*...يا ورد ...*
ياورد راح اللي يجيبك ويهديك
راح الذي يقبلك مني هديه
ياورد اشوفك بس مالي غرض فيك
ﻻيقبلك خاطر وﻻمزهريه
ياورد سامحني وتشكر مساعيك
اللي حصل ياورد غصبا عليه
ياما فعلت لخاطر عيون مهديك
ضحيت مثلك لين صرت الضحيه
مد الزمن يد الجفا .. قال: يكفيك
اﻻيام ماتصدق و لا كانت وفيه
تسرق هنى عمرك وﻻعاد تعطيك
اﻻ القليل ان كانت اﻻمال حيه
وانته قطفت الورد من روض غاليك
غصن الهوى ياما تظللنا سويه
الورد دونه شوك لو يجرح يديك
اصبر وخل عزوم قلبك قويه
ويا ورد ...
راااح..
اللي يجيبك ويهديك
راح الذي يقبلك مني هديه
***
*