07-13-2007, 09:14 PM
|
| |
 جيتك...!!!
من أجمل القصائد المختاره وحبيت أضيفها لكم جيتك يتيم ما لقى من يمسح دموعه
........................تاهت بي الخطوه تبي توصل لكم يافلان
جيتك بخاطر منكسر من سبة اللوعه
...........................لوعة ظروف كلها هم وشقا وأحزان
جيتك وروحي ضامية في أرض مقطوعه
.......................ماقد لقيت من البشر وافي (ولا إنسان) !!!
جيتك وأنا الأنفاس من فرقاك مفزوعه
........................أكذب الواقع وأنا أدري عيشتي حرمان
جيتك أغني من الحزن آهات مسموعه
.............................يحس فيها من فقد في دنيته خلان
جيتك تشوف بناظري صورتك مطبوعه
..............................لا مايغيرها الزمن مهما جرى وكان
جيتك ياليت بجيتي ما أكون ممنوعه
..................................أبيك تجبر خاطري ماتردني ندمان
ماجيت لكن خافقي هو جاك من طوعه
........................وان رحت عني صرت أنا عايش بلا عنوان
|