 اوكف اريد احجيلك المضموم
أوكــف رايــد احجــيلك الــمضــموم
واذا مــعدوم ردكـ مــا يــهمـني
آســبـابـك هـوايـه وكـثرن ويـاي
واذا يـــبقـن بــعد يــمكن يــدمرنـي
بــعد مـاضـل رحـم وآتـنـاسـه جـذبـك هـاذ
ولا كــلـمة حـنيـن الـبيـك تـاخـذنـي
ولا جـمـلة غــزل مـنك تـريـع الـروح
ولا الـذكرى الـجـميـله الـبيـها تسـكُـني
آبـعد والأ اكولـك رايـح انـي بـعيـد
ولا رايـد عــيـونك الــناويــه تـذلــني
بيـك آنـه اضـل وبـدونـك أبـقى الـزيـن
طيـر آنـه اضـل والأغصـان تـحضـني
وأنـت آغـراب اسـود مـاكو مـآوه تـريـد
تــضـل تــنغـط ولــكن جـــيب الـــيغــني
خــلص وكـتك بــروحي وكــافي لــعب ويـاي
آبـــعد يــا لــعيب لـخاطـري أتــركــني
اســف أنــي مــنك مـاشـفت ضــحكــات
بـس دمـعـات تــحوي الـعيـن بالـعشـره
ولا ويــاك جــدمـي ايــسيـر ع الأزهــار
ولا الــجـفيـن لـمسـت نـاعم الـبشـره
الـجـذب بيـك أتــضح مـاخذ نــصف مـا بيـك
وشـريـان الـغـدر بيـك أتــضح يــنبـض
وبـتأليــف الـقصـص مـاخذ رتـب دكــتور
والــتمســاح مــنك مــا عرف يــغمـض
آنه تـبليط احسبك وغشو بيك سـبيـس
والـطسـات مـنك مـاخذه دروســك
ورجـعو مـثل مـا أنـت ارجعـت مذلـول
يـعتـذرون غــلطة خـير مـنفـوسـك |