|
بالغـــرفه الثانيه،،،،،،،،،،
حنان : صحت شافت شي بغى تجيها جلطه شهقت بقوه هاااااااا ع طول بدت ترتجف..شافت وحده بشكل هبه بس لابسه عبايه سوده ومغطيه وجهها وكانها هبه بس هي عندها خبر ان هبه نايمه بره واذا جات هنا مستحيل تلبس عبايه وهذي شكلها غريب وش عندها واقفه تناظر جنان
حنان : ناظرت جنان شافتها نايمه ماتدري عن شي ورجعت تناظر هذي اللي واقفه قريب عند سرير اختها.. جاتها الشجاعه وفكرت تقوم تصحي اختها عشان تنقذها ويهربون بس هنا المفاجاه
حنان : ارفعت ظهرها عن السرير تبي تقوم الا حست بحد مسكها من يديها ورجع يخليها تنام على ظهرها مره ثانيه ...ااااه...حاولت تحرك يديها وحست بحد مسك رجولها وثبتها حست انها مربطه بالسرير مو قادره تقوم... اااه ااااه جنان ااااه
.......؟ : قربت من جنان وتناظرها بغضب
جنان : نايمه وماتدري عن شي
حنان : حست ان هالكائن غضبان ع اختها بس ليه ليه
حست ان هذي بتاذي اختها وبتاخذ جسدها زي ماخذوا عمها.. حاولت تصارخ عشان تصحي اختها بس حست حد كتمها حط يده ع فمها حاولت تصرخ بس صرخه مكتومه كانها بكماء ماتقدر تتكلم حاولت تحرك يديها وجسمها تحاول ترفعه عن السرير بس ماتقدر
........؟ : قربت مره وتناظر بوجه جنان
حنان : ااااااااه اهي اهييي
انفتح باب الغرفه بقوووة دخل عبد الرحمن بسرعه لان سمع كان حد صوته مكتوم
حنان : شافت البنت اختفت وكل شي اختفى اجلست على السرير وتبكي وتمسك يدها من ناحية المعصم لانها المتها
عبد الرحمن : جلس ع السرير بجنبها وبخوف عليها.. اش فيك؟؟؟
حنان :اهي اهيي ااه وتفرك يدها الثانيه من الالم ودموعها سيل
عبد الرحمن :يناظرها ونشف الدم بعروقه خايف عليها
حنان : يبه قوم شوف جنان انا مافيني شي
عبد الرحمن : التفت ناظر السرير اللي بجهة جنان وفز وكانه تو يذكرها وراح بسرعه ناحيتها وبعد الغطا عنها
جنان : فتحت عيونها بشويش وبتعب
عبد الرحمن : مسكها من كتوفها ورفع ظهرها صارت جالسه ع السرير ووجهها قريب من وجهه
جنان : صحت بس رجعت طاحت ع ورا
عبد الرحمن : مسكها وحط يده ورا ظهرها عشان ماترجع تطيح ع الوساده
جنان : بصوت خفيف .. اااه بابا احس اني تعبانه ودموعها متجمعه بوسط عينها
عبد الرحمن :اش فيك ايش صار
جنان : تذكرت وبدت تبكي
عبد الرحمن : جنان ردي علي
جنان : بصوت مخنوق .. مابي ابي امي .. مابي اجلس هنا
عبد الرحمن : ضاق صدره يوم شاف دموعها ضاقت بها الدنيا .. حسبي الله عليك ياسعد لو ماسمعت كلامك كان هالحين حنا بخير كله بسبب بخلك اللي شف وين وداك ومدري حنا وين بيودينا بعد
جنان : تبكي مثل الاطفال وهي شكلها من اساس ناعم وبريئ جنان ع اسمها .. ابي امي وينها
عبد الرحمن :طيب ياعمري لاتبكين ابوديك لها ويمسح دموعها بيده ويضمها لصدره ويحط يده تحت ركبها ويشيلها
جنان : صارت بين يديه واول ماشفت امها بكت بقوه وهي تقول لها اللي صار
ســـــاعة 1 مساء،،،،،،،
كانوا جالسين كلهم بالصاله ماعدا فاتن وعبد الرحمن جالسين بغرفه لوحدهم انفتح باب الغرفه اطلعت فاتن قربت من عندهم شوي
فاتن :جنان قومي ابوك يبغاك
جنان : ليه وش فيه؟
فاتن : اجلست روحي وتعرفي بنفسك
جنان : حاضر يمه .. راحت ادخلت .. هلا يبه امر
عبد الرحمن : بشوية جديه
ماتعودت عليها جنان لان هو دايم حنون ولطيف معها .. سكري الباب وتعالي ابيك
جنان : بدا قلبها يدق شوي خوف منه المهم انصاعت لاوامره سكرته وقربت منه
عبد الرحمن : شافها بتجلس بعيد ..لا تعالي هنا بجنبي
جنان : وردت خدودها بعد ماجلست بجنبه
عبد الرحمن : كان جالس ومشبك يديه ببعض وصمت وملامح وجهه جامده
جنان : بدت تخاف من هالصمت
عبد الرحمن : التفت عليها وحط عينه بعينها .. جد اللي سمعته؟
جنان : تبلع ريقها معقوله ياماما قلتي له اللي مابيه يعرفه .. خير ان شالله وش سمعت؟
عبد الرحمن : بحده شوي .. وش سوا لك
جنان : تجمعت الدموع بعيونها وماردت عليه
عبد الرحمن : صحيح انه نام بجنبك
جنان : بصوت صغير ومنزله عيونها من الحيا وبتموت من الخوف ..ايه
عبد الرحمن : كيف شكله؟
جنان : مدري بس هو ظل ظل انسان
عبد الرحمن : وش سوا لك
جنان : ............
عبد الرحمن : بعصبيه .. تكلمي ؟
جنان : شوي وتبكي..مادري مادري
عبد الرحمن : كيف ماتدرين هاه؟
جنان : مادري ان بس جا بجنبي مادري وش صار احس اني نمت على طول كانه اغمى علي بس مادري وش صار بعدها مادري ونزلت دموعها
عبد الرحمن : انا بنام عندك وخليه يجي ابن الكلب يا انا ياهو
جنان :خايفه مرره ماتعودت تشوف ابوها او تكلمه وهو معصب ولذلك نزلت دموعها
بالصــــــــــاله 4 مساء،،،،،،،،،،،،
حنان : هبوي انا جوعانه
هبه : حتى انا ودي اكل كل الاكل حتى اللي ماحبه بصير اكله
فاتن : انا نفسي بمندي
هيا : اسكتوا بس لاتشهوني اكثر احس اني راح اموت من الجوع
فجاه سمعوا اصوات غريبه كانه صوت ام وبنتها وفجاه سكتوا وبدا الازعاج
حنان : هاااااااا
فاتن : بعد خافت وش هالصوت
هبه : صوت صحون تطيح ع الارض
هيا: اعوذ بالله من الشيطان الرجيم
جنان : جالسه بعيد عنهم وضامه رجولها لصدرها فجاه شافت وحده ع هيئة انسان من ورا ومن قدام مافي لا وجه ولا يدين ولا رجول ولا اي شي يعني نص جسم كانه مقسوم بطول مختفي من قدام وباين من ورا ارتعبت خافت هالكائن الغريب يرجع وقامت بسرعه وراحت اجلست بجنبهم وكان بجنبها نافذه كبيره بس مقفله حطت يدها ع قلبها من بعد اللي شافته شوي الا كان حد ضرب النافذه اللي بجنبها بيده بس بقوه وكان صوت اقوى مع الصدى والصمت كان لها اثر قوي ع نفوسهم ورعب قاتل
الكل صرخ ااااااااااااااه
جنان : حساسه مره وماعاد تتحمل اكثر جلست تبكي وتبكي
ســــــاعة8 مساء،،،،،،،،،
|