ما قمت الا والي يشد كشتي ويوم فتحت عيني الا وذي الي كشتها منفوشه زي الجني ووجهها كله حمره " روج"(اختي الصغيره جوري عمرها سنه وشوي )
ما وعيت على نفسي الا وانا دافتها وانا اقراء اية الكرسي المهم قمت من النوم ورحت اخذت منشفتي عشان اخذ شور الا وعبد الهادي ( اخوي الصغير عمره ست سنوات )
قاعد " يعملها" وهو فاك الباب قلت له : يا ولد الحلال كم مره اقولك سكر باب الحمام اذا جيت " تعملها" قالي : طيب طيب لا تتفلثفين ( لا تتفلسفين)
لمن دخلت لقيت مفاجاه سبحان الله ( بامبرز ) ( حفاظات البزارين)
وبعد ما خرجت من الحمام اكرمكم الله لقيت اخوي عبد المعطي( اخوي الكبير عمره 20 وما غير يتامر)
قلي غسلتي ثوبي
قلت له : مدري يمكن امي هيا الي غسلته
عبد المعطي : يا ربي كل وحده تقول " يمكن ... غسلته " وش ذا
دخلت الصاله الا وعبد الرحمن ( ولد عمها عمره 17)
في وجهي قلت له وانا اصارخ: وراك
عبد الرحمن : طيب طيب رلاكس رلاكس
دخلت غرفتي وصليت ولبست مسفعي وجيت اروح المطبخ الا وعبد الرحمن في وجهي
...............................
: وش تبي كل ما رحت محل لقيتك في وجهي
عبد الرحمن : ها لا سلامتك بس امي وابووي و منى ( اخته الصغيره) سافروا وانا قلت لهم ما ابغا اسافر
قمت وجيت هنا
: اها طيب وراك وخر شوي ابغا اشرب مويه
عبد الرحمن : طيب طيب رلاكس رلاكس
............
ورحت غرفة التلفزيون الا وكل البزارين جاين
البزارين : اقلبي على ام بي سي 2
: نعم نعم نعم والله تطورنا امس كنا نشوف براعم واليوم ام بي سي 2؟!!؟!؟؟
البزارين : ايه ايه وش فيها
البزارين هم اولاد اختي الكبيره " لولوه " سلمان وساره وسالم واختي الصغيره جوري واخوي عبد الهادي
سالم نونو ما يدري وش السالفه بس مع الخيل يا شقراء
المهم تركت لهم التلفزيون
..............
جات تبغا تطلع من البيت لقت عبد الرحمن
قالت له : وخر
قال لها : رلاكس
ووخر خطوتين بس
جات تبغا تفتح الباب وشافت صاحب اخوانها رجعت سكرت الباب
عبدالله تعال << وهي تصارخ
قال عبد الرحمن : ها
قالت له : انا قلت عبد الرحمن قلت عبدالله
جاء عبد الله( عبدالله اخوها الكبير توام عبد المعطي )
قال لها : سمي
: ابد والله بس صاحبك عند الباب فتح عبدالله الباب
وقال: عبد المعطي << وهو يصارخ
رد عليه عبد المعطي : بشويش تراني جمبك وش تبي << وهو يصارخ لا وكمان يقول انا جمبك
عبدالله: فك الباب من عندك
راحوا الشباب
قامت ونزلت للحديقه حقت بيتهم وجلست على المرجيحه
وقعدت تبكي بس بدون صوت
مدت لها يد منديله
مين تتوقعون؟؟
اعجبكم البارت؟؟
مين اعجبكم اكثر شي؟؟
انتقادات ؟؟