أبو راكان:تفضلي يابنتـي..جلسي بمجلس النسى..
جيهان باابتسامه باهته:إن شاء الله يالغالــي..
ودخلت لمجلس النسى..
كان برااد ويرد الروح..شلحت برقعي وشالي عشان يمر الهواء بوجهي أكثر..آآآه يامحلى البراد..شلحت عباتــي ولفيتها وحطيتها على جنب..
المجلس كان كبير وريحتهـ تجيب العافية..
وفي المطبخ..
دخل بشويش كاعادته لشاف امهـ يخوفها..
راكان بحماس:بوووو..
أم راكان بخوف:آآه..بسم الله الرحمن الرحيمـ..
راكان بضحكه:فديت روحكـ يايمه..خوفتكـ؟؟
أم راكان ويدها على قلبها:ياجعلك الصلاح..انت ماتجوز عن حركاتكـ..
أبو راكان:مستحيل يجوز عن طبعه ابد..المهم يا سمورتـي..أبا الغداء يكون جاهز حول نصف ساعة لا يطول..
أم راكان:أبشر يا أبو راكان..مهوب مطول الغداء..
.
.
.
دخلت مجلس النسى وبيدها المبخر وبترحيب:هلا والله بالمزيونة..وش ذا الزين ياعروس بسم الله عليكـ..
جيهان قمت سلمت عليها:أخبارك ياقلبي؟؟
روان:طيبهـ..أنتي كيفك ياعروسة؟؟
جيهان باابتسامه باهته:الحمدلله طيبه طاب حالكـ..
روعه دخلت بعد روان وبعد السلام..
روعه:أنا كلمت أروى عشان تجي..
جيهان بان عليها الحزن والقلق بس ماحبت انه يبين فيها فبتسمت باابتسامه عريضة:بإذن الله..
روعه:أنتي ياجيهان تعجبيني بقوة..جمالك مايتوصف..ليت منك اثنين عشان نخطب لنايف وحدة زيكـ..
إلا بدخله أم راكان:لا أنا بخطب لنايف وحدة أجمل من جيهان بمليون مرة بعد..
روعه وروان أفتشلوا من كلامك أمهم..وجاوا بيردون إلا بجيهان تسبقهم..
جيهان بنيه صافية:بإذن الله..الله يوفقهـ ويسعدهـ يارب..
قمت وبست راسها ويدها:أخباركـ يالغالية؟؟
أم راكان بدون نفس:هلا..هلا..الحمدلله زينه..
جيهان:دوم يارب..
أم راكان جلست يم التلفون:أقول يابنات كلمتوا خالتكم عشان تجي هي وبناتها..
روعه:أي يمه توني مكلمتها وقالوا أنهم بمسافة الطريق..
أم راكان تبي تغيض جيهان:ويازين أروى بس..وربي هالبنت عسل..زعلتـ عليها لأن أمس مجات لعرس ولدي راكان..
جيهان استغربت أن أروى ما جات لعرس ولد خالتها ألي تحبه..يمكن ما جات لأنها ماقدرت تشوف حبيب قلبها ماخذ وحدة غيرها..كان الحزن باين بوجها وذا الشيء ماخفى على أم راكان..
روعه:أي وربي حتى أنا متصورتـ انها مهيب جايهـ..
أروى دخلت:تتكلمون عنــي..
أم راكان بترحيب قوي من الأعماق:هلااا والله بزينه البنات كلهمـ.."وشدت على الكلمة الأخيرة"
وبعد السلامـ..
أم عبدالله:وش السواه مع هالبنت؟؟ أقول لها تعالي ذا عرس الغالي راكان..قالت لا يايمه أنا تعبانة..تصوري أنها كانت تبكي وحالتها حاله..
جيهان:...........
أروى(الله يسامحكـ ياعزوز..وربي أني زعلت عليكـ بقوة أمس..عشان كذا مرحت للعرس..ظلمنـي بقوة)وبدلع:وش أسوي بعد..جاتني الدورة بوقت غير منشان..
روعه:يا حياتي..والله صدقتي توجع بقوة..
فاطمة كانت تكلمني:أنتي من وين جايهـ يابنت؟؟
جيهان باابتسامه:كيف؟؟
فاطمة:على هالجمال..
جيهان بضحكه عذبه:فديت روحكـ بس..أنتي الجمال كلهـ..
فاطمة:يا زين لسانكـ بس..
أم راكان قامت:بروح أكب الغداء أنا..دقايق وجايهـ..
جيهان قمت وراها:أساعدكـ يالغالية..
ام راكان قاطعتها بشراسه:أنتي بس استريحي مكانكـ..أنا ألي بكبك الغداء..ولا ابا منكـ أي مساعدهـ..
الكل سكت من كلام ام راكان:...........
وقاطع هالصمتـ بكى غازي ولد روان..
غازي:ماما أبي حوااوه..
روان:مافي حلاوة..
جيهان مكذب عليكم..أحس با أحراج كبيرر..وجهي صار زي النمل..
روعه محبته الموقف ألي صارت لجيهان وحبت تبعد عنها الأحراج:أمي قصدها أن جهونهـ توها عروس..من بدايتها بتكرفها صعبة..
فاطمة:أي بالله صدقتي..
جلست مكانـي..وابتسمت للجميع باابتسامه أحراج..
.....
وبالمجلس..
كان موجود مشاري ونايف وأبو راكان وبطلنا المزيون راكان وعبدالله..
أبو راكان بهمس:هااه بشر ياولدي بيضت الوجه..
راكان:...........
أبو راكان:عساكـ بيضتهـ بس..
راكان:لا والله ماصار..مو لزوم يكون من أول يوم..
<<لاتقولون ذي تألف ومستحيل أب يقول حق ولده كذا..ترى فيهـ آباء يقولون لاولادهمـ كذا..مو الكل البعض منهم..البعض حيوي والبعض جريئ وعادي..نرجع لروايتنا الواقعية..
أبو راكان بقهر:مالت عليكـ بس..أنا قايل أنكـ مسود الوجه..من شفتكـ ساكت وأنا غاسل يدي بفلاش منكـ..
راكان بضحكه:يعني لزوم يكون أول يوم..
أبو راكان:عشان يطيح الحياا بينكم..وتتعودن على بعض..
راكان:ذا كلام مو منطقي وحق أول بعد..مهوب لزوم أول يوم..عادي يصير ثاني يوم ولا ثالث يوم..مابه خلاف..
أبو راكان هز راسهـ بـ لا:أنت ما منكـ رجاء أبد..
نايف فرش السفرة:الغداء استوا..حياكمـ..
....
وبمجلس النسى..وقت الغداء..
كان كبسه لحمـ..وتبولة وشوربة..
أنا معجبتني الكبسة أبد..طعمها مو ذاكـ الزود..سويت نفسي كنـي أكل..أكلت من التبولة..استغفر الله العلي العظيم..وش ذي التبولة طعمها الحمدلله بس اللهم لاتجلعني اذم طعام احدهمـ..توجهت لشوربة وكانت أحسن طعم من التبوبة والكبسة..
أم عبدالله:أكلي ياجيهان..تغذي عدل..لزوم تستوين..
جيهان:هذا انا أكل..
أم راكان رفعت حاجبها:ليكون مو عاجبكـ طباخـي بعد!!
يتبع..