جيهان تعمل الشاي:ذا ربكـ غفور رحيم..مهوب اناا..
كنت أبي أعلمهـ أنه اخطأ ولزوم يتحمل غلطته لأني ما أبي يتهمني مرة ثانــية..تعبت أمثل الطيبه والتسامح..وسويت هالشيء مع أبو يوسف وسامحتهـ وكلا يعتذر وأنا الخبلهـ أسامحهـ على أخطأئه حتى لو كانت كبيرة..وذا غلطـ..
شلت الصحن وطلعتـ من المطبخ بسرعة قبل لايمنعنـي..
.
.
.
وقت الغداء..جاوا من المشفى بعد ماقالوا لها نوع الجنين.. كانوا فرحانين بقوة..
بدريه شافتـ أم فهد جالسه تتغدأ مع أبو فهد(حسبي الله عليها..ذي لحد ألحين مماتت)
أبو فهد:تعالوا اكلوا..
فهد بدون ميطالع باأمه يعني أنا ما أبي أكلمكـ:زين يبهـ..نغسل يدنا ونجي..
أم فهد مناظرت لهمـ أبد..
ودقايق إلا هم جايين..
أبو فهد:بشر ياولدي ولد ولا بنت؟؟
بدريه بمياعه:والله ودي أعرف نوعيه جنيني..بس قالوا لي أن البيبي ساكـ على فخوذه متكور ولا هم عارفين يشوفون..قالوا لي تعالي بوقت ثاني وحددوا لي الموعد..
**فعلاً هذا ألي عندنا ما..بس ابي أعرف ليه ميبون يقولون كان بنت ولا ولد..في بعض الحريم عقولهم مدري وش أقول..أحس أنه مالا داعي النكران والكذب قولي شفت وعرفت بس ما أبي أعلمـ..!!
فهد قام يجيب له الشطة ولحقتهـ أمه وراهـ..
أم فهد:أسمع يافهد..من اليوم ما أبي يخاطب لساني بلسانكـ..وأنت ماعليكـ إلا من حرمتكـ وبس..
فهد بحقاره:والله ذي الساعة المباركة..بس أن دقيتي علي وقولتي لي ودني المستشفى ولا ودني بيت خويتي و....
أم فهد قاطعته وبعزه نفس:الله لايحوجني لكـ إن شاء..وقول لحرمتكـ..لاتجي تجلس عندي لأني ما أبي المشاكل معها..
فهد بنفس حقارته وزود:ومن زينكـ عشان تجي تجلس عندكـ..ولك مني وعد أنها ماتجلس ولا تشوف وجهكـ هالمجعد..
أم فهد كتمت حرت قلبها على كلام ولدها..
فهد بقله ادب وقله أحترام:وربي لو أشوفكـ تلتوين من الآلم ماوديتكـ وخلي راكان ينفعكـ يالعجيز..
وخذ الشطة وطلع من المطبخ وخلاها بحزنها ودموعها من الكلام القوي ألي قالهـ لها..
.
.
.
وعلى الساعة 8:12
امتلى المجلسين بالنساء والرجال لتبيركـ..وأبو راكان عامل عزيمة عشاء..
أم راكان:والله هذه الساعة المباركة يا أم مبارك..بس عطينا وقت عشان نسأل عن الولد ونشوف راي البنت..
أم مباركـ:أكيد ذا من حقكمـ..
جيهان مدت لها القهوة:سمي ياخالهـ..
أم مباركـ أبتسمت لها:سم الله عدوكـ..
ومدت القهوة للحضور الموجودين..
أم مباركـ تهمس لأم راكان:بسم الله عليها..وش ذا الجمال..ذي بنتكـ؟؟
أم راكان:لا ذي العروسه..الله يصلحك بس..
ام مبارك بضحكه:والله مدري..الله يهنيها..
روان سحبتني معها لداخل عند المطبخ:شربي..
جيهان:ليه؟؟
روان:شربي عشان مايصيبكـ العين..أنتي ماشفتيهم كيف يناظرون فيكـ..
جيهان بضحكه:تيب تيب..
وشربت ومسحت المويا على وجهي شوي وعلى رقبتي ويدي..
ورحت طلبت من الخدامة أنها تغسل الفناجيل والبيالاتـ..
وطلعت من المطبخ..وصادفتـ بوجهـي راكان..
راكان(يالبييهـ بس)
جيهان كشرت بوجها:اووف بس..
وجيت بروح إلا مسك يدي ويلفني قبالهـ لدرجة اني كنت بفقد توازني..
راكان مسكني من خصري بقوة:بسم الله عليكـ..
جيهان بحيا من قربه:بعد عني راكان..
راكان بخبث:منيب مبعد إلا ببوسهـ..
جيهان وعيوني تراقب المكان:راكــان..بعد عيب أن شافنا أحد وأحنا كذا.."وبكذب"هلا روعه..
راكان بعد عني بسرعة والتفت لورى..
أنبسطتـ لأن كذبتي انطلت عليهـ..
وصرت أركض مشفت قدامي إلا الدرج وصعدت بسرعة وهو لحقني..
دخلت لأول غرفة موجوده قبالي وجيت بسكر الباب إلا بيده..
راكان دخل وسكر باب الغرفة وقفلها بعد:وين بتروحين منـي يعني..
أقترب منها وبعدت لين وصلت للجدار..ألأتصق ظهرها بالجدار..
جيهان تدعي عدم الخوف:وش بتسوي يعني؟؟
راكان حاصرها بيده ألي حطهم بالجدار مما بان خوفها وتوترها..
جيهان بخوف:خلني أطلع..
قرب شفاتهـ من شفاتها وبهمس:وربي أني منيب مطلعكـ من هالغرفة إلا ببوسهـ منكـ..وعن رضى تامـ بعد..
جيهان بعناد:منيب بايستكـ..ما أبا شفاتي تتلوث بشافتكـ..
راكان مرر صبعهـ على شفاتهـ وزاد توتها أكثر وبهمس:ماتبين تذوقينا من شهدكـ العسل..
جيهان ووجها أشارة مرور من كلامه وحركته وبحيا:راكان بعدت عنـي..
راكان نزل يده وحوطها من خصرها وقربها بقوة من صدرهـ وأنفاسه الحارة تحرق لهيب مشاعرها تجاهه..
انتهـــــــــــى البـــــــارت..