عيون العرب - ملتقى العالم العربي - عرض مشاركة واحدة

فــوفــو · #1 04-18-2012, 08:19 PM

.
.
احترت ياعالم ومن العنا ذقّت
ـــــــــــــــــــــــــــــــ حدتني ظروفي وكتبت القصيده
.
لحد(ن) يلوم قليبي اليا تشبقّت

ــــــــــــــــــــــــــــــــ وحبيتها ياناس لو هي بعيده
.
بنت ارحمي حالي لاينقضي الوقّت
ـــــــــــــــــــــــــــــــ وتمضي ليالي العمر وحالي نكيده
.
انتي منى عمري وبخاطري ضقّت
ـــــــــــــــــــــــــــــــ يكفي عذاب بالله وش مستفيده؟
.
وانتي لي نسناس الهوا لا تنشقّت
ـــــــــــــــــــــــــــــــ من دونك اعد موتي حاجه اكيده
.
وانتي سبب طعم العنا اللي تذوقّت
ـــــــــــــــــــــــــــــــ خوفي من الله وارحمي ياعنيده
.
وانتي سبب في عشق انا به توهقّت
ـــــــــــــــــــــــــــــــ اشوفك بدنياي صرتي الوحيده
.
اقسم لكم بالله اني لها اشتقّت
ـــــــــــــــــــــــــــــــ واشتقّت انا عيش الحياه السعيده
.
ان شاء رب الخلق ثم لاتوفقّت
ـــــــــــــــــــــــــــــــ يصير كل شي (ن) على ما تريده
.
اللي ابي منها قول اني وافقّت
ـــــــــــــــــــــــــــــــ ونفتح من الدنيا صفحه جديده
.
رسمت انا خطّه بعقلي ونسقّت
ـــــــــــــــــــــــــــــــ ونويت ابعلن عشقها بالجريده
.
وفكرتنا بعذال قلبي هل المقّت
ـــــــــــــــــــــــــــــــ وهوّنت خايف من حسدهم يبيده
.
هي ملكت روحي ولاغيرها طقّت
ـــــــــــــــــــــــــــــــ يشهد على ماقول ربي وعبيده
.
غرقت في بحر الهوى من تعمقّت
ـــــــــــــــــــــــــــــــ واللي غريق تموت روحه شهيده
.
ياليتني في حبها ما تعلقّت
ـــــــــــــــــــــــــــــــ العشق همّ (ن) يلعن اللي يعيده