| مرة كنت طالعة انا واخواني مع خالتي واولادها الصغار وبنت خالتي الكبيرة على الحديقة واحنا هناك القينا وحدة من معارفنا كانت بدها اتروح على المول الي جنب الحديقة فطلبنا من خالتي تسمحلنا نروح معاها انا واختي وبنت خالتي عشان كنا بدنا نشتري اشياء فوافقت رحنا واشترينا الاشياء وارجعنا والقنا خالتي بتستننا قعدنا على الكرسي الي عند باب الحديقة قلنا لخالتي إنا نقعد شوي ونلحقهم بعدين عشان رجلينا تكسرت من المشي المهم
انا زهقت القعدة وقلتلهم انا رايحة عندهم قالوا لي استني شوي انتي ما بتعرفي الطريق بضيعي ما اهتميت لكلامهم ورحت وبعد ما بعدت عنهم اكتشفت اني ضعت ارجعت على المكان الي كانوا فيه اختي وبنت خالتي القيتهم راحوا بديت ادور في كل مكان بس ما لقيت حد منهم كنت بجري وبدور
وما لقيتهم وانا بجري اوقعت على ركبتي وهي كانت بتوجعني من اول فحستها انكسرت فرجعت على الكرسي الي عند باب الحديقة وقعدت لني ما قدرت اتحرك بسبب ركبتي قعدت نص ساعة على هذا الحال بصراحة في هذاك الوقت حسيت اني ما راح القيهم بالمرة واني راح اظلني ضايعة بس وانا قاعدة القيت ابن خالتي قاعد بجري بعيد قمت وحاولت الحقو بس بسبب ركبتي كنت بطيئة وبعرج بس ضليتني امشي واحاول اني اوصلوا لما قربت منو لف على منطقة ثانية و ما انتبه اني وراه حاولت اناديه بس صوتي كان رايح بسبب الركض والتعب لفيت القيت الباقين بس كانوا بعاد عن المكان لفت بنت خالتي وشافتني راحت حكتلهم فوقفوا وانا مشيت لحد ما اوصلت عندهم طلع انهم كانوا بدهم يروحوا وما لقوني عشان هيك رجعوا يدوروا على وبعدها رحنا على السيارة ومن بعد الي صار حَرمت اني اطلع على الحديقة مرة ثانية وركبتي ضلت اتوجعني اسبوعين كنت بالعافية اقف
اسفة اذا كنت طولت :kesha:
__________________ 
|