البارت السادس " انا لاضاقت بي الدنيا تجيني حالة استهبال" الجزء الثالث
بعد انتهاء دوامات المدرسه والجامعه
على العصر الساعه 5 ونص
كل العائلات تتجهز لطلعت البر
الكل طالع
ماعدا الجده لانها ماتقدر تروح وام فيصل اللي بتجلس معها
و من الرجال " ابو سليمان لان عنده شغل بالشركه ويمكن يلحقهم بعدين
و ابو نواف لانه مسافر
<><><><><><><><><><><><><><><><><><><><><><><><> <> <><><><>
بيت ام تركي
تولين وهي ترتب أغراضها
تاره : هي انتي على بالك مسافرين ترا كلها 3 ايام
تولين : ادري انها 3 days بس هذي أغراض مهمه
تاره بعد اهتمام : زين بسرعه عشان بنروح بيت جدتي أول بسلم عليها صدق اني قاطعه لي يومين او اكثر مازرتها
تولين بسخريه : just 2 days صدق انك قاطعه كيف طاوعك قلبك يومين ماشفتيها
تاره ضحكت : يمكن انتي تشوفين يومين قليله بس والله بالنسبه لي سنتين مو يومين
ابتسمت تولين
تركي دخل الغرفه : خلصتوا
تولين : يب
تاره بأبتسامه : بنروح أول شي بيت جدتي
تركي : مقرره الاخت
تاره : ايه
تركي : على العموم قولي هالكلام لابوي لانكم بتروحون معه انا بروح مع زياد وفيصل
وفهد
تاره: فله يعني سلافه وسفانه معنا
تركي : yes
تولين ابتسمت لمن تاره قالت : عدتك الاخت تولين
ضحك تركي : يلا انزلوا
نزلوا كلهم
وكان ابوهم جالس بالصاله
تاره بهبل وهي تصفق : يـــــاهـــــــلا باللــــــي لفـــــــاني يــــاهلا بــــــه
هــــــلا باللـــــي بـــعد والــــشوق جــــــابـــــه
ضـــــــوى خلـــــــي علي في اللــــــــــــيل ســاري
رجـــــــــــع لي من بــــــــعد غيــــــــبة حبيبـــــــي
هـــــــــــلا بـــــنور الصــــــــــبح ليـــمن تبســــــــم
هـــــــــــلا بـــــــــريح الــــــصفا ليمن تنســـــــــم
تــــــــعال عيــــــني ولهــــــت وانـــــــت كحلهــــــا
عـــــــزيــزة الـــــروح وانـــــت مثلهـــــــــــا
هــــــــلا باللـــــي ربى فـــــــي وسط جوفـــــي
أحبـــــــه بس من حـــــبه يا خوفــــــــــي
عدد دقات قلـــــــــبي في غيابـــــــــــــه
علـــــــيم الله قلبي ما صخى بـــــــــــه
قاطعها ضربه على راسها من تركي
تاره : آآآي ليش
تركي : صدق ماتستحين
تاره ابتسمت لمن شافت ابوها يضحك على حركاتها وسلمت عليه وهي جالسه جنبه وتقول بدلع : ابويه شوف تريك
ابو تركي ابتسم : وش فيك عليها خلها براحتها
تركي تنهد : ايه اكيد بتدافع عنها موب هي دلوعتك
ابتسم ابو تركي
وتاره تمد لسانها لتركي على بالها بتقهره
ضحك تركي على حركاتها وهو يقول صدق خبله
OooOooOooOooOooOooOooOooOooOooOooOooOooOooOooO
في بيت الجده
سلافه بعصبيه : سفااانوه عن التناحه الزايده قلت لك ماشفتي نظارتي
سفانه ضحكت : ياربي ماتفهمين قايلتلك مع جدتي
سلافه عصبت : عن الكذب الزايد وش تبي فيها جدتي
سفانه كاتمه الضحكه : وانا وش عرفني روحي و اسئليها بنفسك
سلافه اخذت نفس لاتقوم وتكفخ سفانه لانها باصمه على العشره ان سفانه سارقتها : سفانوه لو سمحتي وهذاني أتكلم بأدب ممكن ترجعين نظارتي " صرخت " رجعيها يالحراااميه يالسراااقه يالوصخه
ابتسمت سفانه : توك تتكلمين بأدب فجئه قلبتي
سلافه بحده : بروح و أسئل جدتي وإذا ماكانت معها والله لا أعلم عليك أمي و فصول
طلعت من الغرفه
وسفانه لحقتها
سفانه : لحظه انا بروح أكلم جدتي و أشوف وش السالفه
سلافه تأكدت الحين ان سفانه ماخذتها : لاتخافين موب انتي قايله انها معها خلاص انا مصدقتك وبروح أكلمها
بنفسي
سفانه : لا لاتتعبين نفسك أنا أسئلها و أشوف
سلافه ركضت وسفانه وراها
سلافه دزت سفانه بقوه وبغت تطيح من الدرج بس تمسكت بالسلم
وتحط سفانه رجلها وتتعكرف سلافه
سلافه بصوت بآآكي : جعلك بالشلل الرباعي والنصفي بعد
ضحكت سفانه وهي تنطلق على غرفة جدتها
صقعت بـ
زيـــاد
زياد : وجع يالخبله وش فيك تركضين
سفانه ما عطته وجه و وقفت قبال جدتها وقالت بسرعه : جده إذا سألتك سلافوه عن نظارتها قولي انها معك اوكي
الجده اللي مالحقت على كلامها لانها كانت تتكلم بسرعه : وشوا
سفانه : ياربي ياجده اسمعي اذا جات الخبله سلافوه وسألتك عن نظارتها قولي انها معك
واذا قالت ليش قولي اممم وش تقولين ايه قولي انها عاجبتك ولا اي شي انتي ألفي من عندك
الجده بعصبيه : تعلميني على الكذب ياللي ماتستحين
سلافه ضحكت : سمعتك وربي كنت عارفه انك ماخذتها يلا رجعيها يامال الحمى اللي تصيبك
الجده :هو ليش تدعين عليها
سلافه : لانها كذابه و حراميه
زياد : خلاص انتي وياها تراكم أزعجتوا امي
سفان بدون نفس : تلاقينها في درج التسريحه
سلافه طلعت فوق
سفانه جلست : احنا بنروح مع مين
زياد : انتي وأختك مع خالتكم ام تركي والبنات
هتفت سفانه بحمااس : والله
زياد ابتسم : والله وانا مع تـركـ " سكت لمن شافها سفهته وطلعت على غرفتها ركض "
دخل فيصل الغرفه وهو يقول بأستغراب : وش فيها سفانه طلعت تركض
ابتسم زياد : قلت لها انها طالعه مع خالتك ام تركي والبنات تحمست
فيصل ابتسم وهو يجلس : وانت بتطلع معي انا وتركي وفهيدان
زياد : ايه
الجده : بتجلسون هناك ثلاثه ايام
زياد : ايه يمه ولو تبينا مانروح موب رايحين
الجده : هو وليش ما ابيكم تروحون روحوا وانبسطوا
اذكر لمن كنا نروح البر مع أهلنا .................... وجلست تحكيهم عن طلعاتها للبر
وزياد وفيصل مستمعين لها ياحبهم لسواليفها
في بيت ابو محمد
محمد وفهد وبدر في الصاله تحت
و الريم فوق بغرفتها مع دلال زوجة محمد
! دلال : عمرها 20 سنه تزوجت محمد أول ماخلصت ثالث ثانوي وماكملت جامعه
طيبه وفله لابعد درجه تعز الريم مررره
ودايم تزورهم
عاقله بس وقت الفله تفل ابوها
و تموت بمحمد
جمالها ناعم بيضا وطوويله جسمها حلو ملامحها عاديه نااعمه
شعرها لنهاية ظهرها أسود وناعم
عيونها وسااع لونها أسود ....
الريم وهي ترتب أغراضها : ايه وليش ما صرتي تزورينا لك كم يوم
دلال ابتسمت: والله كنت مشغوله
الريم بخبث : انا قايله من أخذ محمد إجازه قلت انك راح تنشغلين معه وماراح تزورينا
دلال قب وجهها من الاحراج : ريموووه وجع ليش تتكلمين بهالطريقه ماتستحين
الريم ضحك : انا هالكلمه ماسحتها من قاموسي
ابتسمت دلال : وبعدين انا قايلتلك اننا مسوين سابع لبنت أخوي في بيت اهلي عشان كيذا إنشغلت " تذكرت " وانتي ليش ماجيتي
الريم تنهدت : تدرين عندي إختبار بالجامعه وماقدرت أجي وبعدين انا قايله لامي تقولك
دلال ابتسمت : ايه ماشاءالله عليها خالتي جات من بدري وجلست تساعدنا مع اني حلفت عليها ماتسوي شي بس ماوافقت
ابتسمت الريم وهي تقول بمزح : ترا خلاص تزوجتي محمد موب لازم تجلسين تمدحين فيها الا إذا كنتي حاطه عينك على بدر وانا صراحه ما أنصحك فيه
ضحكت دلال على كلام الريم : والله ماعندك سالفه
ابتسمت الريم : خلاص دقي على محمد وقوليله اننا جاهزين
خلنا نطلع بدل حبست البيت
ابتسمت دلال وهي تتصل على محمد عشان تقوله ان الريم خلصت
عشانها بتروح معهم
وهذا طلب من دلال
لان فهد بيروح مع تركي و زياد و فيصل
وبدر مع امه وابوه
OooOooOooOooOooOooOooOooOooOooOooOooOooOooOooO
في بيت أم سليمان
سليمان وبندر وام سليمان جالسين بالصاله
سليمان : اووف وينها ذي ساعه تجهز
ام سليمان : أصبر عليها تقول دقايق ونازله
بندر : يمه ترا بنتك هذي أكبر كذابه الدقيقه عندها ساعه ودايم مأخرتنا قوليلها يلا ترا ملينا
ولسا بنروح وناخذ خالتي ام نواف والباقين
سليمان بأستغراب : نعم
ام سليمان ابتسمت : ايه خالتك قبل شوي داقه علي وقالت تبغانا ناخذها
لان ابو نواف مسافر
سليمان ابتسم : حاضر بس قولي للبندري يلا لاننا تأخرنا
سمعوا صراخ
التفت بندر وضحك لمن شاف ندى تركض
وتنط على سليمان
سليمان ضحك : وش فيك
ندى : بنو تبي تضربني انا وسئود < سئود = سعود
سليمان ابتسم : أفا ماعاش مين يضربك وينها الخبله
جا سعود يركض و وراه البندري وهي بقمة العصبيه
البندري وهي تلحق سعود اللي كأنه صاروخ : يالحقير رجع الـ آيبود حقي
سعود يضحك :لاء
البندري تعبت جلست على الارض بدون اي مقدمات أنسدحت : وجع لا هذا مو طفل هذا شي غريب
ضحكوا كلهم
سعود جلس بحظن امه : ماما سوفيها تبي تاخذ الأيبود حقي
البندري عصبت : حقي انا موب حقك انت انا انا انا حقي انا أفهم ياحمار
ندى التفتت على سليمان وهي تقول بعفويه : ليش تقول حمال وماتهاوشها
ابتسم سليمان : لان هذي مستحيل أحد يهاوشها كان تكفخه فهمتي
ندى ابتسمت وهزت راسها بـ لا
بندر : سعود رجع لها الايبود حقها ولا ترا مافي روحه
سعود بحقد : مابي حقي الايبود
بندر بحده : لا موب حقك
سعود من القهر مسك الايبود ورماه بكل قوته على بندر
بندر : آآآآآآآآآآآي وجع
ندى وسعود ضحكوا لمن صقع الاآيبود بجبهت بندر
البندري أخذت الا آيبود : خلاص يمه انا جهزت
سليمان قام : يلا
OooOooOooOooOooOooOooOooOooOooOooOooOooOooOooO
بيت ام نواف
ام نواف و غزل و نواف بالصاله
ام نواف بصراخ : نوير انزلي ترا بيجون الحين
النوري نزلت وهي شايله طلال
النوري : اووف بس انا مابي اروح معهم
غزل ضحكت : اجل اجلسي بالبيت خخخ
النوري بنرفزه : يييييييييييييييييمه ليش غزول مابتروح معنا
ام نواف تنهدت : نزلي طلول
نواف : عشانها بتروح مع خالتي ام تركي والبنات
النوري زفرت بغيض : وانا مابي اروح معكم بروح مع راما " نزلت طلال "
طلال جلس عند غزل وهو يقول بدلع أطفال: ابي الوح معك مابي الوح مع نولي " ابغا اروح معك ما ابغا اروح مع النوري "
غزل بدفااشه : طير انا الدلع ذا ما احبه على البنات تجي انت يالدلخ وتدلع
بوز طلال وهو موفاهم ذي وش جالسه تخربط
ام نواف : بسم الله وش فيك على الولد
غزل : يمه ولدك مدلع يبغاله ضرب
نواف : انتي هي وش فيك متنرفزه خليه يتدلع انتي وش اللي حارق رزك
غزل ابتسمت وماردت عليه
النوري جلست تترجا امها تخليها تروح مع راما
ونواف جلس يتهاوش مع غزل
وطلال متنح بالنص مايدري وين ربي حاطه
OooOooOooOooOooOooOooOooOooOooOooOooOooOooOooO
في بيت ام رائد
في الصاله اللي تحت
رائد و لورا و فارس اللي رجع امس من دبي
فارس وهو يتمغط بكسل : انا اعرف الناس اذا بيغيرون جو يقولوا خلنا نسافر تركيا فرنسا على الاقل البحرين او الشرقيه اما انتوا غريبين اذا زهقتوا قلتوا خل نروح البر
ابتسم رائد على كلام فارس ولا رد
لورا : وانت الصادق قرف البر كان ودي نسافر
الهنوف وهي تدخل الصاله بعبايتها : اووف تاروه مزعجه من اول تدق تقول تعالي معنا
لورا بملل : روحي معها أحد ماسكك
فارس : انا عن نفسي بروح بسيارتي مع امي وراموه وانت " قصده على رائد " خذ معك هنيق وجنو
رائد ابتسم : اوكي بس وينها جنى عشان نطلع
نزلت ام رائد ومعها جنى : هذانا جينا اول شي نروح بيت
امي شيخه ونطلع من هناك على البر
فارس : زين يمه وين راما
ام رائد بأستغراب : مدري يمكن بغرفتها
الهنوف بصوت عالي : رااااااااموه و وجع انزلي طلعنا
ثواني و
نزلت راما ركض من الحماس شايله بيدها صندلها و الطرحه على كتوفها والعبايه لافتها بشكل غريب
راما بأستغراب : وين طلعتوا يالنصابه وانا على بالي رحتوا وخليتوني
ابتسمت الهنوف : صراحه شكلك مصخره
راما بحده : يمه شوفي هنيف
ام رائد تنهدت بملل : خلاص
جنى : ماما متى بنروح
رائد وقف : يلا نطلع
فارس قام بملل : يلا يمه انتي و راما معي و الهنوف وجنى مع رائد
ام رائد وهي تلبس طرحتها : طيب بس يلا لا نتأخر على الناس
OooOooOooOooOooOooOooOooOooOooOooOooOooOooOooO
في بيت الجده
وصلوا بيت ام تركي
وبيت ام محمد
ومحمد ودلال
تركي و فهد و فيصل و زياد طلعوا للبر يسبقونهم
عشان يجهزون الاشياء
و البنات و الحريم والرجال جالسين بالمجلس
غزل : والحين كيف راح يكون تقسيم السيارات
تاره : مدري " وبصوت عالي " كيف راح يكون تقسيم السيارات
ام تركي طالعت تاره بحده على صراخها اللي ماله داعي
تاره بهبل: خلاص انا بقسم السيارات
سفانه بتريقه : اتحفينا يا ست تاره
تاره : شوفوا انا وغزل وسفانه و تولين و سلافه واممم والريم و هنيف والبندري بسيارت ابوي
تولين مبققه عيونها وبصوت مبحوح : وش قالولك سيارت ابوي مركبة فضاء ماراح تكفينا
سفانه : صدق ماراح تكفينا
الريم : انا بطلع مع دلول ومحمد
سلافه : و اذا على الهنوف تقول رائد قال انها بتروح معه
تولين ببحه : وانا ابغا مع البندري وسلافه
تاره : أجل شوفوا انا وغزل وسفانه مع بعض بسياره ابوي و......................... قسمت البنات بمزاجها
تقسيم السيارات
سيارت ابو تركي
" ابو تركي .. ام تركي .. تاره .. غزل .. سفانه .. "
سيارت سليمان
" سليمان .. ام سليمان .. بندر .. نواف .. النوري .. ام نواف .. سعود .. وندى .. طلال"
سيارت بدر
" ام محمد .. ابو محمد .. بدر .. البندري.. تولين .. سلافه "
سيارت فارس
" ام رائد .. فارس .. لورا.. راما .. "
سيارت رائد
"رائد .. الهنوف .. جنى "
سيارت محمد
" محمد .. دلال.. الريم "
OooOooOooOooOooOooOooOooOooOooOooOooOooOooOooO
بعد نص ساعه من الانتظار وصلوا كل العائلات بيت الجده
قالت لهم تاره تقسيم السيارات
طبعا البنات محد عارض
بس سليمان كان متنرفز ليش يحطون البزران كلهم بسيارته لانه مايحب الازعاج
محمد بعد كان مقهور عشان الريم اللي قاطه معه وهو لمن يطلع البر او بيسافر ما يحب يطلع مع الريم لانها تسببله ازعااج وهو يحب الهدوء
بس بالنهايه الكل رضا بتقسيم تاره
و اتجهت كل السيارات للبر
كان الطريق طوووووووووويل للبر
OooOooOooOooOooOooOooOooOooOooOooOooOooOooOooO
وصلوا وكانوا مجهزين 5 خياام
قسمهم ابو محمد
الخيمه الاولى
" ام محمد و ام نواف وام سليمان و ام رائد وام تركي ومعهم جنى وسعود وطلال وندى "
الخيمه الثانيه
" ابو محمد و محمد و ابو تركي و رائد و زياد "
الخيمه الثالثه
" فيصل و فهد و سليمان و تركي و فارس و نواف وبندر وبدر "
الخيمه الرابعه
" الهنوف و تاره و سفانه و غزل و الريم و دلال و البندري "
الخيمه الخامسه
" تولين و لورا وسلافه و النوري و راما "
OooOooOooOooOooOooOooOooOooOooOooOooOooOooOooO
كانوا كل البنات متجمعين بخيمه وحده يسولفون
عند سفانه و غزل وتاره
تاره بصدمه : للحين يتصل
غزل تنهدت : ايه وش اسوي معه
سفانه بحده : لاتردين عليه وهو بنفسه بيطفش وماراح يتصل مرره ثانيه
تاره : لا ماينفع لازم تتفاهم معه بطريقه ثانيه
غزل : وش الطريقه الثانيه
تاره : مدري أفكر بطريقه طيب وش رايك اروح والعن خيره
سفانه ضحكت : من جد روحي وسويها أشهد ان الولد ماعاد راح يدق مرره ثانيه بيخاف من تاروه
غزل : صدق بتكلمينه متى
تاره : مدري الحين اروح ولا اقول بايخه وماراح تنفع خلنا نفكر بطريقه ثانيه لاني أخاف اكلمه هنا وننفضح لان الشباب و امهاتنا كلهم موجودين
سفانه : ايه ماينفع هنا
غزل تنهدت : الله يهديه لو بس يحل عني انا بخير
تاره بحده : بس ترا مو بس هو الغلطان حتى انتي بعد غلطتي
غزل طالعت تاره : ادري اني غلطانه بس الحمدلله اني صلحت غلطتي
وما كلمته من زماان ولا بيني وبينه اي احتكاك
سفانه قبصت تاره وهي تقول بهس: وش فيك على البنت حرام عليك
تاره بصدق : انا ماقلت شي غلط وبعدين انا جالسه أذكرها باللي صار وادري انه انتهى الحمدلله بس يعني مو تحطون كل اللوم على الولد
ابتسمت غزل : فديتها بعد قلبي تاروه هي الوحيده اللي بالعالم خبله وعاقله بنفس الوقت
ضحكت سفانه
وتاره طالعتهم بغرور مصطنع وهي تقول : ادري مايحتاج تمدحين
غزل : صدقت نفسها الاخت
واستمر الحديث
عند سلافه و البندري
البندري بحده : سلافوه عن الدلاخه قلت لك البنت بنفسها قالت لي
سلافه بعدم تصديق : والله تكذب عليك وش دخل لورا تطلع اشاعه مثل هذي على تولين
البندري تنهدت : مدري بس هي حلفت لي ان لورا ورا السالفه
سلافه بحده : ترا والله اعرف انك تكرهينها و اعرف ان لورا بعض الاحيان عليها حركات مستفزه بس وربي ماتوصل فيها الحقاره انها تطلع هالكلام على تولين وبعدين وش بتستفيد انتي ماتشوفينها 24 ساعه مع تولين ترا لورا أقرب وحده لها من البنات تولين يعني مستحيل تطلع عليها هالكلام بدون سبب
البندري بحقد : انا متأكده انها هي اللي مطلعه الكلام و راح أتأكد من الموضوع بس آآآآآخ لو أعرف ليش هي قايله كيذا
سلافه طالعت لورا وهي تسولف مع تولين ويضحكون
بعدت هالافكار عنها
مستحيل تكون هي اللي مطلعه هالكلام مستتتتتتتتتتتتتتتحيل
عند الريم و دلال
الريم : ايه وبعدين
ضحكت دلال : ولاشي جلست اترجا فيه لمن قال خلاص بنسافر بالأجازه الجايه معكم
الريم : الحمدلله على بالي بعد موب مسافره معنا
دلال وهي تعدل جلستها : وانتوا وين قررتوا تسافرون
قالت الريم بضحكه : يقولون اننا بالأجازه بنساافر الهند على طلب الست سفانه
دلال بصدمه : من جد
الريم : لا طبعا بس سفااانوه ذابحتها الافلام الهنديه وبطت كبد ابوي كل ما سألنا وين تبون تساافرون قالت الهند
ضحكت دلال : اما سفانه ذي فله صراحه أجل تبي تروح الهند
الريم : تعالي نجلس معهم
دلال بخجل : لا شكل عندهم موضوع ما ابي أحشر نفسي معهم
الريم سحبتها : عن الدلع الزاايد
دلال تنهد وابتسمت للبنات مجامله وجلست معهم
تاره بخبالها المعتاد : هلابش حي من عاكس اتجاه الريح وجابش " صارت ترقص بكتوفها وتدق سفانه " عـآشووآ عـآآآشووـآ ورآآ
سفانه ابتسمت بخجل لـ دلال
تاره بأستغراب : سفانوه يالحقيره وش فيك
سفانه همست لتاره : غبيه زوجت محمد جالسه وش هالحركات
تاره ابتسمت : على بالي عندك سالفه ترا ماعندها اخوان عشان تخطبك
ضحكت سفانه : تفكير غبي الصراحه
تاره : اقول دلال انتي ماعندك اخوان صح
دلال : عندي واحد بس
تاره ابتسمت : أجل ماله غير سفانه ومن بكرا لو سمحتي تجون تخطبونها رسمي ومن الحين أقولك انها موافقه مقدما
سفانه طيرت عيونها : انا
تاره تكمل : تراها ميته على العرس يعني تقدرين تقولين اممم الملكه تكون بعد اسبوعين والزواج بعده بكم يوم
ضحكت دلال : ابشري
تاره دقت سفانه وغمزتلها بتريقه : شفتي جبت لك عريس انما ايه
ضربتها سفانه وهي تقول بحقد : كلي تبن ومين قال اني ميته على العرس
تاره : آآآي انتي بنفسك قلتي
سفانه : عمري ماقلت
تاره بأستغراب : أجل مين اللي قال
الريم : مدري يمكن انتي ميته على العرس قمتي حطيتيه على سفانه
سفانه ضحكت : ايه صح تاروه من اول تقول ودي اتزوج خلاص مالك الا فصووول
تاره صرخت : لالالالالالالالا بتذبحوني تبغوني اموووت لا مستحيل ما ابي فيصل زوجوني سواقنا نويصر ولا اتزوج فيصل لو تبوني اتزوج الهندي راعي السوبر ماركت اللي جنب بيتنا ماعندي مشاكل بس فيصل للالالالالالالالا و الف لا
ضحكوا البنات
دلال : وليش معصبه وش فيه فيصل
تاره وهي تجلس جنب دلال : يختي هالولد ما ابلعه ينرفزني
سفانه : كح قصدك يسبب لك رعب
تاره : هو دا < قلبت مصري
دلال : وليش يسبب لك رعب
تاره : انتي شفتيه
دلال بتفكير : ايه شفته وش فيه
تاره بعفويه : شكله مرعب
ضحكوا البنات
تاره تكمل بصدق وعفويه : وربي دايم مقطب حواجبه واذا طالعتيه كيف يتكلم تحسينه شديد
يخوف واذا عصب يمممممه يخوف ماينوصف
دلال ابتسمت : يقولون ما بعد عداوه الا محبه
تاره : اي محبه ياشيخه انا ما اكرهه يشهد علي ربي اني احبه بس مو الحب الحب لا احبه مثل تركي
سفانه ابتسمت وقالت بمزح: لا خلاص قلت لك انتي لفيصل وفيصل لك وانتهى الموضوع
غزل داخله عرض وهي تقول بتريقه : وانا بتخلوني عااااانس اسعفوني بعريييييييس
الريم ضحكت : اعتبري بدر هديه مني لك
غزل : ويييييييع المغازلجي اخوك خليه لك
الريم ضحكت : صدق ماتستحين تردين هديتي
ضحكت غزل : اذا بدر هديتك ما ابيه
دلال ابتسمت لانها مو دايم تجلس معهم بسس حست براحه لمن شافتهم متقبليها وماخذين راحتهم بالكلام
غزل : انا بروح أشم هوا وراجعه
تاره : روحي يختي احد ماسكك
ابتسمت غزل وطلعت من الخيمه
شافت البزران يلعبون وبندر و نواف بعيدين معاهم النوري وراما جالسين يلعبون كووره ابتسمت
لمن شافت النوري تكفخ بندر
غزل بتريقه: الله محيي أصلك صدق بنت رجال
حست بأحد وراها
انصدمت لمن شافته يسحبها ورا الخيمه
قال بحب وهو يسحبها من ذراعها : وحشتييييييييني
غزل سحبت يدها بقوه وقالت بعصبيه وهي تصر على اسنانها وتنفسها صار حاد : انتي ماتستحي على وجهك بأي حق تلمسني انت مالحق خلاص قلت لك اللي بيننا انتهى انت ماتفهم
طالعها وهو مصدوم من كلامها
غزل تكمل وهي حاااقده عليه من كل قلبها : خلاص ياخي قلت لك ما ابيك انت ماتفهم
ابتسم لها بسخريه وقال بعصبيه : ومين قال ان هالشي بكيفك انتي لي سامعتني رضيت بهالشي ولا لا
غزل ودموعها تجمعت بعيونها : سليمان تكفى ابعد عني خلاص اتركني بحالي
سليمان لانت ملامح وجهه لمن شافها بتصيح قال بحب : غزل انا آسف على الكلام اللي قلته اول خلاص أعتذرت لك وش تبين أكثر من كيذا قلت لك ذاك الوقت كنت معصب من ابوي وما كنت ادري انا وش قاعد اقول
غزل تطالع وراها اذا في احد بعدها رجعت طالعته : وانا ماقبلت اعتذارك والحين انا بروح واتمنى انك تبعد عني بعدت عنه بسرعه ورجعت الخيمه
سليمان تنهد ورجع خيمة الرجال
بعد السواليف و يوم طووويل ومتعب
الكل نااام
الا
غـــزل
كانت سرحانه تفكر بكلامه اللي قاله اليوم حست بأحتقار كبير له شلون يتجرء بعد اللي سواه يقولها هالكلام
رجعت بذكرياتها لآآخر مكالمه بينهم
المكالمه اللي انتهى فيها كل شي بينهم
انتهى فيه حب دام سنتين
بالنسبه لها حب الطفوله
&*&*&*&*&*&*&*&*&*&*&*&*&*&*
دخلت غرفتها ورمت نفسها على السرير بتعب ثواني وقامت بسرعه
أخذت جوالها من فوق التسريحه وفتحته بلهفه شافت 4 مكالمات لم يتم الرد عليها
من
" حياااتي "
ابتسمت فصخت عبايتها بسرعه وانسدحت على السرير بتعب
دقت على الرقم وهي متأكده انه بيهاوشها لانها ماردت عليه من أول مادق
ابتسمت لمن رد بس تلاشت ابتسامتها لمن
قال بعصبيه : بدري ست غزل كان ما اتصلتي
غزل : بسم الله سليمان وش فيك
سليمان بدون نفس : من اول ادق وماتردين
غزل ابتسمت : طلعت ونسيت جوالي بالبيت
سليمان تنهد
غزل : سلوم صاير شي
سليمان بقرف : متهاوش مع ابوي وطلعت من البيت لان مالي نفس أسمع محاظرته
غزل بأستغراب وهي تعدل جلستها : تهاوشتوا على ايش
سليمان بدون نفس وعصبيه خفيفه : على طلعاتي و على السياره والجامعه مدري جلس يعطي محاظره طووويله " تنهد " وانتي وين كنتي
غزل ابتسمت وهي تلعب بخصل شعرها : كنت ببيت جدتي
لحظااااااااااات صمت
قطع هالصمت
غزل بخوف : فيك شي
سليمان تنهد : تعبااان
غزل ابتسمت : سلامتك حبيبي
سليمان ابتسم : تراك بتذبحيني اليوم
غزل ضحكت : حلالي
سليمان ابتسم وهو يحس بضيقه : وش عندك ببيت جدتي
غزل : أبد بس عشان لي فتره مارحت رحت اليوم لان الكل مجتمع هناك
سليمان : اها وليش لك فتره مارحتي
غزل تنهدت : ابوي مطلع قرارات جديده
ابتسم سليمان : وش القرارات
غزل ابتسمت : يقول مافي روحه والشباب موجودين يعني يوم الربوع ممنوع ويقول يبيني ما أجلس معهم كثير و أغطي عليهم < لانها كانت تتحجب
سليمان : تغطين عليهم كلهم بس انا لا
ضحكت غزل : ليش فوق راسك ريشه
سليمان وهو يصر على اسنانه : قلت لك عليهم ايه بس انا لا
غزل ضحكت لانها تحسبه يمزح : لا طلبعا اذا بغطي بغطي عليكم كلكم
سليمان بعصبيه : غززززل أضنك سمعتي وش قلت ماله داعي أعيد كلامي
غزل حست انه معصب من ابوه وبيحط حرته فيها : بس انا مستحيل اسوي هالشي من ورا أهلي
سليمان بسخريه قاتله : ويعني على بالك هذا اول شي تسوينه من ورا اهلك
غزل بتناحه : هاه
سليمان بدون نفس : من قال هاه سمع " وببرود يذبح " انا مشغووول باي " وقفل "
طالعت جوالها بصدمه ولا أول مرره تعيد حساباتها
توها تحس
باللي كانت تسويه
هو بكلامه صحاها من اللي جالسه تسويه
رجع في بالها كلام تاره وهي تقول حرام اللي تسوينه
رجعلها كلام سفانه وهي تقول ترا كل اللي تسوينه غلط
تذكرت عنادها
تذكرت لمن كانت تقول عادي هو بنفسه قال بعد فتره بيتقدم لي
بس ولو هو موب محرم لها عشان تكلمه حتى لو بيتقدملها مايجوز اللي جالسه تسويه
شهقت ودموعها سيل على خدودها
توها بعد سنتين تصحا من الغلط اللي تسويه
توها عرفت انها عصت ربها
توها عرفت انها خانت ثقة اهلها لمن كلمته من وراهم
المشكله العظمى بالنسبه لها
انه هو اللي بينلها هالشي
هو بنفسه وضحلها غلطها
يعني هو عارف انها غلطانه
وش الفكره اللي ماخذها عنها عن وحده تكلمه من ورا اهلها
رمت نفسها على السرير
وجلست تصيح من قلب
...........................................
غمضت عيونها بقووه ماتبغا تصيح
خلاص صاحت بما فيه الكفايه
هي صحيح الى الان تحب سليمان بس مستحيل تكرر غلطها مرتين
هي تعترف انها غلطانه
بس هي تابت وحلفت ماتعيد غلطها
تتابعون في البارت السابع من رواية " مخ عربجي"
(انـا لـآ ضـآقت بي الدنيا تجيني ¬»حاله استهـبال (•̪● ) الجزء الرابع والاخير
سحبتها من ياقت بلوزتها بقوه : تمدين يدك علي ثاني مرره أكسرها وانا متأكده انك انتي ................
*:::*:::*:::**:::*:::*:::**:::*:::*:::*
صرخت بقمة صوتها : ببببببببببببببببببببببببببببببببس ابعدوا " حست بظلام فجئه غمضت عيونها بقوه بس استسلمت للظلام "
*:::*:::*:::**:::*:::*:::**:::*:::*:::*
قالت وهي تصر على اسنانها : ومن متى هالكلام وليش انا آخر من يعلم
*:::*:::*:::**:::*:::*:::**:::*:::*:::*
شافها ولأول مرره كانت كلمت ملاك قليله عليها صار يطالعها بأعجااااب
*:::*:::*:::**:::*:::*:::**:::*:::*:::*
قال بعصبيه : تااااروه وش هالخبال اللي سويتيه انتي ماتبطلين سخافات تراك فاضحتنا بكل مكان
مع تحياتي : غرامها ساحر