|
انا مني زعلانة لان مافيه ردود الا من (الحب معذبني).. بس ان شاء الله راح اكملها عشانها بس.. والي مو مهتم لايهتم .. وماراح اسامح اللي يدخل بدون مايرد..
...........................................................
فتح عيونه بوسعها بصدمه من جرأتها وكفها و.........
لميس لماحست بدموعها بتخونها قدامه دفته بعيد عنها وسحبت إيدها ودخلت تركض
أمارعد كان واقف مصدوم وبنفس الوقت عصب لأن ماحد مد إيده عليه ولايتجرأ يطالع فيه بنظره والبنت تمد إيدها عليه بجرأه ونظراتها للحين يحس بسهامها
فاردمه وحرارته يحسهابتحرق كل شئ قدامه وهو يتوعد لها وحلف ليربيها بيديه من جديد
********************
من صحت وهي حابسه نفسها في غرفتها كالعاده فطورهاقدامها من جابته الخدامه مالمست منه شئ تطالع بالفراغ اللي قدامها وتفكيرها بشخص واحد بس
كانت تبغى تعرف ليه ماسأل فيها ليه تركها فجأه ليه نساها
وهي عمرهامانسته ليه يعاملها بالطريقه اللي تعذبها
له أيام راجع ولا سأل عنها ولا حتى جا يشوفها ما اشتاق لها مثل ماشتاقت له
ليه يتجاهلها
غمضت عيونها تداري دموعها "ليه تبكين تولين علشانه إنتي خلاص تعودتي ع الوحده والفراغ مو محتاجه لأحد عشتي 17سنه من فتحتي عيونك ع الدنيا وإنتي وحيده ماتعرفي في هالدنياغير نفسك وبس زياد موأول شخص يتخلى عنك تخلى عنك أبوك وأمك قبله اللي المفروض يكونوا هم احن الناس عليك ....
قطع أفكارها دق ع الباب
إنتفضت في مكانها بخوف
موبالعاده أحد يدق عليها الباب الكل يفتح الباب ويدخل بدون مايعطيها إعتبار
قامت تسحب رجولهاللباب وقلبها يدق بسرعه بارتجاف وفتحته......
*************
كانت جالسه بملل وتهزرجلها وعيونها كل شوي تطالع الباب
جالس قريب منهاو ماسك ضحكته ع شكلها عارف من تنتظر:ريم إرحمي رجلك وقومي لها
ريم بضيق :أففف أمس طالعه للصاحبتها ولاشفتها واليوم شوف الساعه كم ولاصحت
عادل:طيب يمكن مانامت إلا متأخر
ريم بحزن وضيق:أحسها صارت تبتعد عني أحسها متعمده تجلس في غرفتها ولاتشوف أحد كله بسبب إختك
عادل عقد حواجبه باستفهام:ليه وش سوت لها
ريم ماحبت تقول إلي له صار والحكي اللي قالوه عنا :يعني ماتعرف إختك ماتتهنى وتنبسط إلا لماتضايق لميس
عادل بتفكير:أنامدري ليه تكرهها مع إني ماشفت لميس محتكه فيها أو قايله لها شئ دايم في حالها وماعليها من أحد
ريم سكتت وهي تغالب رغبتها في إنها تروح تشوفها ماتبغى تتطفل عليها تبغاها تاخذ راحتها
عادل حب يستهبل عليها علشان تطلع نفسها من ضيقتها:أقول ريم بصراحه ماتوقعت إنك بالقوه وقدرتي تمسكين لقافتك شوي ولاتروحين تتلقفي عليها
ناظرته بنص عين:إحلف عاد
عادل :والله أخبرك ماتمسكين لسانك إلا تدخلي نفسك في كل شئ
ريم :أقول قم ضف وجهك عني لاترفع ضغطي ترى مالي خلقك
عادل:أحلى الإخت فيهاضغط
ريم رمت عليه المخده:قوووم مو ناقصتك
ضحك عادل بقوه :هههههههههههههههههههههههههههههههههه هههههههههه
ريم:خير إيش اللي يضحك
عادل بضحكه:كيفي أنا أبي أضحك
ريم:أيوه مهبول ماينشره عليك
دخلت بدلع لابسه بيجامه برمودا وبلوزه نص كم وسماعات الآيبود في آذانها تغني مع أغنيتها المفضله وصوت الموسيقى واضح
ريم كشرت :هي إنتي قصري هاللي معك
شالت السماعه من إذنها:إيش
ريم:إرحمي آذانك أربع وعشرين ساعه السماعات في إذنك ياختي حرام عليك تبين خاتمتك تصير ع اغاني
رنا كشرت:وإنتي وش دخلك
يعني يعني ياللي ماتسمعي
موكنك تسمعي
رجعت السماعه في إذنها وطلعت من الصاله
كشرت ريم بحمق ولفت ع عادل معصبه:شفت كيف
عادل بهدوء:ماعليك منها إنتي نصحتيها وسويتي اللي عليك
*************
فتحت عيونهابصدمه وقلبهاتحسه غاص بين ضلوعها
إبتسم بهدوء:كيفك تولين
الحروف ضاعت وتبخرت من عقلها ولسانها تحسه إنشل بلعت ريقها اللي نشف وغمضت عيونهاتهدي قلبها اللي تحسه بيطلع من قوة دقاته
فتحتها وشافته واقف قريب من باب غرفتها
إرتجفت إيدها اللي ماسكه الباب وهي تسمع صوته ونظراته الهاديه متصوبه وراها:ليه ماأكلتي
لفت وجههاتطالع صينية الأكل ورجعت تطالع فيه
وعقلها غاص في دوامة أفكارها"تولين شفيك ليه ماتردي مو هذا زياد اللي تقولي نساكي ولاسأل فيك.هذاهو واقف عند بابك.ردي عليه قولي شئ..لالا هو تخلى عني نساني تركني لماكنت محتاجته
تركني لمرام تحركني مثل ماتبي
تركني لأخوه ينهش فيني و...(غمضت عيونها وجسمها ينتفض لماتذكرت قرب ريان منها وأنفاسه الكريهه تحس فيها لمساته المقززه لها لوماكان فيها هالقوه الضئيله كان ضاعت بين إيديه وإنذبحت)
رمشت عيونها وفاقت من دوامتها ع صوته:تولين ليه ماتردي
حركت الباب بتسكره بس رجله اللي مادها ردت الباب:تولين تعالي أبغى أحاكيك شوي
هزت راسهابلا ودموعهامتحجره في عيونها حست بكرهها له اللي ينتابها أوقات يتفجر داخلها بقوه
رصت قبضتها ع الباب وإنتفض جسمها لماسمعت صوت إختها شافتها واقفه قريب من زياد ونظراتها ترعبها
مرام مقهوره من وجود زياد عند تولين قالت بدلع:زياد
لف زياد وشاف مرام:هلا مرام
مرام تزيد دلع ونعومه:متى جيت بصراحه تفاجأت لما قالت الخدامه إنك هنا تفضل حياك للصاله
زياد حس بغلطته بوقفته عند غرفة تولين لف يطالع باب غرفة تولين اللي بمجرد ما أبعد رجله عن الباب سكرته
ولف للصاله ومرام تلحقه وهي طايره من الفرحه هي وزياد في البيت لوحدهم...
*****************
بعدماصحت من النوم أخذت لهاشاور ولبست بيجامه قطنيه
سودا بأبيض وربطت شعرها
وجلست عند التلفزيون
سمعت جوالها وقامت تدوره لقته في شنطتها طلعته وردت بسرعه:هلا هند
هند:أهلين لموس كيفك
لميس :تمام وإنتي
هند:بخير شكلك توك صاحيه
لميس:أيوه توني صاحيه
هند:ياحليلك أنا صاحيه من الظهر ع نغمات بدور
لميس:ليه
هند:إمممم لميس بكلمك في موضوع
لميس حست بترددها:تفضلي هند أسمعك
هند:أخوي بدر يبغى يخطبك من عمك.......
***************
تقلبت في فراشها بضيق وصوت الدق القوي ع الباب فجر أذانها
قامت معصبه وفتحت الباب بقوه:خيـــــــر
حطت إيدها ع خصرها:تقووووول أمي يالله قومي يالنوامه ياخيش النوم
عصبت منها ومسكتها من طرف بلوزة بيجامتها:إنقلعي عن وجهي لا والله لأقص لسانك اللي شطوله
فكت بلوزتها من إيدها وهي تعدلها:أقول إنقلعي بس ياأم كشه منفوشه روحي عدلي كشتس بس
صرخت فيهابعصبيه:شهيـــــــده إنقلعـــــــي عن وجهي
كشرت بوجهها ولفت عنها وهي تتحلطم
دخلت وسكرت الباب
دخلت للصاله ووقفت وهي متخصره:بنتكم هذي لاعمركم تقولون لي روحي قوميه ماغير تصارخ علي تقل ذابحته
مي:ماصحت
شهد كشرت :لا ماقامت خيش النوم هذي هي وكشتها اللي تقل نافضها كهرب ميتين وعشرين
إنفجروا ضحك وهم يشوفوا سميه وراها فاتحه عيونها باستنكار:نفضوك إن شاءالله بكهرب ماتقومين منه
شهقت شهد فاتحه عيونها:قولي إستغفرالله قولي إستغفرالله
سميه مشت وطنشتها وهي تهاوش:لاعاد تجيبون لي هالمجنونه هذي تصحيني وإلا ترى بقبرها في مكانها
شهد قربت منهاباصرار:قولي إستغفرالله إستغفري
سميه مطنشتهابعناد ولاعطتهاوجه
دخل ماجد :السلام
جلس بعد ماردوا عليه السلام :زوجك رجع للقصيم
مي:أيوه رجع أمس
أم ماجد:ومتى بيرجع
مي :لين يتم نقله وأخوه يلقى لنا بيت هنا وننقله إن شاءالله
سديم:ليه للحين مانقلوه موتقولين خلاص نقلتو هنا
مي:أيوه أدري بس مايقدر ينقل هنالين يخلص شغله هناك
أم ماجد:طيب كان جلستي معاه لين يخلص ولاتتركين زوجك
مي:يمه ماقدر لأنه إحتمال يطول وأنا حامل وأخاف أجلس معاه ثم إذا بغينا نجي يمنعون عني السفر بسبب حملي فقال أخليك عند أهلك أحسن وأريح لي وهو بيجينا كل ويك إند
سميه بفجعه:يعني بقابل هالمجنونه بنتك أكثرمن شهر ليييييييييييييييييييييه
شهد:مالمجنون غيرك ياأم كشه ويالله إستغفري إستغفري
ماجد كتم ضحكته:تستغفر ع إيش
شهد تخصرت:تدعي علي ها موب ع كيفها يالله إستغفري
سميه بعناد:ممارح أستغفر أحسن علشان نفتك من لسانك
شهد لفت ع أمها:يمممممه شوفي إختك
مي:سميه وبعدين معك يعني لازم تحطين عقلك بعقلها
*************
بغرفتها جالسه ع السرير ومعها مناكير تحط في أظافر إيدها وتحكي في الجوال اللي مثبتته بين كتفها وإذنها:إمممم أيوه
:طيب شلون يعني بشوفك وإلا لا
:أفكر
:تفكرين
:حبيبي والله صعبه ماقدر
:يرضيك يعني تعذبيني أبي أشوفك رنو حبيبتي لنا سنتين وإحنانعرف بعض وأحبك وتحبيني وش اللي يمنع إني أشوفك
رنا:بندوري حبيبي إنت عارف إني أحبك وأمووت فيك بس إنت عارف إني ماقدر بس أوعدك إني أحاول
بندر تنهد:أوكي نصبر وش بيدي غير الصبر
************
عيونه مافارقت باب غرفتها وهويسمع سوالف مرام اللي كلهادلع وغنج وكان حاس بتقربها منه كل شوي وحاس بالضيق إنتبه لها وإلتفت وتفاجأ من قربها منه اللي شوي وتلزق فيه وحس بإرتباك من نظرت عيونها اللي كلهاغنج ودلع
واللي زاده ريحة عطرهااللي وصلت لخياشيمه من قوتها
مرام بدلع وهي حاسه بتأثيرنظراتها عليه:زياد
أبعد عيونه عنها وهو وده يقوم من جنبها:أيوه
مرام قربت منه:بــ......
قطع حكيها صوت أبوها وأبعدت عنه
وقف زياد لمادخل أبو مرام وسلم عليه
**********
بايااااااااااااات.........
|