يا ( قلب ) يكفي ما جرالك ويكفيك
أنك تموت من القهر الـف مره
بالله قلّي ويش تالي مساعيك
ياللي تناظر في نجوم المجره
حلمِ حلمته مايحقق أمانيك
وليلِ سهرته ماينسيك مره
أن كنت ناسي ما جرالك بماضيك
بذكّرك في الوقت خيره وشره
عطيت من دمك وخابت هقاويك
وراحت سنينك بالشقى والمضره
كم ( جرح) ينزف بك وكنّه ولا فيك
من خوف عذالك بصدرك تصره
وكم ( جرح ) لوتخفيه بانت مواريك
له في ملامح وجهك السمح جره
وش فايدة صبرك وسهرك لياليك
وغيرك بدون أحساس مافيه ذره
أكبرخطأ تبكي على أنسان ناسيك
ويضيق صدرك فيك وتموت حره
اللي نساك أنساه لو كان يطريك
واللي يبرك في مواصلك بره
وأكبر جريمة .. من توده ويجفيك
أنت تصونه عقب مابـاح سره
قول ( الوداع ) وماجرالك يكفيك
ودربِ يمره لا تحاول تمره
يا ( قلب ) يكفي ماجرالك وكفيك
أنك تموت من القهر ألـف مره
مما رااااق لي