04-19-2012, 02:09 AM
|
| |
يا ليل...
ياليل جـر اﻵه و الشـوق مـوال
وخلني أردد من شعوري قصيـده
الروح ذابت والدمع سيـل همـال
والشوق يحرق والمسافـه بعيـده
ياليل شفني بغربتي ضايق البال
أنزف جروحي و المصايب شديده
مسكين قلبي كم تحمل من أهـوال
مالي حمـل و الله ضربـه جديـده
إن قلت هان اﻸمر و تعدل الحـال
ترجع لي الذكرى وحزنـي تعيـده
ياليل تكفـى ودّ ي للولـف مرسـال
و سجل سﻼمي في صفايح بريـده
قله عساك بخير وشلون اﻸحـوال
قله فؤادي بالحيـل ينـزف وريـده
قله بدونك تالي الحـظ قـد مـال
و قلـه غيابـك نـار قلبـي يقيـده
من غابت عيونه تحرّمت اﻶمـال
راح وخذا هالـروح منـي بإيـده
وقله بدونه صرت مادانـي أزوال
ماغير أصدد في الوجـوه البليـده
يمكن شبيه له في ثـوب وعقـال
يحيي أمل هالقلب ويعيـد عيـده
ومكانته والله من عمـر و أجيـال
هو نبض خفوقـي تاجـه و سيـده
اشرب واقهوي نازف الجرح فنجال
هيله دموعي و الظـروف العنيـده
هذا طبـع اﻸيـام أدبـار و أقبـال
قسمه من الرحمن وكلنـا عبيـده
خلص الحكي ياليل وش عاد ينقال
وش عاد ينفع لو اسطـر جريـده
وآخر كﻼمي مسكنـه دوم بالبـال
لو هو نسى في القلب زايد رصيده
تعبنا من السهر ومن ضيقة الحال
ياليل تكفي نظر عيني لازم تعيده
__________________ شـ غ ــب .. شـ غ ــب |