|
البـــارت الـــســابــع
راحت البيت و اول ما وصلت بدلت ودقت على ريما
ريما : هلا و الله
لمار : هلا فيج
ريما : شلونج
لمار : بخير دامك بخير
ريما : حبيبتي ان شاء الله ستانستي مع نور
لمار : اي وايد و قالت لها عن كل الي سوته مع نور
بس تصدقين خوانها صواريخ
ريما : اووه يعني ضمنتي نصيبك
لمار : لا يا حيوانه شكو
ريما : منو احلى ؟؟
لمار : احمد احلى من خالد
ريما : شنو اسم عايله نور ؟؟
لمار : نور الـ .....
ريما : اوكي حياتي اخليج الحين بروح اخذ شور و اطلع مع البنات بنروح نجيب حق خطبه ياسمين فساتين
لمار :
okii sweety have fun
ريما بضحكه : ان شلء الله مع سلامه يا قلبي
لمار : مع السلامه
ريما بنفسها " معقوله لالا اكيد تشايه اسماء اخخخخ يا قلبي تعبت دمعن عينها من ذكراها بس مسحتها بسرعه و قالت لا انا قويه و لازم ما افكر بهل موضوع "
قامت ريما لبست بنطلون اسود سكيني مع بلوزه بنفسجي مع فلات اسود و طلعت
00000000000000
محمد : على وين ؟؟
شهد مشت و طنشته
محمد مسكها من ايدها و لفها عليه : قاعد اكلمك
شهد : أووووف نعم شتبي
محمد : وين رايحه ؟؟
شهد : السوق
محمد : بهل لبس
شهد : اي
محمد : ماكو طلعه
شهد : نعم ، ليش ان شاء الله
محمد : انتي شايفه لبسك ماكو يعني ماكو
" شهد كانت لابسه فستان كحلي ، فوق الركبه بشوي على قد الجسم ، كومه ثلاث ارباع ، مع كعب ابيض "
شهد بصراخ : ما لك شغل فيني
محمد بصراخ : الا لي شغل و نص
شهد : اقول وخر عني زين و دفته عنها
سامي نزل على اصواتهم : شفيكم اصواتكم واصله اخر الفريج
شهد : ساموي شوف محمد الحمار مو مخليني اطلع
محمد : حمار يعينك يا بقره عشان هل كلمه لو تموتين ما رح تطلعين
شهد : لا و الله
سمر : أووووف بس خلاص روحوا تهاوشوا بعيد قاعده اطالع المسلسل ازعجتوني
سامي : لا ست سمر هذا الي الله قدرك عليه
سمر : اي
شهد : محمد وخر عني لا اقول حق عمي الحين
محمد : يلا روحي قولي عشان يشوف شكلك و يدفنك الحين
سامي بعد محمد عن شهد : خلاص إهي الحين بتروح تبدل
شهد اول ما بعد عنها محمد و فتحت الباب : بأحلامك ههههههه و ركضت برا
محمد : هدني خلني اربيها
سامي : خلاص كبر عقلك
سمر : ما ادري غلى شنو ما تبيها تطله جذي اصلا شكلها يلوع الكبد
محمد : سمر ترى واصله معي بتسكتين و لا شلون
0000000000000
ديانا : شوفوا هذا حلو
ساره : لا
ياسمين : مبينك متينه
ديانا : اوكي
ساره : الو ، هلا ريووم
ريما : وينكم ؟؟
ساره : وصلتي
ريما : اي قاعده اصفط
ساره : احنا بـ محل .....
ريما : اوكي دقايق و اكون عندكم
ساره : اوكي باي
ريما : باي
ياسمين : وينها
ساره : كاهي وصلت بس تصفط
ديانا : منو الي وصلت
ياسمين : ريما
ديانا : و شهد ؟؟
ياسمين : ما ادري
ساره : الحين ادق عليها
شهد جت من وراها : احم احم منو يسأل عني
ساره صرخت من الخرعه : ااااااااااااااااااه
البنات ما توا ضحك على شكلها : ههههههه
ساره : بس يا حيوانات سكتوا
البنات : هههههههه
ساره : اوكي خليمن انا بروح
ريما و أهي تضحك : لا لا خلاص
راحوا كلهم على بوتيك عشان ياسمين تفصل فستانها
البنات : السلام عليكم
الرجل : اهلا اهلا تفضلو صبايا ، انا مستر فادي
ياسمين : هلا تشرفنا
ساره تقول لصوت واطي : شفتي صرنا صبايا
ريما : دخيلوا انا
شهد : شفيكم تتساسرون
ريما : لا ولا شي
الرجل : مين ألي بدا تفصل فستان
ياسمين : انا
فادي : ايه مدمزيل كيف بتحبي يكون
ياسمين وصفت له فستان و رسمه لها و اخذ القياسات
فادي : صبايا اذا بتحبوا في فساتين جاهزه اذا ما بدكم تفصلوا
البنات : اوكي
و قعدوا يقايسون ساره و شهد و ديانا و ريما
فادي و اهو يأشر على ريما : يا انسه ممكن شوي
ريما بأستغراب : انا
فادي : ايه بس دقيقه
ريما راحت له : هلا
فادي : انتي ما شاء الله جسمك كتييير حلو عدم المأخذه و عندي فستان رح يلبق لك كتيير هلأ بجيبوا
ريما : اوكي
دقايق و الا فادي جايب معاه فستان لؤلؤي طويل و على قد الجسم ظهره مفتوح و اكمامه مغطاه بالدانتيل نـــــــاعم وايد
فادي : يلا انسه ريما فوتي قيسي اكيد رح يلبق لك
ريما : اوكي
كلهم قعدوا ينتظروا ريما ، بس طلعت ريما نصموا البنات لأنها كانت فيه انثى بمعنى الكلمه طالع على قدها بالظبط كنها عارضه ازياء او ملكه جمال
ساره شهقت : معقوله
ياسمين منصدمه مثلها : انتي ريما
شهد : ما اصدق
ريما : مو حلو صح ادري
ديانا : الا يهبل
ريما : لا احسه مو وايد
ساره : موضروري تحسين
شهد : بتاخذينه
ريما : يعني حلو
ياسمين : يهبل
فادي : اي كيف طلع عليها
ياسمين : وايد حلو
فادي : رح تاخدوا
ياسمين : اي
فادي : اوكي في شي تاني بدكم اياه
ساره : اي وعطته فساتين البنات
000000000000
خالد : احمد ، احمد ، احـــمـــد
احمد كان سرحان : ها هلا هلا
خالد : الي ما خذ عقلك يتهنى
احمد : ان شاء الله
خالد : يعني فيه
احمد : ما ادري ، المهم انت ما جبت لك شي من امريكا
خالد : شي مثل شنو
احمد : يعني وحده متزوجها و مخبيها يعني قولي ترى انا اخوك
خالد رمى عليه مخده : جب يا غبي انا مو مثلك
احمد : ترى اتغشمر
خالد : ادري يا المليق
حمود خلينا نطلع اشتقت لشوارع الكويت
احمد : افا عليك يلا
0000000000000
البنات كانوا قاعدين بالمطعم يتعشون
شهد : ريما
ريما بأبتسامه : هلا
شهد : لمتى ؟؟
ريما : شنو لمتى ؟؟
شهد : انتي و ديانا
ريما : خلاص الموضوع انتهى
ساره : شنو انتهى
ريما : يعني خلاص
ياسمين : العشلره و الصداقه و السنين الي بينكم
ريما : خلاص كافي
ديانا قعدت تبكي
شهد : شنو كافي لازم تسمعين الحقيقه و قالت لها القصه الي اهي و ديانا متفقين عليها
شفتي شلون انتي ظالمتنا
ريما عصبت و قامت راحت سيارتها و مشت على اعلى سرعه
000000000000000000
خالد و احمد يفرفرون بالشوارع و صوت الاغاني مالي المكان وقفوا عند الاشاره
خالد : اااخ يا الكويت شتقت لك و لشوارعك و بحرك و ترابك و هواكي و شعبك و كل شي فيكي
احمد : اي و الله مافي احلى من الكويت
خالد لف راسه جهه البحر و انصدم من الي شا فه حس لحضتها انه الدنيا ظلمت بعينه و كأنها ردت فيه 3 سنين ورا
000000000000000
شنو رده فعل ريما من الي سمعته من البنات ؟؟ هل بتصدق ؟؟
شنو الي شافه خالد و صدمه لهاذي الدرجه ؟؟
شنو السر سفرته برا البلد ؟؟
ارائكم و توقعاتكم
0000000000000000000
تحياتي " سـحـرنـي حـلاهـا "
|