البارت السادس
6
بعد شهرين
مررررت الايام حلوووووة على روبي في بيت جدها وكانت مبسووطه حيل مع بنات عمها الي مررررره كانوو قراب منها وحبوها كثير وربي بدورها عرفتهم على رهف اختها من الرضاع وعلى العنوود صديقتها الي هي في بريطانيا تكمل دراستها هناك...
الهنوف: روووبي يله قووومي قسم بالله مرررره طفشانه
روبي: هممممممممممممممم طيب طيب
الهنوف: روبييييييييييييييييييييييييييييييييييييييييييييييي
روبي الي قامت مفجووعه:هاااااااااااااه شتبين؟؟؟
الهنوف: اقولك طفشاانه قومي اجلسي معي
روبي توها تستوعب: بسم اللله انتي مو رحتي بيتكم امس؟؟؟
الهنوف: بلا والله من التناحه الي فيك،، ساكنه عندنا لك شهرين وما تدرين ان جدي مخلي كل عياله حوله
روبي تعدلت بأهتمام:وشلون؟؟؟
الهنوف: يعني ياماما بيتا جنب بيت عمي عبدالرحمن وبيت عمي عبدالرحمن جنب بيت عمي عبدالمحسن وهكذاا
روبي: اهااااااااااااا يعني عشان كذاا تنطين عندي كل شوي
الهنوف: ايييييييييييييوه عليك لمبه،، ويله قومي غسلي وجهك والبسي عشان نطلع السوق
روبي: السوووق ليش؟؟
الهنوف: صدق انك بنت عم سنعه انتي ناسيه ان زواجي بعد اسبوعين
روبي وهي تخبط جبهتها: ايييييييييييه صح والله نسيت
الهنوف: عشانك سنعه ،،المهم ترى دقيت على رهف بنمر عليها واحنا طالعين وساره بتمر على لمى وتلحقتى للسوق اما نوف بيجيبها وافي علينا بعد للسوق
روبي: مرتبين وانا آخر من يعلم
الهنوف: بلا من النوم الي ذابحك
روبي: ههههههههههه والله انك صادقه ،،، يله عطيني مقفاك بلبس والحقك تحت
الهنوف: اوك انتظرك
في السوق
الهنوف: روبي رهف شووفوو هذااا الي لاحقنا من دخلنا مع البوابه
رهف: ايه منتبهه له من زمان ،،ودي اكفخه بس اخووي طلال هنا اخاف يشوفني يكسر راسي
روبي: اقول امشووو بس وش علينا منه
الهنوف: على قولت روبي نسفهه احسن
روبي: ايه والله
نوف من وراهم: وجععععععععععععع للعدووو ساعه الف السوق ادوركم
البنات شهقوو بخوف وبعدها تكلمت رهف:ما في اختراع اسمه جوال؟؟
نوف: انتوو طالعوو جوالاتكم وشوفوو كم مكالمه انا مكلمه وتقلد رهف بسخريه: مافي اختراع اسمه جوال؟؟
النات شافوو جوالاتهم ولقوو انها فيها اكثر من مكالمه من نوف
نوف: هاااه وش صار معكم فيه مكالمه ولالا؟؟
الهنوف: خلاص اقول لا يكثر مشينا بس
نوف: ياحبكم للتهرب ،،يله
وراحوو البنات وكملوو الاشياء الي ناقصه للهنوف والاشياء الي ناقصه لهم من اكسسوارات واشياء
مرووو الاسبوعين مثل البرق كانت كلها دوران بلأسواق ،،لاجديد يذكر غير ان نواف رجع من بريطانيا عشان يحضر زواج اخته وراجع لها الاسبوع الي بعده عشان الاختبارات يلحق عليها ....
يـــــــــــــوم الزواج
كان الكل جاهز ومستعد ومبسوووط بهذاا الزواج الي الكل كان موجود في القاعه من الساعه 9
في غرفة العروس
نوف بعصبيه: هنيييييييييييييييف وش ذاا الاستهبال خليها تعدل لك مكياجك بسرعه قسم لو تدري امي انك جالسه تبكين ان تذبحك
نوف كانت لابسه فستان اصفر طويل ماسك من عند الصدر وعليه كرستالات وطالعه فيييه قمة الروعه خصوصاا مع شعرها الي مكسرته كله ورافعته بطريقه ملفته وحاطه وردة صفراا من الجنب
الهنوف بخوف:يممممممممممممممه خايفه وربي ميييييييييته رعب ماني قادره انزل اتصور والله خايفه
روبي: نوف خييييييييير وش هذاا الصراخ ترى مو كذاا تقنعينها بذاا الاسلوب شوي شوي تمشي معك ،،هنووف حبيبتي ماعليك منها سمي وخليها تعدل مكياجك وان شاءالله كل شي بيصير تمااام
روبي الي كانت لابسه فستان فوشي كان من عند الصدر جاي 7 وماسك من عند الصدر لين خصرها والي بعده نازل مخلي جسمها خيياااااال وكانت رافعه شعرها تسريحه ومكياجها رغم انه ناعم وهادي وحاطه روج فوشي صارخ مخليها تاخذ العقل
الهنوف: ايه روبي ولي يسلمك فكيني منها من دخلت وهي تصارخ
ساره: ليش اصواتكم واصله تحت وخيييير؟؟؟؟
ساره الي كانت لابسه فستان اسود قصير لنص الساق وحاطه بووف بداية شعرها وتاركه باقي شعرها على حريته اما المكياج فكان اسوود وحاطه روج احمر طالع مع شكلها جناان
روبي:"يختي لو تاخذين نوف عن الهنوف تسوين أكبر خير
ساره : الا صح امك تحت تقول وين نوف؟؟؟
نوف: جد؟؟،،،اييييييييييييه صح تذكرت تبيني اكلم نواف عشان يدخل يتصصور مع الهنوف وخالد الي تحت ينتظر الاخت تشرف
ساره: طيب يله اسرعي لها ،،وتلتفت على الهنوف وانتي هنووف يله حركي
الهنوف الي توها مخلصه تعديل مكياجها وتقوم:يله جاهزه بس شوي خايفه
روبي: لا عاادي وسعي صدرك وابتسمي وانشاءالله كل شي اوك
رهف:ولاتخلين ابتسامتك بسبب الخوف تفارقك ،،ترى هذي اليله ما تنعاد
رهف كانت لابسه فستان تركواز جاي ماسك كله على جسمها وحاطه ورده حمرا عند فتحت الصدر وشعرها مسويته كله ويفي
روبي:نوف راحت تحت؟؟؟
الهنوف: ايه
رهف: يله هنووف
الهنوف: يله
تحت عند خالد في الغرفه
الهنوف دخلت بحيا وبصوت اقرب للهمس:السلام عليكم
خالد الي وقف لها وابتسم لها ابتسامه تذوب:وعليكم السلام
المصوره المصريه : يله يا حبيبتي عشان عندنا الزفه بعد شويه
ام نواف:نوووووووووف
نوف: سمي يمه
ام نواف:وين نواف هما انا قايله يجي عشان يتصور مع اخته؟؟؟
الا بدخلت نواف :هذاا انا جييييييت يا الغاليه لا تعصبين ولا شي،،السلام على الكل
نواف آآآآآآآآه بس وش اقول لكم عن نواف انسان في قمت الروووعه جميل جميل يجنن يسدح يخقق كل الكلام الزين مايوصف جمال نواف بسم الله عليه سبحان الي سواه،، اسمر البشره جذاااب الملامح ،، شعره اسود مررررررره سواد اليل،، حواجبه عريضه مرسومه من الله،، عيونه وساع سوداااا مكحلة من الله ونظره من عيونه تدوخ الي قدامه،، خشمه سلت سيف ،،وغميزاته الي تذبح لاتكلم ولا ضحك،، طويل و جسمه رياضي خطييييير ،، طييييب وحنوون مره بس عنيد حتى مع نفسه...
الكل: وعليكم السلام
المصورة المصريه: يله نبتدي قاهزين؟؟؟
في القاعه تحت
مشت لمى بكل رقه وانوثه بفستانها الاخضر القصير الي كان فوق الركبه وشعرها الي كانت رافعه نصه وتاركه الباقي براحته:منتهى خييييييييييير وش هذاا الاستهبال من ساعه وانا قايله لك تقولين للطقاقه تغني ويلاه ابي ارقص
منتهى ردت عليها الي كانت في قمت الانوثه بفستانها النيلي والفضي وشعرها الي كانت مسويه تسريحه الضفيرة الي كانت مناسبتها بسبب طول شعرها وكانت من جد اخت عريييس :يالييييييل منك يالمى روحي انتي والله اني قايله لها منـــ....................
ماكملت كلامها الا والطقاقه بدت موالها بمقطع يا اللله ياربهم اهديتهم فهديه يا الله>>ولمى سحبت عليها وبدت تتمايل بجسمها على نغمات الاغنيه
الزفــــــــــــــــــــــــــــــــــــــــــــــ ـه
كانت زفه رايقه حيل مشت الهنوف على صوت محمد عبده اميرة الورد كانت في قمة الجمال والروعه والي زاد جمالها جمال خجلها الرباني الي من تحط عينها بعين احد تسحره ....
انتهى الزواج بمى فيه كان هاادي وجميل والكل اثنى علييييييييه...
في بيت الجد في اليل
كان الكل قد نام ومافي حركه في البيت ابد حاولت تنام بس النوم كان مجافيها بسبب الموضوع الي له كم يوم مطير النوم من عينها : انا لازم اسوي الي قاله ابووي وهذي وصيته لي اني اكمل دراستي ،،لازم اكلم جدي في الموضوع بكره ان شاءالله>>>>>طلعت من الغرفه ونزلت تحت تبي تجيب لها مويه لأنها عطشت
روبي وهي في المطبخ شافت نور في الحوش حق البيت قالت بطلع اشوف من فيه يمكن حرامي ولا شي<<<شجاعه بسم الله عليها *_^
ويوم طلعت عرفت ان النور طالع من بيت الشعر راحت بسرعه تشوف :معقوله جدي للحين ما نام؟؟؟
روبي وهي تدخل:السلام عليكم
الجد: وعليكم السلام ،،هلا ببنتي حبيبتي
روبي ابتسمت:هلا جدي
الجد : هلا بك
روبي: جدي غريبه مانمت؟؟
الجد: واللله هااه شوفت عينك مجافيناا النوم
روبي: ايه مثلي
الجد: وراك ما نمتي؟؟؟
روبي: والله ما جاني نوم
الجد: ليييييييش؟؟؟
روبي : فيه موضوع مهم ودي اكلمك فيه اذا ماعليك امر
الجد: وشوو؟؟؟
روبي: انا ودي يا جدي ارجع بريطانيا...............
الجد يقاطعها بعصبيه: وشوووو ترجعين بريطانيا ولييييييييييييييه ان شاءاللة.؟؟
روبي: لحضه اسمعني اول لاتعصب
الجد بصرامه : كانك تبين الاجناب خوالك لاتحاولين تقنعيني من الحين
روبي: جدي لحظه افهمني
الجد: وش تبين افهم ؟؟؟
روبي بسرعه عشان مايقاطعها:انت مثل ما تعرف اني كنت ادرس جامعه هناك وبعد موت ابوي الله يرحمه
الجد: الله يرحمه
روبي:انقطعت بسبب الغيبوبه الي دخلتها وبعدين جلست شهر في بيت ابوي سليمان وبعدين جيت عندك وجلست فتره مو بسيطه المهم مجموع هذاا كله ياجدي تقريباا بكمل سنه ،،يرضيك ان سنه من عمري ضاعه بلا فايده تبي الحين اضيع الثانيه
الجد:لا مايرضيني،،بس ادرسي مثل بنات عمك في وحده من جامعات الرياض
روبي:لا انا بديت هناك وبكمل هناك مثل ماقال ابووي
الجد: وانا اقول منتي برايحه لحالك
روبي: طيب الي ماعنده احد يروح معه يجلس مايدرس
الجد: روبي،،لاتناقشيني بلموضوع دراسه منتي بدارسه هناك تبين هنا من بكره انا ارسل اوراقك وابدي
روبي الي خنقتها العبره وطلعت بسرعه دون ولا كلمه طلعت غرفتها وسكرت الباب عليها وجلست تبكي ليييييييييييييييييييين داخت ونامت
اليوم الثاني
كان صباحيه الهنوف وكانت العائله كلللللللللللللللللللللللها مجتمعه عند الجد الرجال والشباب مثل العادة في بيت الشعر والبنات والحريم لهم البيت كامل يسرحون فيه
عند الحرييييم
الجده: ماشاءالله تبارك الله طالعه تهبلين يابنتي ووجهك منور
نوف قاصده تحرج اختها:ايييه اكيييييييد خلوود عامل عمايله
الهنوف الي ماتت حياا وماعلقت ابد ضربت اختها على خفيف يعني لايكثر
الكل انتبه لحركتها وماتوو ضحك عليها الاروبي الي كانت مو معهم ابد من كلمت جدها امس وهي متضايقه ومهمومه وصايره تسرح تفكر في حل لأقناع ججدها العنيد بس ضحكت مجامله معهم اما الهنوف فراحت فيها : هههههههههههههههههههههههه
في بيت الشعر عند الرجال
عبدالرحمن: ماشاءالله منور يا عريس
خالد: الله يسلمك ياعمي النوور نورك
نواف بأستهبال:عمي لوسمحت يعني مفروض حتى انا تمدحني انا توني جاي من بريطانيا
الجد يسبق ولده في الرد:عزم اعرس واحنا نطيح فيك مدح
نواف:ايه ان شاءالله قريب اصلاا انا ودي افاتحكم في هذاا الموضوع
وافي بحماس:جددددددد يا النسيب
نواف: ايه والله ان شاءالله ليش لا
وليد بلقافه:ومين سعيدة الحظ ان شاءالله
نواف بتهور:صديقتي في الجامعه في بريطانيا
عم السكون المكان وصدح صوت محمد الجهور:وشووو؟؟؟ مابقى الا هي
نواف: وليه ياجدي وش فيها؟؟؟
عبدالله الي يعرف ابوه زين وعاف رايه بهذاا الموضوع حب يسكت نواف لين بعدين يتفاهم معه:نواف ياولدي انت الحين خلص دراسه وبعدين فكر في الزواج
نواف الي فهم ان ابوه يطلب منه السكوت:ان شاءالله يبه
خالد يلطف الجو لأنه حس انه تكهرب شوي بسبب نظرات جده الي كانت مخيفه وكأنها سهام تطلق على نواف :هااه وش تتوقعون ،،وين بروح شهر العسل؟؟؟
وافي الي فهم قصد خالد وبسرعه قال:لا تقول ايطاليا ترى انا ميت على ما اروح لها انا ونووفتي
وليد الي يصفر: ونوفتيييييي بعد عند الناس ،،ياخي استح على وجهك قدام الناس
وافي:ايه ليه لا والحب حرااام؟؟؟
وليد: لا مو حراام بس خف على نوفتك شوي وغمز له*_^
ووالكل ضحك ماعداا الجد الي كان باين من عيونه ان وراه شي وماخفى هذاا على الكل الا نهم كانوو يجاملون:هههههههههههههههههههههههههههههه
طلع خالد مع الهنوف بعد ماسلموو على الكل واتجهوو الى المطار للسفر وقضاء شهر العسل
بعد ما استأذن الرجال والشباب بسبب ان شغالهم الي بشغله والي معزوم والي بيطلع مع اخوياه >>تصريفاتهم المعروفه...
جا ابو نواف بيطلع بس وقفه صوت ابوه الي كان متوقعه من يوم مانواف تهور وفتح فمه بكلام مايدري وش عاقبته:عبدالله
ابو نواف في نفسه الله يسامحك يانواف ياترى الحين ابووي وش ناوي عليه:سم يبه
الجد: اجلس ابيك
عبدالله وهو يجلس: آمرني
الجد: متى سفر ولدك؟؟؟
عبدالله :نواف؟؟؟؟؟
الجد: وعندك ولد غير نواف،،،ايه هووو متىى؟؟؟
عبدالله: السبت ان شاءالله
الجد: بكرة؟؟؟؟
عبدالله:لا السبت الجاي
الجد يفكر يعني معهم اسبوووع زين يمديهم يجهزون نفسهم
عبدالله الي حس ابوه اطال سكوته:بغيت شي يبه؟؟
الجد: ايه!!!
عبدالله: وشووو؟؟
الجد: مايسافر نواف الا ومعه مرته
عبدالله: وشووووووووو؟؟؟؟
الجد: الي سمعته ،،والله انا ماني مستعد يعيد الي سواه عبدالعزيز اخوك واضنك تذكر وش سويت فيه
عبدالله: ان شاءالله بقول له
الجد: تقدر تروح
انتهى البارت السادس