا اليوم كل ينسى جواله خليه معك بعدين باخذه من عندك..
طلال كلم بيت عمه وردت الخدامه
طلال: وين فهد؟؟
الخدامه: دقيقه..وراحت تنادي فهد
فهد: ألو
طلال: الو
فهد: أشتقت لي مسرع..
طلال: أي شتقت لك.. بس جوالك ترا معنا
فهد: اووووووف شفيني انا اليوم كل أنسا جوالي
طلال حب يحرج جنان وحط على السبيكر: لااا وماتدري جنان من شافت الجوال حطته في شنطتها
جنان شهقت ووصلت الشهقه الى فهد
فهد: قول لها حلالها..
طلال: يقولك حلالك
جنان بمزح: من زينه
طلال وفهد:هههههههههههههههههههههههههههههههههههههههه
فهد اللي حس انه محطوط على السبيكر: مقبوله منك يا بنت عمي
جنان سكتت
طلال شال الميك:اقوول بغيت اوصل لها شي
فهد: اييييييييييه قولها هالله هالله بجوالي
طلال : توها قايله لك من زينه اقوووووووووووول انت ما تنعطى وجه .. اقلب وجهك
فهد: أي صفحه
طلال:80
فهد: كتابي 79 مايكفي
طلال:ههههههههه مع السلامه
فهد: مع السلامه وسلم
طلال: الله يسلمك
ووصلو البيت
-------------------------------
مروه كانت مرررررررررره مستانسه لأنها فشلت جنان تحس بالفخر<<<نسيت المثل اللي يقول الدنيا دواره!!!
بالليل في بيت ام بدر
بدر: يممممه....يممممممممممممممممه..وينك..يمممه
أم بدر: شفيك تصارخ
بدر وشنطته بيده: يمه أنا بروح البحرين مع اصدقائي تبين شي
أم بدر: وليش تروح
بدر: بنغير جو..
ام بدر: متى بترجع؟؟؟؟؟؟؟؟؟
بدر: بعد شهر
ام بدر: اللللللللللللللللللللللللله...كل ذا في البحرين وتغيرون جو...
بدر ماحب يطول السالفه: أي يمه..تبين شي من هنااك
أم بدر باستسلام: لا..سلامتك.. تروح وترد لنا بالسلامه
بدر باس راسها: الله يسلمك يمه..مع السلامه
أم بدر: الله يسلمك
وطلع
أم بدر مره تعطي ولادها كل حقوقهم وماتمنعهم من شي بس لازم تستفسر مع منو ومن هالكلام..........
-------------------
في جزر المالديف
وليد: اسف حبيبتي
شوق: مايحتاج حبيبي مدام ابوك يبيك في البلد لازم تروح له..
وليد: والله انا كااان ودي اجلس أكثر بس الوالد يبيني معه في الشركه لانه عنده ضغط شغل
شوق: والله عادي..متى الطياره؟
وليد: بكره العصر
شوق: انشاء الله بس ما قلت الى اخوي فهد او ابوي انا طيارتنا بكره
وليد:لا..ماقلت لهم..ليش؟؟
شوق بارتياح:بسوي لهم مفاجئه
وليد:هههههههههههههههه..والله حركاااات بنات..
تضربه على كتفه بشويش: ليش مو عاجبتك...؟؟
وليد تقرب منها:الا عاجبتني وعاجبتني
^_^
-----------------------------
في بيت ابوفهد بعد يومين
ام فهد كانت جالسه على الكنب تابع تلفزيون
دخلت شوق وشافت امها تابع التلفزيون ولا انتبهت الام ان شوق دخلت حطت شوق يدها على عيون امها
ام فهد: الجوووووووووري.. شيلي يدك
شوق ماشالت يدها
ام فهد:اقولك...وشالت اليد ودارت بتهزئها..انتي............شوووووووق
شوق:ههههههههههههههههههههه
ام فهد ..تظم بنتها: وحشتيني يابنيتي
شوق وهي تبكي: حتى انتي يمه وحشتيييني كثير
وجلسوا على الكنب
ام فهد: متى وصلتي؟؟؟
شوق: البارح بالليل..بس وليد كان عنده شغل اليوم الصباح فماجيت البارح..لانه كنا مرررررره تعبانين
ام فهد: شلون وليد معاك؟؟
شوق: تمام يمه بالمرررررررره طيييب معاااي
ام فهد: الحمد لله
نزلت الجوري اللي كانت توها جالسه من النوم لأنها اذا جات من المدرسه ضرووووووري تنام والله تدووخ طوول اليوم
الجوري: شووووووووووووووووووق
شوق ضمتها:هههههههههههههههههههههههههههه شلونك؟؟
الجوري: تمام انتي شلونك..ايه دا دنتي بأيتي حلوووووه اووووي العرررس بيحلي يا بنت........
شوق: ههههههههههههههههههههه للحين خبله انتي..
الجوري: من هي أختي..
وبعدين نزلوا فاطمه وريم وسلموا عليها وجلسوا معهم
شووووي كن دخلوا ابو فهد ووراه فهد..
فهد: لالالالالالالالالالالالا........شووووق عندنا..
قامت شوق تسلم على اخوها وابوها
بعدين جلسوا كلهم يسولفون....
ريم: مادريتي..تكلم شوق
شوق: ايش؟؟
ريم: فهد بيخطب بكره..
شوق دارت الى فهد: افاااااااا .. وانا اخر من يعلم..
فهد: ههههههههههههه انا على بالي قالو لك
شوق: لا ما قالوا.........من العروس؟؟؟؟؟
فهد: توقعي..
شوق:اممممممممممممم تصير لنا
فهد هز راسه بالايجاب
شوق: عرفتها.....مروه بنت عمي
فهد: هذي كل ماقلت الى احد قالوا اهي لامو اهي
شوق: منوووو..لاتقووول جنان
فهد: ههههههههههههههه ايه
شوق: ونعم الأختيار ...وباركت له....مبررررروووووووك
فهد وهو شاق الحلق: الله يبارك فييك
فاطمه: فهد تدري ليش كل ماجيت تقول لاحد يقول مروه
فهد وهو مقضب حواجبه: لييش؟؟
فاطمه: لأنها هذي اللي مفروض تصير زوجتك مو المعفنه هذيك جنانوه
فهد كتم غيضه وصك على اييييده بقووه
ابو فهد وام فهد: فااااااااااااااااطمه
ام فهد: ايييش هالكلالم انا ما اسمح لك هذي بنت أختي
فاطمه وهي قايمه: هذي الحقيقه والحقيقه ما ينزعل منها.. ما ادري اييش سوت فيكم هالساحره سحرتكم كلكم حتى امي وابووي
ابو فهد قام لها وعطاها كف خلاهم كلهم يشهقوا لأن اول مرره يسويها
فاطمه نزلوا لدمووع: تضربني يبه عشان وحده ماتستاهل..شكرا يبه...وراحت تركض فووق ولحقتها شوق..
ابو فهد جلس على الكنبه
فهد: ليش يبه؟؟
ابو فهد: تسب بنت اخوي وانا جالس لو جلست معنا اكثر كان شفت ايش سويت فيها..
بعدين ابو فهد ارتفع الضغط عنده وقام يفتح ازارير ثوبه
التموا علييه ام فهد وولاده: يبببببببببببه
فهد: يبه ايش فيك؟؟
ابو فهد: دواااي..
فهد: الجووووووووووووووري روحي هاتي دوء ابوي..
الجوري وهي تبكي: انشاء الله..ورااااحت ركض.. وجاات وشرب دوء
بعد شووي
فهد: يبه قووم اوديك المستشفى..
ابو فهد: لا لا يا يبه بس استريح شوي ويروح التعب
فهد بعصبيه:لكن بتشووف هالفاطمه
ابو فهد: لايا وليدي..عاادي خلااااص انا الحين صرت زيين
ام فهد: الحمد لله
في غرفة فاطمه..
فاطمه واهي تبكي: أنا أنا يضربني ابووووي عشان وحده ماتسوى
شوق: ابي اعرف انتي لييش تكرهيها .. أهي ايييش سوت لك؟؟
فاطمه: مو لازم تسويلي شي عشان اكرهها الحب والكره من الله
شوق: هذا غلط .. ايش يعني هالحركاات.. فاطمه انتي مو طفله اعلمك صح ولا غلللط
فاطمه: خلاص خلصتي محاضراااتك معليش تطلعي بره غرفتي ابي اجلس بروحي
شوق: انا بطلع الله يهديك
فاطمه: أنا مو مجنوونه عشان تقولي الله يهديك
شوق واهي قايمه: الله يصبرنا علليييييك
فاطمه: صكي الباب وراااك
فاطمه في نفسها هالساااحره هالكريهه انا ماني بقادره عليها الله يعينك يا خووي على ما بيجيك
--------------------------
في اليوم الثاني في استراليا......
فيصل: وأخيييييييييييييييييييييييييييييييييييييرا خلصت أختبارات ما بغيت
حسين : مبرووووووك
فيصل: لاتبااارك باااقي النتيجه
حسين: انت دافوووور انا متوقع انك تجيب العلامات الزينه
فيصل: اوف اوف قووول ما شاء الله
حسين: مو بقايل..
فيصل: قووووووووووووووول..
حسين: ما شاء الله
------------------------