| شوفواحركات الشباب ايام الاختبارات
شوفوا حركات الشباب ايام المذاكره
مرحباااااااااااااااااااا
شوفوا حركات الشباب ايام المذاكره
1- الثلاث وجبات الرئيسيه لابد منها ويقعد عليها قعده (يوعان المسكين ما ينلام) واحيانا يزيد وجبات اضافيه اذا كانت الماده دسمه.
2- يقعد يسوي عمره ملان وتعبان ويسير عند امه ويقولها ياربييييي مب قادر اذاكر مدري شو فيني حاس بكتمه .. الظاهر حد صاكني بعين .. تقعد امه المسكينه تقرا عليه وترشه من ماي زمزم ..
كل ها عشان اذا رسب يقولون ضاربينه بعين (انا ما اقولكم انه كل الي يسوون جيه يجذبون لان العين حق بس الغالبيه يمصخونها)
3- بعضهم ينزل عليهم وسواس نظافه ايام الامتحانات يتسبح الصبح والليل وقبل كل صلاه وكل ما قالت له امه باجر امتحانك ذاكر خلاص تقشر يلدك من السبووح .. قالها امي ان الله جميل يحب الجمال (وطبعا هالمثل ما ايي على باله الا وقت الامتحانات) ولا يطيح تلميع وتغسيل بالسياره وطبعا هذي من واجباته اليوميه
4- وبعضهم تنزل عليه صلة الرحم فجأه يقوم يكلم واحد من ربعه اليدام الي من زمان ما كلمه .. يبي يشوف اذا ما عنده شي .. يمره بعد العصر يسلم عليه ويشوف شو صار عليه ويشغله عن المذاكره .. ويمر على يدته ويده وكل اهله يبداهم زياره من اول يوم لاخر يوم من الامتحانات وبعد الامتحانات (مسااااااااااااااافر في زمن النسيان)
5- وهذا المسكين اللي من قل الحيله الي يعور القلب لاقفلت معاه ... مسك المخده ونام لين ما تنششه امه الصبح ويقول يووووووه راحت عليه نومه
6- الي يأنبه ضميره ولازم يدخل المنتدى يشوف من رد على مواضيعه ومنو نزل موضوع يديد وما يودر موضوع إلا ويرد عليه ولا ويطيح رسايل خاصه لكل الاعضاء الي فاقدنهم طبعا هم لهم شهور ما دخلو بس توه يحس انه افتقدهم
7- وشي نوع الي ما يصلووون و يقيمون صلاتهم في البيت... عاد ايام الامتحانات .. تقول الله هداهم والخمس صلوات كلها في المسيد .. وبعد الامتحانات يرد شرات قبل وألعن
ههههههههههههههه طبعا كل هاااا عشان يشغل عمره عن المذاكره ... اطلعو على حقييقتكم هههههههههه
منقول
__________________ بسم الله والصلاة والسلام على الحبيب المصطفى اللهم اجمعنا بها في الفردوس الاعلى ومتعنا وهي بلذة النظر الى وجهك الكريم اللهم ارضها وارض عنها وعافها واعف عنها وجازها بالحسنات احسانا وبالسيئات عفوا وغفرانا انا لله وانا اليه راجعون |