خوله:طيب..يلا مع السلامه..
وسكر السماعة والتفت لها:وبعدين معكـ..
جيهان تلبس عبايتها:وليه تباني أشلح لبسي.."والتفت له" ليكون تغار علي..!!
راكان(آآخيهـ بس..وهذا ألي قاهرني أن لبسكـ مطلع مفاتنكـ وما أبا حد يشوفكـ غيري..) وباندفاع:من قال لكـ أني أغار..أنا محبكـ عشان أغار ولا لا؟؟
جيهان:........
راكان خذت الشنط منها:ويلا لبسي..
جيهان(آآآه..وش ناقصني منشان ماتحبنــي؟؟ وش بيها زود هالأروى..بديت أكرها واللهـ..)
.
.
.
بعد مسكرتـ منه..
ميرنا بااندفاع:هااه بشري..
خوله:بالطريق هو وحرمته...
ميرنا بحماس:وأخيراً..
نادين بنفس حماس اختها:وأخيرا بشوف المزيون وحرمتهـ..
ميرنا:ويمكن متكون حلوه زيه..
نادين:وليه؟
ميرنا:في كثير رجالهم مزايين وحريمهم جياكر..
خوله:صح كلامك..بس ألي أعرفه ان راكان عاجبته..
ميرنا حطت رجل على رجل:الرجال هم كذا..تشوفين الحرمه ولا فيها ذره جمال وهم يشوفونها ملكة جمال..مدري كيف يناظرون هم؟
نادين باابتسامه:يلتفتون لحاجه احنا منتلتف لها..
خوله:بس خلاص أنتي وياها..جهزت الخدامه الفطور ولا؟؟
ألمى وعينها على جوالها:انا قلت لها تجهزهـ..
خوله بسخريه:ماشاء الله عليك كلفتي على نفسك والله..
ألمى:أي بالله كلفت على نفسي..
خوله بزمره:يلا قوموا عاونوها..
ألمى ونادين قاموا وتنهدوا بصوت مسموع..
ميرنا كانت تناظرهم لما غابوا عن عيونها:أقول يمهـ..
خوله:نعم..
ميرنا بتفكير:تتوقعين جيهان زي بنات خالي حمود..
خوله:من ناحيه وش يعني؟
ميرنا:من كل النواحي أقصد..
خوله:هي بتجي وبنشوفها..
ميرنا:تحمست والله لشوفتها..
نبذهـ عن الشخصيات..
ميرنا(عمرها 26 سنه..سمراء ونعومه جداً شعرها بني لامع لنصف ظهرها وقاصتهـ مدرج..متوسطه الطول)
نادين(عمرها 24 سنه..حنطيه البشرة لون شعرها بني كستنائي بخصل عسليه فاتحهـ..أقصر من ميرنا بشوي وشعرها لكتفها)
ألمى(عمرها 19 سنه دلوعه حيل..ورموشها كثيفه غير عن خواتها..حنطيه زي نادين..شعرها بني داكن طويل لأخر خصرها ومستقيم مابه حركات)
عاصم(عمره 22 سنهـ..طويل وملامحه عاديه جداً..يدرس بالجامعهـ..ماعندهـ لا سكسوكهـ ولا عوارض..ألي يشوفهـ يقول عمرهـ 17)
وراح تعرفون كل طبع الشخيصات الجديدة..
أم عاصم(اسمها خولهـ وعمرها 42..مو باين عليها لأنها من النوع ألي يهتم بالمظاهر بالحيل على قولتهم تتشبب..طيبهـ جداً..وبتعرفون الباقي بعدين من شخصيتها..)
.
.
.
بالرياض وقبل 9 ساعات..
طاح ضرب بيها بعد موصلوا للبيتـ..
أروى بصراخ:بعد عنــي..أنا مسويت شيء خطأ..
عبدالله والشرار يطلع من عيونه:والله شينه وقوية عين "عطاها طراق مع وجها" كل ألي سوتيه ولا سويتي شيء..!!
أم عبدالله لما سمعت صوت صراخهم رمت السكين والبصل على جنب توجهت لصاله:خيــــرر..
عبدالله رفسها على بطنها:أنتي وحده كلبهـ..
أم عبدالله خذت أروى بحضنها وبعصبيه:أنت أستخفيت..وش قاعد تسوي؟؟
عبدالله بحده:اادب هالكلبه ذي..
أم عبدالله ضمت بنتها زود:وش مسويهـ هي عشان تضربها..هااه..
أروى بين دموعها وألمها:تكفين يمه بعديني عنهـ..
عبدالله جاء بيكمل الناقص عليها إلا بيد امه تمنعه:لاتقرب منها..وصوتك قصرهـ ترى أبوك توهـ راد من بعد غيبهـ شهر..
عبدالله بصوت عالي وبعصبيه:وينهــ..وينه.. عشان يشوف بنتهـ صاحبهـ الموضة والستايل وش مسويه..
أم عبدالله:وش سالفتكـ أنت..!!
أروى بين دموعها وبين شهقاتها:لاتصدقينه يايمه..ترى هو يتبلى علي..
عبدالله بعصبيه والشرار يطلع من عيونهـ: اتبلى عليكـ هااه..
وسحبها من حضن أمها وهي تصارخ وعطها كف مع وجها وشد شعرها..
أم عبدالله قامت وبعدت بنتها منه وبعصبيه:أنت اكيد أستخفيت..
سمعوا الصوت وقاموا من غرفهمـ
عبير وفاطمة وأبو عبدالله بخوف:علامكم؟؟
عبدالله ألتفت لأبوه:هلا واللهـ يبهـ..توا منور البيت..
أبو عبدالله وهو يشوف بنته تبكي حيل بحضن أمها..
أروى لما سمعت صوت أبوها ضمت أمها زود وصارت ترتجف خوف وزاد بكيها..
عبدالله بقهر:أحين بديتي تخافين يعني..وين ألي لاتسمعين كلامهـ..
أبو عبدالله بنفاذ صبر:تكلم ياعبدالله..
عبدالله بقهر:شفت بنتكـ راعيهـ الموضة والستايل..راكبهـ سيارة رجال مع واحد غريب عنها..وجالسين يتباوسون..
فاطمة شقهت من كلامـ أخوها وحطت يدها على قلبها..
يتبــع...