| طيــــف السنين
شعر ربيع الشمري
اتحسهه جن طيف السنين..اشبلعجل جتي اومشت ؟؟
وشبلعجل صرنه اوكبرنه ؟؟؟
اشبل عجل بالراس ضوه الشيب؟؟
وبلا مستحه وبكل وكاحة عين مرنه
والذي باس الحياطين ابلهيب الشوك صد عنا اونكرنه!!
جنه حلوين اشكثر بعيون اليحبونا..
شو كرهونه غفله ..وفرهدوا باقي عمرنه!!
ردنه نتصالح نعيد الفات ..منهم نعتذر..
رفضوا عذرنه !!
والندم عكبيش ؟؟ماظل غير نتحله ابصبرنه
كلهه يشربهه التراب ..
وغير ناس اتصير بالدنيه مثل ما احنه صرنه
مثل ما احنه صرنه.. |