حنان عرفت انها تغير الموضوع:ادري انه الشيء مايعني لي..بس حسيت انك متضايقه من الاتصال ألي عملتيه..؟؟
ريم با اندفاع:لاعادي..بس خلاف مع امي وبس..
حنان:طيب..
ريم با ابتسامه باهته:وش رايك فيه؟؟
حنان ردت لها الأبتسامه:حلوه زيك..
>>طبعا بتقولون من زمان ماجبتي سيره ام ريم ولا ابتهال مرت ابو ريم ولاعلي اخوها..لان مابه شيء جديد عليهم..ولاحدث شيء غير..
.
.
.
بين دموعها الكذابه:سامحيني يمه..والله مالي إلا انتوا..انتوا اهلي..واسفه على كل شيء سويته لكم..
ام عبدالله:.....
اروى تبوس يد امها:تكفين سامحيني يمه..
ام عبدالله دمعت عينها وضمت بنتها:بس لاتبكين يابنتي..
اروى ضمت امها حيل وهي تبكي:والله اسفه سامحيني..
ام عبدالله مسحت شعر بنتها بحنان:خلاص لاتبكين يابنتي بزعل عليك..
اروى مسحت دموعها:لاخلاص..انا ماصدقت على الله تسامحيني..
ام عبدالله بحنان:لو تبيني اسامحك تعالي تغدي معنا زي قبل..شوفي وجهك كيف صاير اصفر من قله الأكل..ونحفانه حيل..
اروى هزت راسها بنعم..
وقامت معها امها تكب الغداء وتجهز السفره..وكلت معهم..وعبير وفاطم هوام عبدالله مبسوطين لما شافوا ان اروى تاكل بحماس وبنفس عالي اكثر من قبل..
.
.
.
كنت رايحه معه للمول..مدري وش اقول لكم والله الكويتيات مزايين ماودك توخرين عيونك عنهم تبارك الرحمن..ومكياج كامل ماشاء الله ..كان ودي اسألها وش ماركه مكياجها..
حسيت بمسكه يده وشبك يدي بيده ارتبكت من لمسه يده حسيت با ان قلبي زادت نبضاته..
راكان:كذا احسن..
جيهان بعدت يدي من يده وبا ارتباك:لاتمسك يدي..
راكان بعناد سحب يدي ورجع شبكها مره ثانيه:ما ابيك تبتعدين عني للحظه..
جيهان ناظرته بضياع(يعني صدق ألي تقوله لي ولا يتخيلني اروى زي مشوف بالأفلام..اووووووه والله اني فاضيه..مأثر علي الأفلام..بس انا استاهل ليه لا..وبإذن الله يعيني على حبه لخيشه البصل وانسيه اياهاا..)ابتسمت بلاشعور ونزلت راسي لتحت..
راكان(حتى حياها يجنني..ياقلبي قلبها بس)وبهمس:خلينا نمشي قبل لاأتهور وانسى ان بمكان عام..
جيهان وجهي صار أشاره مرور من كلامه:راكاان.
راكان بحب:قلبه وروحه وعمره ودنيته وكل شيء فيه..
جيهان(وربي احبك وياليت انا ألي بس بقلبك)بحيا:تيب ممكن نتسوق..
راكان:ومن ماسكك..
جيهان بضحكه:شوف كيف واقفين بوسط المول وانت ماسك يدي والكل يناظر فينا..
راكان منتبهت والله..نسيت كل حولي..من اكون يمها يتغير حالي..ودي اعرف وش احس بيه تجاهك يا جيهان..
ومشينا للمول وشريت لي كم اغراض واهم شيء المكياج هع..
راكان:وش رايك بهالقميص؟؟
جيهان ألتفت له ووجهي قلب لونه وبا احراج:كيف؟؟
راكان باابتسامه:وش رايك بيه..انا عاجبني حيل..ولونه مميز بعد..
جيهان(اكيد بيعجبك لان مابه حاجه تستر فيه):لالا ماعجبني انا..
راكان خذه:كيفي انا عاجبني وذا الاهم..ولاتخليني ألبسك اياه غصب اليوم..
جيهان با اندفاع:لالا..
راكان:أي اجل تعقلي..
وبعد المحاسبه..
جيهان:انت بس قلت قميص واحد ماقلت ثنين..
راكان:لاتخليني احاسدك وألبسهم لك اليوم غصب..
جيهان:لاعاد..انا بس اسأل حتى السؤال ممنوع..
راكان:أي ممنوع..
ومشينا شوي..
جيهان ألتفت له:انت بس جالس تختار لي وانا مااختار لك..
راكان:أي وايشبها لو اخترت لك..
جيهان:انا بعد ابا اختار لك..
راكان:طيب..
جيهان:به محل خاص بالشباب عجبني الملابس المعروضه..
راكان:وينه..؟؟
جيهان تأشر بصبعها على المحل:هادا..
واقتربنا من المحل..واشرت على اللبس..
راكان برفض تام:انا ملبس هالألوان..
جيهان:انتا كلا اسود..غير..
راكان:بس هالألوان انسي..
جيهان:وليه..والله بيطلع حلو عليك..
راكان سحب يدي:امشي بس..
جيهان بزعل:لامنيب رايحه..والله حلوه..
راكان(آآآآه بس ..محب اشوفها زعلانه مني):بتزعلين لو ماخذتها..؟؟
جيهان بااندفاع:أي بزعل وبقوه بعد..
راكان بعدم اقتناع:طيب طيب..
ودخلنا السوق وانبسطت بقوه انه اخذها..
وعلى العشاء تمشينا بالمنتزه..
راكان شديت يدي على يدها لما شفت ان قبالنا رجال كثير ..
جيهان حسيت بشده يدي ليده..لما شفت ان الشباب قبلوا علينا اقتربت منه حيل وشوي وألتصق بصدره..
يتبــــــع...