راكان بعصيبه:اخلصي ولبسي عباتك..تراي ميت جوع..
جيهان بتريقه:تيب تيب..على رسلك يارجل..
وتوجهت للمرايه وصلحت مكياجي ولبست عباتي..واخذ شنطتي..وطلعنا من الفندق..
راكان ناظرني:نزلي الشال على عيونك..
جيهان بدون اهتمام:مالك شغل فيني..
راكان يصير على اسنانه:انا وش قلت لك..؟؟
جيهان بكل برود:انت مغير تتأمر..اكرمنا بسكوتك شوي..
راكان بق عينه:عفوواا..!!
جيهان خفت منه بس مابينت له:ألي سمعته..انا حره بتصرفاتي..
راكان يصر على اسنانه:والله لو المكان موعام كان شفتي شيء مايسر ولا اقصري الهرج ونزلي الشال..
جيهان تنهدت بقهر ونزلت الشال..مع ان عيوني مكانت مبينه ذاك الزود بس مدري ليه هو كذا..
وسرعان ماوصلنا للمطعم..وانا منكتمه..
راكان با ابتسامه يبا يلطف الجو:عجبك المكان جيهان؟؟
جيهان(بقوه والله):اممم..ماشي حاله..
راكان:معجبك يعني..؟؟
جيهان بدون نفس:مومهم شكله الأهم اكلهم حلو ولا..
راكان:...........
دخلنا قسم العوائل..
جيهان جلست على الكرسي..ولاناظرت فيه ورفعت الشال عن عيني..
عطاني المنيوو..
ناظرت بالورقه..خاطري بفوتشيني بالماشروم وجبنه البارمزان..
وشوربه بالماشروم..وبس..
راكان:كلا ماشروم..
جيهان:انا من عشاق الماشروم..
راكان:طيب لاتاكلينا بقشورنا..
جيهان:لاتناقشني اجل..حره بطلبي انا..
راكان:استغفر الله العلي العظيم بس..
وقام راح يطلب..وانا كشفت وجهي..وصلحت غلوسي الوردي..وجاني صوت نغمه الوات ساب..ناظرت بجوالي وفتحته..وبصدمه كتبت لها:يووووه صار عندك وات ساب..
حنان:هههههههههههه تطورنا صح..
جيهان:الصراحه تطور كبير من جوال بو لمبه إلى.....
حنان :إلى جالكسي..
جيهان:اوووووه والله تطور بقوه بعد..ههههه مبروك فديتك..
حنان:الله يبارك بحياتك..طمنيني عنك..
جيهان:(فيس زعلان) الحمدلله على كل حال..
حنان:علامك جهونه والله خفت عليك..
جيهان:انا بالمطعم دحين لما افضى بعطيك علومي..
حنان:انا كمان بالسوق جالسين مع عمو وريم نتغدا..طيب قلبي وانتي لنفسك..
جيهان:وانتي كمان..انتي بس تقلديني..
حنان:ههههههههههههه..روحي اكلي بس..
جيهان:يلاا..هههههه..وسبت جوالي على جنب..
راكان فتح الباب تبع غرفه الطعام العائلي..
وجلس وبحده:وليه فاتحه وجهك..
جيهان بكل برود:احنا دخلنا غرف عائليه يعني كل شيء مسدود محد يشوفني..
راكان بسخريه:حلفي بس..اقول غطي وجهك..
جيهان:تعبت حالك والله..اجل ليه رايحيين بمطعم به مكان عائلي كان رحنا مكان مكشوف..معزب حالك والله..
راكان ناظرني بحده:انا وش قلت لك..؟؟
جيهان تنهدت وغطت وجها:اووف..
وسكتنا شوي..
راكان ناظرني وانا ألعب بالملعقه:جيهان..ليه تغيرتي.؟؟
جيهان بعدم استيعاب:كيف تغيرت؟؟
راكان:مكنك جيهان ألي اعرفها..قبل السفره غيروبعدها غير..
جيهان:ولك عين تتكلم بعد..وانت سبب هالشيء..لكن انا اهنيك واشكرك من قلبي على انك صحيتني من الحلم ألي انا فيه بالكف ألي عطيتني اياه..
راكان عض شفته بندم:جيهان..انا مكان قصدي أني أمد يدي عليك..بس انتي اجبرتيني على هالشيء..
جيهان بسخريه:اجبرك..!!..ههههههههههه ضحكتني والله..دحين صار قول الحقيقه مؤلمه بنسبه لك..ليه ماتبي تقتنع ان امك تأذيني..
راكان:امي ماسوت شيء لك..
جيهان(لما قال هالكلمه جاب حريقه بقلبي بس مابينت):خلاص طيب..حسبي الله عليها ان كانت مأذيتني..
راكان بقهر:وليه تحسبين على امي..
جيهان بدلع:كيفي..وانت اذا تكلمت بتحسب عليك بعد..
راكان بق عينه:لا لسانك طول اشوف..
جيهان بصدق:يطول على ألي اكرهم على اعدائي..على من اتعسني على من حطم قلبي..لكن مو على ألي احبهم ويحبوني..
راكان بصدمه:احين انا وامي صرنا اعدائك وألي تكرهينهم..
جيهان صفقت على خفيف:براااافو..اخير فهمت علي يازلمه..
راكان جاء بيرد علي إلابضرب القارسون للباب..وقام وفتح الباب وطلب من جيهان تنزل الشال على عيونها ودخل القارسون وحط الأكل ألي طلبناه..
جيهان رفعت الشال عن عيني وخليت الغطا على وجهي ومرفعته..
راكان كنت متوقع انها بتفتح وجها..كنت بس اعاندها لاغير..
جيهان خليت الغطا على وجهي منشان يتسنى ليا اني ابكي براحتي من دون مايحس فيني..حاولت اكتم شهقاتي بس ماقدرت..وحطيت الشوكه جنب الصحن..
راكان ماقدرت اتحمل اشوف دموعها ..قمت من مكاني وجلست يمها وضميتها بصدري..
جيهان بعدته عني وبألم:لاتقرب مني..
راكان بعدت يدي وضميتها بقوه رغم مقاومتها لي بس ماقدرت..شديت عليها زود وحسيت ان شهقاتها زادت وخليتها بحضني لما هديت شوي فتحت برقعي من ورى ونزلته وسدلت شالي على كتفي ورفعت وجهي وخليته قبال وجهي وبهمس:ليه هالبكاء جيهان..؟؟
يتبــــع...