04-06-2012, 03:09 PM
|
| |
وعليكم السلام ورحمة الله وبركاته.. اختي الفاضلة اسمحي لي ان اقول بان هذا الموضوع غير صحيح واليك التبيان:
كلنا وصلت لنا ايميلات بأن حرام نقول موسك .. لأن شخص اسباني ايام الحروب .. أيام سنة مليون وحطبة .. قال ان نبي نحطم المسلمين كالبعوض .. وان البعوض يتجمعون بمكان معين .. والمسلمين يتجمعون بمكان معين .. فعلى اساس ان البعوض اسمه موسكيتو ... سمو المسيّد .. موسك ..
اعضاء المنتديات واللي مصدقين الحجي شيقولون ؟ .. يقولون (( مالت عليهم حسبي الله عليهم ، الله ياخذهم انشالله ))
whoa whoa whoa .. لحظة شوي .. فلان قال هالحجي على طول صدقتوه بدون بحث وتحري ..
بأحد المصادر اللي دخلتها .. شفت ناس مادري شنهي جناسيهم .. قاعدين يتسائلون بينهم وبين نفسهم عن اصل هالكلمة .. واهمه من نفسهم قامو يدورون على اصلها أحد الاشخاص سأل عن صحة الكلام اللي يقول ان كلمة مسجد اصلها ( بعوض )
والاجابة كانت . ان في 4 مصادر احدها صحيحة لهالكلمة ..
الاولى / اصلها فرنسي من الكلمة ‘mosquee’ اللي طلعت بالعصور الفرنسية الوسطى
الثانيه / اصلها مشتق من كلمتنا العربية مسجد ‘masjid’ << يعني حالها حال كووب = cup .. حالها حال ليمون = lemon لاحظو طريقة الاشتقاق بس الثالثه / ان اصلها ايطالي moschea
الرابعه / ان اصلها اسباني .. لاحظو الفرق ‘mezquita’أو mosca.. هذا اهو الاصل الاسباني مزكيتا ... مو mosquito اللي بواقعها معناها بعوضه ..
اولاااااااااا يالفـــرق @@ .. حرام عليكم مزكيتا حولتوها مسكيتو ؟ بأمر منو ؟
وبعض الناس فالحين يقولون هالكلمة حرام ومادري شنو .. حسبي الله عليكم بس :/
ازيدكم من الشعر بيت ؟
تبون تعرفون مصدر هالحجي البايخ والفتوى اللي مالها اساس من الصحة ؟
انا اقولكم ...
اصلها من كتاب اسمه (( The Complete Idiots Guide to Understanding Islam ))
هالكـتاب بكبره غلط ومافيه شي صح .. الله يسلمكم هذيلة مجموعة من الناس الاجانب المسلمين مسوين كتاب لا يحتوي على اي شي صحيح .. واستغلو فتاوي مالها شغل بالواقع عشان يبيعون الكتاب وايمعون البيزات .
واحد ينقاله يحيى جون ايميرك والثاني قاسم نجّار .. ومادري اذا لهم قروب ثاني ولا لأ .
بس بكل اختصار ..
كتاب يحتوي على امور صحيحة ، وبنفس الوقت امور خاطئة
مو بس جذي ... هذا الكتاب اللي مسوينه . لاهو مرجع ولا مصدر حق اي شي من الفتاوي .. على اي اساس الناس يستندون على فتاويهم منه ؟ .. هالكتاب مو قرآن وما يحتوي على احكام وتشريعات ! .. مجرد كتاب ميمعين فيه جم سؤال من الكتب الاسلامية اللي بالمدارس .. شنو تعريف الجهاد .. وشنو تعريف مادري شنو . ومن بينهم شنو اصل كلمة مسجد :/ .. اللي اساساً طلعت كلها غلط بغلط ..
** بييبلكم بعد دليل ثاني على اصل الكلمة
موقع الويكيبيديا يتكلم عن اصل كلمة موسك = مسجد بالاسبانيه
اصل هالكلمة كان بالـسنة الـ 800 ميلادي تقريباً .. وسالفة ( البعوض والاسباني ) كانت بحوالي الـ 1200 ميلادي او الـ 1100
يعني الاصل اهو الكلمة الاسبانيه ( والفرع حجي الشخصيه الاسبانيه )
لا تصدقون كل حجي ينقال ..
ترا كله حجي فاضي ماله اي معنى .. اي واحد ايي يقعد يكتب ويقول اللي يبيه بدون ادلة تاريخيه ولا اثباتات لغوية ..
مثال مشابه حق هالحاله ..
كلمة ‘picnic’ بمعنى رحلة مثلاً للبر او على قولة اللي بالشام ( كشته ) ، في ناس اجانب فسّروها بمعنى ( ‘pick a nigger’ ) يعني اختارلك عبد اسود .. رجعو حق ايام العبوديه !!
اوولااااااه .. شهالفرق !!! .. ليش يبا ؟ . ليش التفسير على هواكم ؟!
بعض من مصادري اللي استخدمتها :
اصل كلمة مسجد بالاسبانيه ( الاصل الصحيح )
الصفحة اللغوية لكلمة موسك
هم هذا تفسير مثل تفسيري
الكتاب الفاشل اللي سوا كل هاللويه
انشـالله تكونون فهمتو القبندة كلها .. وان في ناس اتخذو من كتاب ألفوه شخصين او اكثر ، انه يكون مصدر ومرجع للدين الاسلامي :/ ..
واهمه لا مفتيين ولا شي .. ناس سوو كتاب عالسريع يبون البيزات وبس
وأن المسجد ماله علاقه بالبعوض ابداً !!!
|