السلااااااااااااااااااااااااااااااااااااااااااااام .....
شوووفوا ... بصرااااحه الموضوووع طووووويل ..وكتبته وأنا مررررتفع وماشوف الدرب .. يعني اذا بغيتوووا تقرووونه طفوا جهااااز الكمبيوووتر عشاااان ما تصرفووون واااجد ... (( يبي يقلد اللي يقولوون .. اذا جيت تقرا اقطع الاتصاااال .. بس مرتفع زي ماقلنا ..!! )) ...
-------------------------------------------------------------------------------------
في البدااايه .. خلووني اعلمكم عن خويي المنطعج ...
لانه بيكوون معي في هالسااالفه ..
المنطعج .. هذا دب وقصير .. طبعا هو كااان اول طويل وجسمه حلوو
وكاان لاااعب سله في فريق شيكاغوو الامريكي .. بس صار له حاادث اليم ... هو اللي خلااه كذا .. لانه في مره من المراريراات مسكت مع ابووه غلط انه ينظف مكيفات بيتهم .. وأخذ ابوه المكيفاات كلها ورقااها فوق السطح عشاان ينظفها وكان عدد المكيفات عشره .. وكاان ابوه حااط المكيفاات على طرف السطح .. وكان المنطعج يتدرب في الحوش تمارين سويديه .. وفجأه زلقت المكيفات .. وطاخ طاخ طاخ طاخ طاخ طاخ طاخ طاخ طاخ .. تسع مكيفات طاحت على رااس المنطعج وهو في الحووش .. اللين سااوته بالارض .. ويوم رفع راسه بيشوف وش السالفه الا والمكيف العاشر مااحط على جبهته .. وهذا كاااان سبب معاناته ..
وبعدين اكتشف العالم الكبير جونسون بيرسون ..
(( منهو ذا !!؟؟ )) .. وهو عالم الاحيااء الدقيقه في الاتصالات اللاسلكيه
ان المنطعج هذا موو مولود مثل العالم .. لان اصله في الاسااس دمنه بعير .. ... (( اللي ما يعرف وش معنى دمنه فاقول له هي ..!! والله اللي توهقت .. يعني دمنه احد ما يعرف الدمنه .. بس ترا هي غير اللي في كتاب كليله ودمنه .. !! )) المهم .. اقول اكتشف ان اصله دمنه بعير كانت في البر .. وجو ناس وخيمو جنب الدمنه .. وذبحو ذبيحتهم .. وجا شوي من دم الذبيحه على الدمنه ..واليوم الثاني جا مطر وعواصف .. وكبرت الدمنه مع الايام ومع عوااامل التعريه .. اللين صارت الدمنه كائن حي يسمى المنطعج .. ..
وهذا المنطعج عليه غبااء لو مزج بمااء البحر لخلااه كابتشينو .. لان العلماء يووم فحصوا رااسه مااالقوا مخ .. لقوا قووطي تووونه مفكووك ومنتهيه مدته ومآكوول نصه وجنب القووطي جثة قطو ..
ويقول نفس هالعالم .. ان اللي مثل المنطعج يتكاثرون بصوره رهيبه ..
ويتوقع انهم في عام 2010 رااح يكونون اكثر من البشر ..
... ونجي هاللحين للسااالفه ...
في يووم من الاساابيع .. كنت جاالس عند المنطعج في بيتهم .. نتاابع فلم في القنااه الثاانيه عن الادغااال .. وطبعا الفلم مدته ثلااث سااعات
بس من كثر التقطيع صارت مدته خمس دقاايق .. لان الفلم عن ادغاال فرنسااا ... والحيوااانااات اللي فييه كلهم فاااصخين .. اجل بالله قد شفتوو حماار مطلع له اسد في آخر الغااابه ... المهم ...كنت انا جالس القرفصاء واتابع .. وكان المنطعج منسدح على جنبه كنه سحليه حامل .. ومتحمس مع الفلم ..
وانا كاان غااااثني اخو المنطعج الصغير اللي عمره ثلاث سنين...صحيح ان عمرره ثلااث سنين بس انه يحلق دقنه كل يوم مرتيين ... لان هو عمررره ثلااااث سنين .. ووجهه عمررره خمسه وسبعين سنه ....
وكان هالبزر مره يمحطني بنعال وينحاش .. ومره يتفل علي وينحاش .. اللين رفع ضغطي .. والمشكله ان البزر مبسووط على الآخر وهو يشوفوني معصب .. وطالع وجهه كنه وجه فار مآخذ الدكتوراااه .. بيطير من الفرحه .. وانا مرتفع ضغطي منه ومستحي اللحقه قدام خويي .. !! وانا اللي استعمل معه السياسه .. واقوله تعال حبيبي .. تعال عشان اعطيك حلاااوه .. ابيه يجي بس .. وربي لافقع جبهته بكف لو قرب .. بس انه طلع ذكي وجه الجراده ولا جاني .. !! وكل هذا والمنطعج خااش جو مع الفلم ولا جاب خبرنا .. وانا من القهر شوي واللحق اخووه الصغير جوا البيت .... المهم .. قمت انا وتخبيت ورا باب المجلس .. عشاان اذا جا البزر امسكه .. وشوي الا البزر خااش ومعه حديده وزنها طن يبي يرميها علي (( وش هالمزح شكله متربي مع صعايده .. نعن ابووه يبي يذبحني هالبزر)) وانا اللي اخمه مع شعره وتوني بامحطه بكف .. الا والمنطعج يصييييح ..سطح ... وانا اللي انخرش من الخوف .. وقلت عز الله اللي رحنا غلطه وش يفكنا من فرس النهر هاللحين .. وانا الي افك البزر ..
وقال المنطعج .. سطح عندي فكررررررره .... وانا اللي ارتاااح بوم شفته ما درى عن شي .. واقوله خييير وش عندك .. يالسحليه ..!!؟؟
قال .. وش رااايك نروووح الادغااال .. والله فله .. نتمشى هنااااك وننبسط ... قلت انا .. والله فرصه .. منها نتمشى ومنها تسلم على جماعتك اللي هناك .. خصوصا ان عمك التمسااح زعلان عليك مررره ... قال لي .. يالله رح جمع اغراضك بنمشي اليوووم .. قلت له .. قداااااام يلعن ابو ورا ياشيخ ....
وانا اللي اروح البيت ركضه .. واجمع اغرااضي .. وانا طالع بسرعه دعست على شي مدري وشهو .. واسمعه يون .. واناظر الا هو ابوي .. اثاريني دااعس على رجله وانا مادري .. وهو اللي يقوول لي .. ثووور انت .. ماشفتني ؟؟ .. قلت له .. الا والله شفتك .. بس وين ما ادري .. !!! وهو اللي يمسك راسه من القهر .. وقال .. لابارك الله فيك .. خبل انت .. اسمع انت ووجهك اللي كنه وجه ضااطور ممسوك في قضية مخدرات .. (( صار يذب ابووي .. ياحليله ..
حظه انه ابووي ولا كااان محطته على مقفااااه ..!! )) وقاال لي .. خذ هذي ريالين واشتر لنا بريال خبز وخل الباقي عشانك .. (( يلعن ابو الكرم ياشيخ .. ))
قلت له .. انشالله .. احترني ... !! ... المهم
طلعت بسررعه لبيت المنطعج .. واحصله يحتريني في الددسن التسعه وسبعين حقته .. وقال لي .. يالله نط .... قلت له .. لايكون قصدك بنرووح على هالسياره اللي كنها كرتون حق نعال ..!! .. قال ليش وش فيها ..!!
قلت والله لو نرووح رجليه .. اصرف من سيارتك ..!!
قال .. نط يابن الحلااال ولا تشيل هم هذي المبرووكه بتوصلنا ...
قلت له .. طيب لو تحملت السيااره وش لون اقدر اتحمل وجهك المعفط اللي كنه منديل عجووز....!!
المهم .. ركبت معه وانطلقنا .. وهو جالس يقرق علي .. وانواع النصب .. ويقول ان ابوه يحبه .. وان ابوه باع الغنم عشان يصرف عليه ..
قلت له .. .. والله لو ابووك باعك عشان يصرف على الغنم انه احسن له ..!!
الوكاد .. انه وبينما حنا نمشي باقصى سرررعه للسياره وهي 20 كلم في اليوم .... ووصلنا اخيرا للادغاال بعد سبع شهور من المشي ... اخيرا وصلنا ... والله ان السجن ارحم من سيارته ... المهم .. فتحت الباب ونزلت .. الا اشوف نمر قداامي ..!! وانا اللي اتمغط واطقطق ظهري .. (( مابعد استوعب ان اللي قداامه نمر .. !!)) .. وينزل المنطعج ويشوووف النمر وهو اللي ينبسط ويستاااانس ... والنمر منهبل مو مصدق ..!! وياخذ المنطعج لووووح من سيااارته وينااادي النمر .. يقوله .... ت ت بوووسي بوووسي ت ت .. يبيه يقرب عشان يمحطه باللوووح على راااسه .. !!
وانا اللي اجي من ورى النمر ابي اسحبه مع ذيله وادووووور فيه اللين يدووووخ وامحط به في الارض .. (( نحسبه قطو .. ماقد شفنا نمر على الطبيعه .. !!)) .. المهم ان النمر
شك في نفسه وانحااش ويقول في نفسه .. وش هالمجانين ..!!
الوكاااد .. اني تمددت جنب السياره عشااان آخذلي غفوه .. وراااح المنطعج يدووور في الغابه .. وشوي الا واحد يصحيني .. واناظر الا حماااار الوحش ماااسك المنطعج ويقول لي .. انت ياهيه .. عقل خويك تراه ازعجنااا ..!! .. وقطه علي وراااح ....!! وانا اللي اقول للمنطعج .. تبيني ادوووس في بطنك هاللحين .. ورا ماتصير رجااال ... قال لي .. هم اللي عيو يلعبوني معاهم ..قلت له .. اسمع انت ووجهك اللي كنه وجه بعير واطي شوكه .. انا بانااام وانت رح دور لنا شي ناكله ..
المهم .. نمت انا وراح المنطعج يدور في الغابه ...وبرضه ما امداااني انااام الا والمنطعج يصايح سطح سطح سطح..
وانا اللي انط من النوم كني مقروص .. واناظر الا المنطعج منحاش يمي
وورااه قبيلة افاارقه .. وطالع وجه المنطعج كنه وجه قطو يلحقونه البزرااان
وهو اللي ينط فوقي .. قال .. هالقبيله من آكلين لحوم البشر ويلحقوني ..
قلت له اجلس بس اذا وصلو انا بتفاهم معاهم .. المشكله ان القبليه نشوفهم
من بعيد بس ماندري هم رايحين ولا جايين من سوادهم .. وماتقدر تعرف هالشي الا من الغبااا ر .. اذا كان الغبااار وراهم تعرف انهم جايين .... واذا كان الغبااار قدامهم تعرف انهم رايحين .. والغبااار في هاللحظه كان ورااااهم .... يعني نستنتج من ذلك انه بيلعن ابو جدنا ..!!
المهم .... ان القبيله مرووا من جنبنا ولا سوولنا شي ولا عبرونا اصلا .. وانا والمنطعج مستغربين من هالشي ..
قلت للمنطعج .. تدري ليش ما سوولنا شي ...!!
قال بحماس .. ليييييييش ؟؟؟
قلت لان هذوللي آكلين لحوم البشر .. وانا وانت مافيه شي يدل على اننا بشر
.. وهو اللي يبتسم من الفرحه .. وطالع وجهه كنه وجه فيل في الروضه ..
وفجأأأأه سمعنا صوت قووي من بعييد .. وكل شوي يقرب الصووت .. ويووم
ناظرنا الا وهو ديناصوور كبييير .. وانا من الخوف قامت ارجولي تصاقع وماعاد ادري وش اسوي توقف تفكيري ما ادري ابكي ولا اضحك ولا انحاش .. طالع كني هندي ماسكينه الجوازات .. اما المنطعج فتسمررر في مكااانه كنه فيل مشلووول ...
والديناصور كل شوي يقرب .... وانا اللي اشيل المنطعج وانحاااش اناااا ويااااااه ... وطالع شكلي وانا شايله كني كنغر حاطه ولدها في جيبهاااا ..
وبعد ما مشينا مسااافة حوااالي اربعين لتر مربع .. وقفنا .. واغمى علينااا من التعب .. !!
وماصحيت الا على صوت ازعاااج حولي .. ويوم قمت وانا اللي اشوف قروود مجتمعه علي .. وادقق في النظر الا يطلعون نفس قبيلة آكلي لحوم البشر
وحاطيني في قدر كبير ومقطعين علي بصل وطماط .. لا ويتفننووون
بعد حاطين معي مكعبااات ماااجي ... وشابين تحت القدر ناااار ..
وانااا اللي اقوووم اصاااايح .. واحاااول اتفاااهم معاااهم بس هالعقااارب لغتهم غير لغتنا .. وبعدين وين المطعج الحمار ذا!!؟
وش صار له!!!؟
تابعونا غدا<<أعقل ياسليمان العيسى