ابو راكان قاطعه:ومايستحي يغازل قدامي بعد..حيلك فيهـ..
وصارت ام راكان تجادل ولدها وليه تغازل وليه وليه؟؟
لـــين ماسحب ابو راكان نفسه..طلع نفسه من الشعره من العجينه..قلبها ع ولده..
.
.
.
وقت الغداء
حذف الملعقة ع السفره وبحده:وش هالطباخ ي الكلبه؟؟
جيهان برجفه:ايششبه؟؟
ابو يوسف بنفس حدته:ايشبه!! ذوقيه وقولي لي وشبه"وبزمره"ذووقي
جيهان خذت الملعقة ويدها ترتجف وذاقت الاكل التفتت له:......
ابو يوسف بعصبيه:هاااه..وش رايك؟؟
جيهان بخوف:بس ناقصة شويا ملح..ويصير طعمه زين..
ابو يوسف شد شعرها:يصيرر زين هااه..علم يوصلك ويتعداك أن مطبختي لي مثل ماتطبخ الأوادم مراح تشوفين ألي يسرك..
وحذفها على السفره وفوق الرز..وحرقها حرارته..وطلع من البيت..
صارت تبكي بلا شعور وهي تلم السفره..
*ابو يوسف دايم يذمـ طبخها ، مع أن جيهان طباخه وكانت قبل ماتتزوجه تطبخ هي بدل أمها..بس ابو يوسف يذم طبخها لأتفه الأسباب ودقت على البقالة ألي بجانبها عشان يأخذ الغداء حرام ترميه..
وبعد نصف ساعه وبعد منظفتا لصحون والمكان..دقت على امها..
وردت بكل لهفه وشوق:هلا أمي..
أم فهد بنفس لهفه وشوق بنتها:هلابش ي بنتي..اخبارك؟؟
جيهان:الحمدلله ع كل حال..انتي كيفك يمه؟؟
ام فهد حست من صوت بنتها ان حالتها ماتسر:علامك ي بنتي؟؟ ليكون من يده عليكي بس..
جيهان:.......
ام فهد تنهدت:حسبي الله ونعمه الوكيل..ويش مسويه عشان يمد يده عليكي بعد..
جيهان:شاف الرز ناقصه ملح..قوم الدنيا ولا قعدها..
ام فهد بذهول:صدق ان ماعنده عقل..وبعدين يقولون ملح ناقص ولا زيادته..
جيهان:اصلا هو يبيها من الله..يبي يدور أي حجه عشان يمد يده علي..
ام فهد بحزن على بنتها:الله يصبرك عليه ي بنتي..
جيهان:آمين..
وسكتوا شويا..
ام فهد:اخبار بنات عمك خليفة؟؟
جيهان:الحمدلله طيبين..
ام فهد:الحمدلله..
.
.
.
كانت ترقص ع أغاني اجنبية منوعه..وهي لابسهـ شورت بلاك ع بدي وردي وفارده شعرها القصير..
وهي تردد:I love you....
افتحت الباب اختها وطفت المسجل
اروى التفتت لها:ليه طفتيه ي هانم؟؟
فاطمة:اخويا قال ليا طفيه..اصل صوت المسجل عالي قوة..
اروى بحقاره:قولي له إذا مو عاجبه الوضع يطلع..أصلاً هو وش ألي خلها ينزل تحت عندنا..خليه يصعد فوق عند حرمته ابرك..
فاطمة:اسفة..أنتي روحي قولي له هالكلام مو أنا؟؟
اروى بحقارتها:طيب..
وراحت الصاله وشافته يتقهوة مع امها..
اروى بدون سلام وقله حيا:وش عندك ي عبدالله..وش قايل لفاطمة..
عبدالله التفت لها وسرعان مانزل عينه تحت:استغفر الله العظيم..وش لابسه أنتي استري ي بنت..
اروى:انت ماللك شغل بلبسي..ورجاءاً لاتغير الموضوع..
عبدالله التفتت لامه:أنتي كيف راضيه لبنتك تلبس كذا..
ام عبدالله:.......
اروى باندفاع:طالمه امي راضيه علي..أنت مالك شغل فيني..وأنا قلت انك لتزوجت راح تفكنا من ارائك ألي مالها داعي..
عبدالله قاطعها بعصبيه:تكلمي عدل ي بنت..
ام عبدالله:احترمي اخيك الكبير..
اروى زفرت بصوت عالي:اووووف بس..
وراحت..
عبدالله بصوت مسموع:صدق انها ظب..
اروى بنفس مستوى صوته:مالظب ألا إلي قالها..
ورقعت باب غرفتها بقووة..
عبدالله:وربي وعالي وسماه أني ودي اكفخها بس اني حاشمك..
ام عبدالله:انا ماأبك تدخل ببناتي..اهتم بشؤؤنك بس..
عبدالله:بس ي يمه..أنتي شفتي لبسها..اجل في بنت متربية تلبس شورت قدام اخيها..لتزوجت تلبس عند زوجها ألي تباه..بس عيب تلبس كذا قدامي..
ام عبدالله بنفي:عبدالله..لاتدخل ببناتي سوا بروحاتهم وجياتهم ولا حتى بلبسهم..
عبدالله هز راسه ب لا..وتنهد بصمت..
.
.
.
جلست تصحح دفاتر البنات وعقلها مو معها..وهي تذكر كلام صاحبتها..
اريج:هاااه وش قولتي؟؟
حنان بصمت:........
اريج بابتسامه:يقولون السكوت علامه الرضى..
حنان بتردد:ا...اريج..
اريج قاطعتها:امي حبتك من كثر متكلم عنك..والاهم اخوي"بغمزه"
حنان نزلت راسها بحيا
اريج بنفس ابتسامتها:والله وصرنا نستحي بعد..ههههههه..المهم اخوي مستعجل وقال ليا ابلغك اليوم أن بيجي هو مع ابويا..بس أنا حابه اعرف رائك بالاول موافقه ولا؟؟؟
قاطع تفكيرها صوت أختها:هييه أنتي وين رحتي..
حنان تنهدت:بتفكير مستحيل يتحقق..
رنيم باهتمام:عسى خير ي اختي؟؟علامك كذا مهمومه..
حنان قالت لها الحوار ألي دار بينها وبين اريج..
حنان:وبعدها كل واحد لحصته..
رنيم بأمل:تتوقعين ابوي بيوافق أنه يزوجك؟؟
حنان بهم:متوقع..هذا ثالث واحد يتقدم لي وأظن مصيره مثل ألي راحوا..
رنيم:لا إن شاء الله..
يتبع...