|
؟: صعد ع السرير ونام بجنبها من جهة اليسار
جنان: حست انه ع طول انسدح يعني ماحست برجوله يوم صعد بجنبها كأنه جا من فوق وع طول نام بجنبها يعني حسته يطير وحسته نايم ع بطنه وفوق كذا اللي بغى قلبها يوقف حست بكتفه لصق بكتفها ووجهه بجهتها ومايفصل بينهم الا الغطا الخفيف ودموعها سيلان ع خدها وحرارة قوية شبت بجسمها ووجهها ومن خوفها حست انها بتموت حاولت تطلع صوتها وهي تقرا سورة الكرسي بس ماقدرت ماكان يطلع من صوتها الامجرد كلمات متقطعة وصغيرة فجأة غابت عن الوعي،،
ســـــــــــــ 9 ـــــــــاعة مساء
حنان: خلينا نشغل ال تي في
هبه: تتريق،، تكفين مانبي شور تايم حطي لنا ال اف ام بس هههههههاي
حنان : عن الملاقه
هبه : بذمتك لما تشغلي تلفزيون كحيان مثل هذا بتعتقدين بتلاقين فيه شي
حنان : راحت بجنب ال تي في..لا بس بحاول يمكن القى فيه شي مليت
هبه : تناظرها وهي تشغله وماتشوف الا الوشوشه والصوت المزعج
حنان : بصوت هادي وفيه نبره للجديه والتشائم ..هبه تتوقعي حنا بنطلع من هنا
هبه : تنهدت باسى ونزلت عيونها بحضنها وتلعب باصابع يدها.. ماظن
حنان : تقلب بالقنوات الفاضيه واخيرا شافت قناه للقران الكريم
هبه : هاااه بس بس خليها
حنان : ابتسمت .. اكيد بخليها اصلا مافي شي احسن من هالقناه وهالكلام الطيب
هبه : سندت راسها لورا ع الكنبه وغمضت عيونها بدت تصغي للقران
حنان : جات وجلست بجنبها بس على الارض
هبه : فتحت عيونها شافت جنان تمشي متوجه للمطبخ
حنان : مانتبهت لانها تناظر ال تي في وتقرا القران اللي مكتوب بالشاشه وتسمع بعد
هبه : هاديه مره ..جنان صحت من النوم
حنان : التفتت على هبه تناظرها .. صدق وينها؟
هبه : راحت تركض المطبخ شكلها جوعانه
حنان : ااها .. مادام جنان صحت وصار معك وحده عشان ماتجلسين لحالك انا بروح انام
هبه : اوكي على راحتك انا بجلس اسمع وبنام هنا بعد
حنان : اوكي باي
هبه : ارجعت سندة راسها وتسمع القران
حنان : ادخلت الغرفه اللي فيها جنان بس كانت ظلمه مرررره
هبه : فجاه شافت جنان ماره بالصاله تسرع ع طول نادتها .. جنان جنان
لكن اسفهتها ودخلت الغرفه .. ايش فيها هالغبيه ماترد .. عقدت حواجبها وهي مستغربه وسندت ظهرها وحاولت تنام
الســــــــاعه 1 صباحا،،،،،،،،،
بغرفة حنان كانت ع السرير نايمه وكان فيه مصباح قديم وصغير مررره مشبوك بالكهرباء مثل الفيشه بزر يشتغل ويطلع منه نور ابيض خفيف وبنفس الزر يطفي.. كانت نايمه فتحت عيونها وهي نعسانه مررره وترجع تغمض تحس انها ماتشوف زين فتحت مرره ثانيه شافت الغرفه كلها ظلمه بس الغريب ان المصباح والع وحست ان اللي شغله جالس بجنبه جاها فضول انها تشوف بدت تناظر من المصباح لتحت شوي وشوي واكثر لما وصلت بنظرها للارض وبس شوي وبتشوف هالشخص الا اعتراها خوف وماحبت تشوف خافت اذا شافته والتقت عينها بعينه يجيها لانه قريب من سريرها مررره بس بينهم خطوه الا هو عند راسها واقف تعوذت من ابليس وغطت وجهها ولتفتت للجهه الثانيه ونامت من جديد
|