السلام كيفكم
المهم هوا موضوعي لهذا اليوم له توجهات و تناقضات في عديد من جوانبه هوا علاقة الاخ الكبير او الصغير باخته
لاني لاحظة ان الكثير من شباب يحب يوري فلاحته على اخته يوم يضربها و يوم يكشخ عليها او حتى انه يسبها في بعض من الاحيان و تلقاه في الشارع اكبر مهزب ....


و نبدا في الموضوع
هل انت من الاشخاص الى يحترم في اخته هل انت من الناس الى توقف معها لو صارتلها مشكلة مع العائلة ام انت اول من يهجم عليها

قصدي راجع روحك شوية و شوف شن قدمتلك في الحوش من عون و قداش مرة مداير فالطة و سترتك قدام العيلة
لو انها دارت خطا لاسمح الله هل انت من الناس الى تحاول تتفاهم معاها و تردها الى الصواب ام انت من الناس الى مايعرف غير القاضية طول
علاش بعض من الشباب يتمنى انه ينفكى من اخته و يقول ياريت ما عندى اخت معقولة واحد يتحشم من اخته و يحس انها عبئ عليه هل رجعنا الى عصر الجاهلية

هل عمرك راجعت روحك و سئلت نفسك بالك اختى عندها حاجة مضايقتها او ناقصها حاجة مش قادرا اتقول عليها بالك صايرتلها مشكلة في المدرسة او الجامعة و تبي تفضفض لواحد
بالك مضايقها شخص في الشارع (و هذه النقطة تحتاج الى تركيز )
و اخيرا هل انت من الناس الى تطلب منها طلب ام امر
اكيد كانك عندك قلب حتفكر شوية في الموضوع و تراجع بعد اخطائك معاها و كلنا نعرفوا ان عقل النساء ليس بعقل الرجال فيها دائما تحتاج الى من ينصحها و ياخدها على قد عقلها لانها في النهاية اختك و الوحيدة الى واقفا معاك

و ياريت من شباب المنتدى يناقشوا الموضوع بحماس و بمصداقية و بدون تحفظ