 سولف ياقلم لاتخجل اترجاك
انزف ياقلم وتخطه حجرالصوت
اخذ من عمري حبرك والشعر ورقة
ركز بالصحيفة او وجد اللجمات
تلكة امال تدمي بكل سطر فرقة
ولتظن ياقلم لو برز نابه الذيب
معناهه ابتسم لو للعطف يرقه
------------
اذا رايد مراجع تشهد اللحظات
مجلد للحزن برفوف كل نظره
تجول بمكتبة كلبي وخطاك تدوس
طبع هسه وقديم جروح مخضره
لا تخجل بديه والك عهد احرار
اصيرن شاره الك وتصيرلي حضره
-----------------
غتصب خدي الدمع وتجاسر علجيد
عمت عين الحفرله خدود من حبه
اخذني ولاتخليني بمهب الزيف
بسد نسمة ترافه وهمسة امحبه
تبنيت التقيه وغازليت الليل
واثور بكل نفس لعنه بأثر سبه
---
صور بالقوافي الي جرعته بلون
يخلي الشال ذنبي يصح لاحكه
بطعم مايعثر بشفتي واغصن بي
ولا يرفس بروحي وذبحته الحركه
طغه المر وافتره وتبدت الايام
غليل الصبر يروي ابفحطة الشركه
-----------
يمكن يخترع لو شاف ملك الموت
يخليني بعذابي وينفذ ابجلده
جم موته المتتهه ومن افز يعود
يطك علج البطر ويخرمش بخده
وجم ثوره تحرر سلمته الروح
وجم ناطق بناري بسكته يتصده
----------
سولف ياقلم لاتخجل اترجاك
تره بس الذليل تغيبه السكته
واحذر من خطاب بلا سند مذكور
بحجة ضحكه صفره يصوغلك نكته
واشجب وضع واهي تفبرك العنوان
يشدك للندم بس ينكضي وكتة |