اقتباس:
المشاركة الأصلية كتبت بواسطة العين اللامعة
العرس الفلسطيني .....
في بعض العادات تغيرت في الوقت الحالي عن ايام زمان
لهيك رح ابدأ بذكر كل تقاليد الزواج للعرس الفلسطيني ( والاردني لانه تقريبا نفس الشي )
من لحظة البحث عن العروس ليوم الزفاف .....

البحث عن العروس ....
بتخبر والدة العريس عريسنا برغبتها هي ووالده بتزويجه ( هاد طبعا اذا الشب ما بدا هو بالاول وطلب منهم يزوجوه :looove .....وبتسأله اذا كان في بنت معينة بحب يرتبط فيها:hmmm: ...
بتتصل الام باهل العروس وبتاخذ منهم موعد لزيارتهم وعادة بتروح معها بنتها ......بتروح عند اهل العروس وبتبدأ تحكيلهم عن الشب ( عمله ...عمره ...دراسته ) يعني معلومات عامة وبتسأل العروس عن دراستها وبعض الامور ...
لما ترجع ع البيت اذا البنت عجبتها بتخبر الشب وبيصلوا استخارة وبعدين بتصلو باهل العروس وبيطلبو موعد لزيارة تانية يجيبوا فيها العريس ....
فبروح العريس وابوه وامه ...وبشوفوا العروس والاهل بتعروفوا على بعض وبعدين بيعطوا فرصة للعرسان انهم يقعدوا سوا وبتكلموا لحتى يعرفوا بعض اكتر:wardah::wardah: ....
اذا العريس ارتاح للموضوع بخبر امه او والده وهما بخبروا اهل العروس انهم بانتظار موافقتهم
فببدأوا اهل العروس بتقمس دور المحقيقين:cooler: فما ببقوا على حد الا وبسألوه عن العريس من اصحاب لارباب العمل لجيران ...( يعني بفلوه تفلاية ) ...واذا عجبهم الشاب بخبروا اهله بموافقتهم عليه .........





قراءة الفاتحة ........
بيجوا اهل العريس واخوانه واحيانا بيجي حد من اعمامه وبتفقوا على المهر ( المتقدم والمتأخر ) وموعد كتب الكتاب ...والتلبيسة ( الشبكة ) ...وبعدين بقرأو الفاتحة على نية التوفيق
وهيك بصيروا العرسان وكأنهم مخطوبين ....( بس بتبقى العروس محجبة )





الجاهة ........
بيجوا اهل العريس ومعهم رجال من العيلة مثل العمام والخوال وكبار العيلة ...واهل العروس كمان بيجيبو رجال من العيلة وبطلبو يد البنت من اهلها مرة تانية ( حتى يصير الموضوع متعمم على الجميع )



كتب الكتاب .......
بينزلو العرسان مع اولياء امورهم والشاهدين على المحكمة وبكتبوا الكتاب ( عقد القران ) ...وفي عائلات بكون عندهم عادة انه اهل العريس بعزموا العروس واهلها بهاد اليوم على الغذا ....
وكتب الكتاب بيكون بيوم الخطوبة او قبل عدة ايام ...
طبعا حفلة الخطوبة بتكون عند اهل العروس وعلى حسابهم وبيدخل العريس فيها لتلبيس الذهب ....

من كتب الكتاب لحتى ليلة الزفاف .....بتتسمى فترة الخطوبة ..


ليلة الحنة .........
بتكون عادة في بيت اهل العروس او عند حد من اعمامها وللنساء فقط يعني اهل العروس وصديقاتها وجيرانهم وووو العريس طبعا ما بدخل الحفلة :noo:.....
اما اهل العريس فهما بيجو بنصف وقت الحفلة ومعاهم سدر الحنة
...اللي بكون مزين بطريقة مرتبة بالورد والشمع المضوي ...وبدورو فيه بنص المكان وبيغنوا الاغاني الشعبية والقديمة وبرددوا المهاهات والزغاريد ....( وطبعا كله على الطبلة وبسسسس )
ومن الاغاني والزغاريد اللي برددوها ...


اويها يا صحن التييييين
اويها مجلل بالياسمين
اويها وعروستنا الليلة
اويها ما طبقت العشرين
لي لي لي لي لي ليييييييش

..................


اويها عالعلعي اللعلعي
اويها ويا صبايا تجمعي
اويها يا ليل طول طول
اويها ويا شمس لا تطلعي
لي لي لي لي ليييييييش




..........................................................

وكمان في حفلة حنة عند اهل العريس وبتكون للشباب والاصحاب وبتنعمل بالحارة او بالشارع او ع الاساطيح ( والبنات والنسوان بيكونوا طبعا ع الشبابيك او الاساطيح ليحضروها )
واهم شي فيها انهم يحنوا العريس ( وعادة اللي بحنيه بكون شب فنان لدرجة انه ولا حد بفهم الرسمة اللي على يده ...( الله يعينه للعريس )



العرس ( ليلة الزفاف ).........
عادة بتكون بالصالة وبوقت متاخر يعني بعد المغرب
فبعد العصر لازم يلتموا شباب عيلة العريس واصحابه ليعملوله زفة واللي بتنطلق من بيت حد من اقاربه او اصدقاءه اللي كان( حمام العريس ) عندهم .. وينطلقوا بالعريس وهما يغنوله لحتى يوصول لبيت اهله اللي ببقوا تحته لفترة وهما عم بيغنو وبرقصوا والنساء وكالعادة ع الشبابيك برموا الملبس والتوفي وبطلقوا الزغاريت ....
وهاي اهم الاغاني وهما ماشين بالزفة ....


طلع الزين من الحمام .....الله واسم الله عليه
ورشوا من العطر عليه ....وكل رجاله حواليه


..................


زمان كانت البيوت قريبة من بعضها فكانت هاي الزفة تنطلق حتى بيت العروس
اما لانه البيوت بعيدة فصارت الزفة متل ما ذكرت وبعدين بجتمعوا كل المعازيم اللي من طرف العريس وبنطلقوا لاهل العروس بالسيارات ( وهاي بنسميها الفاردة ) .......ولما يوصلوا بتنزل عدد من النساء لبيت اهل العروس وبيغنو شوي للعروس المتزينة بالبدلة البيضا حتى يدخل ابو العروس واحد اعمامها او خالها لينزلوها لسيارة العريس ...
وبعدين بروحو ع الصالة ...... ليكملوا الحفلة ~~

وفي بعض العائلات ...وخصوصا الاردنية
يوم العرس العصر بتعمل وليمة وبتغدي كل المعزومين على العرس ( وعادة بتكون الوليمة مناسف اردنية )..... وبعدين بروحوا على بيت العروس





بتمنى ما تكونوا شعرتوا بالملل لانها طويلة

بس حبيت اوضح كل شي من طقطق للسلام عليكم



بجد روووووووووعة
أسلوبك راقى جداً .. وطريقتك فى عرض الاحداث شيقة للغاية
وليس هناك ملل بل الموضوع جذاب بشكل كبير
لدرجة أنك عيشتينا جو الافراح الفلسطينية ..
وحقيقى تستحقى عشرة على عشرة وكمان وسام العطاء نظراً لعطاءك المتميز


بدون مجاملة تنفعى محررة صحفية بدرجة امتياز
بس راح نفتح باب الاسئلة .. بحيث لو فى اى استفسار من جانب باقى الطلبة
حتى تكتمل الفائدة ..

__________________