روعه:أهم شيء ان الطعم مدري كيف جاي ههههههههههههه..
أم راكان تناظر لحد يجي من اصحاب البيت:يازينكم انتي وياها ساكتين..والوعد مو دحين..
غالية دخلت عليهم وبمياعه:هلا والله..اعذرونا على التأخير..
أم راكان با ابتسامه:لا عادي يا بنتي.
غالية بنفس دلعها ومياعتها:والله انكم نورتنوا..واتمنى انكم تعيدونها..
أم راكان بنفس أبتسامتها:بإذن اللهـ..
قامـ غالية وكبت لهم القهوة والشاي..
وكان القهوة لفوق بالحيل..
روعه بهمس:كانهـ طردهـ ياخيهـ..
روان باابتسامه:لا مو طردهـ..بس هي ماتعرف الأصول..بس نشديها عن الدلع والتصنع..
روعه:هههههههه..
أم راكان ناظرتـ فيهمـ يعني اسكتن..
شربوا البنات وهم ساكتين..
روعه:من الي مسوي القهوة والشاي؟؟
غالية با ابتسامه:أنا ياقلبي..عسى عجبتكـ بس..
روعه وروان ماعجبتهم أبد وبا أبتسامه:ما شاء اللهـ..
أم راكان:طلعتي طباخهـ ياغالية..منتي بسهله..جمال ودلعـ وثقل..
روعه:هههههههه من جدها امي..
روان بضحكهـ:أوما الطبخ والثقل لا مو من موصفاتها الصراحهـ..
روعه بهمس:اوص لاتسمعكـ بس..
غالية باابتسامه:تسلمين ياخالتي هذا من ذوقكـ واللهـ..
أم راكان رن جوالها وسكرت وقامتـ:يلا أكرمكمـ اللهـ..
غالية وقفت معهم:لا توا الناس..
أم راكان:معليش يا بنتي مره ثانية..
وبعد السلامـ ركبوا السيارة..
وكان الصمت سيد الموقف..وسرعان ماوصلوا وصعدوا البنات لفوق يغيرون ملابسهمـ..
أم راكان شلحت عبايتها وجات جنب نايف:وش هالزين ياولدي على الي خطبتها لكـ..
نايف عدل جلسته با ابتسامه:صــــدق يمه..خطبتي لي.. "وبحماس" كيف شكلها..
أم راكان:وي بسم الله عليها.زجمال ودلال ودلع..كل الزين فيها..
نايف با أندفاع:جميلة يعني زي جيهان..
أم راكان كشرت بوجها:تخسى جيهان تجيب ظفر منها..ذي جمالها غير تباركـ الرحمــن..والله أنها قمر وطباخهـ بعد..
نايف با ابتسامه عريضة:جد يمهـ..
أم راكان:أي يا يمهـ..وكلمت انا أمها..وقالت هاذي الساعة المباركهـ وبترد علي بعد كم يوم والملكهـ بتكون لما يجي راكان من شهر عسلهـ..
نايف بفرحه قام باس راسهـ:الله يبيشركـ بالخير..
أم راكان بضحكه:ههههههه الله يصلحكـ ياولدي..
.
.
.
كانتـ تنتظر جيتهـ بفارغ الصبر ولما سمعتـ صوت خطواتـ رجلهـ قريبهـ..
تكورتـ على نفسها فوق السرير وعملـ حالها كنها تبكي..
دخلـ وبا ابتسامه:هلا بالزينـ كلهـ..
بدريه بدت المناحهـ:أهئ اهئ اهئ..اهئ اهئ..
فهد بخوف قرب منها:علامك تبكي؟؟
بدريه وهي تعصر عيونها:امكـ يافهد..أمكـ..اهئ..اهئ..اهئ..
فهد بحده:وش مسويهـ بعد..؟؟
بدريه:لا خلها مستورة يافهد.. ما أبا المشاكــل انا..
فهد والشرار يطلع من عيونهـ:تكلمي يابدريه وش مسويهـ أمي..
بدريه بين دموعها..دموع التماسيح:مدري وش اقول لكـ يافهد..
فهد بنفاذ صبر:تكلمــي..
بدريه بخبث شديد:أمكـ فشلتني قدامـ الحريمـ..وجالسهـ تقول عنـي أني فيل لابس ألوان فاقعه..ولما جيت بدافع عن نفسي قالت لي مالت عليكـ ماقد مرهـ قولتي تعالي اشيل عنكـ الصحن أو أغسل الفناجين..وأنا ساكتهـ يافهد والله فشلتني مقدرتـ أجلس دقيقة وحده عندها..وصعدت فوق "وبنوحه" أنا لما نزلتـ تحت غرضي أني أباشر الحريم وأداريهم وهي مغير تفشلنــي وأنا ساكتهـ..مابغيت أقول لكـ بس وربــي من حرتــي قلتـ لكـ ولا انا ما ابا المشاكــل..لامعكـ ولا مع أمكـ..
فهد قام من السرير والشرار طالع من عيونهـ:أنا اوريها شغلها..
وطلع من الغرفة وهو مسرعـ ولا كنه يشوف شيء قدامهـ..
كانتـ أم فهد جالسه تقهوي أبو فهد..
إلا بجيهـ فهد وهو معصب:أنتــي ماتستحين..
أبو فهد التفت له وبستغراب:علامكـ يافهد..!!
فهد بحده:أسأل أم فهد وش مسويهـ بـ بدريه..
أم فهد ببرائه:أنا..!! أنا مسويت شيء لها..
فهد بصوت طويل:لا تكذبين..مو أنتي مفشلتها ومتسببهـ عليها قدام الحريم..
أم فهد بقت عينها:أنا..!!!!
أبو فهد يناظرهم:وش السالفه؟؟
فهد قابل أبوهـ وبحده:السالفه يا يبه..أن أمي حاطهـ دوبها بدوب حرمتـي..مفشلتها عند الحريمـ وهي تدري أنها حامل والمفروض ماتتحركـ كثير..وهي لا ولا همها ومقصرتـ فيها..
أبو فهد ناظر با أم فهد:صح الي يقولهـ..
أم فهد بصدمه كبرى:لا واللهـ..وربي وعالي سماهـ أني مقلت لها شيء ولا عاتبتها قدامـ حد..
فهد بشراسهـ:انتي كذابهـ..حسبي الله ونعم الوكيل بس..
أم فهد تجمعتــ الدموع على عيونها ووقفت على حيلها:بقول لكـ كلمهـ ومنيب مثنيتها..حسبي الله ونعم الوكيل على الظالمـ والكاذبـ والله يوريني بيه يومـ..وأنت بدل متدافع عني وتدور عن الحق جالس بطول لسانكـ تصارخ على أمكــ.. "وشدت على الكلمة الأخيرة" على أمكـ ياقليل الأصل..
فهد وأبو فهد:.......................
يتبــــع..