| اسوء اعتذار !!
ياحب اكتبني في صفحتك تذكــار ..
وخذ من قصتي اروع الأســــرار ..
اكتب معاناتي في زمن غــــدار ..
وخذ من دمعي لو جفت الأحبـار ..
قلب سقيته حب وذوقني المرار ..
وحصدت من غدره بساتين واشجار ..
قلب طعني وفي قلبي الآثـــار ..
ودمـر كيآني وبعيني شفت الدمار ..
راحت ولا فكرت تختلق اعـذار ..
واشعلت بداخلي من الهم نار ..
فارقها معادلة ! وحلها الانتظار..
ومابيدي شي يخليني اختار ..
طيفها يداعب كل زوايا الدار ..
واحس انها صوره وقلبي الجدار ..
اسمها على صدري طوق وسوار ..
وهي تعامل اسمي بالتجافي والانكار ..
ياحب وصلها عني اسوء الاخبار ..
وقلها سالت دموعي كما الانهار ..
ياحب قلها ترى ماعدنا صغار ..
والعمر يمضي وصبري بدا ينهار ..
ياحب بلغها من اكبر اعتذار ..
اذا في يوم ردت !! وفاتها القطار ..
__________________
شي عادي مثل ماجيتي تروحين .. المهم الجرح لا رحتي يروح |