شريفه:الحمدلله على سلامتك ياعروس..
جيهان با ابتسامه:الله يسلمك يابعد حيي..
روان:اجل تعرفتي على شيخه وحياه؟؟
جيهان با اندفاع:أي يهبلون مره..وتحسين انهم فرفوشين..
روان:أي هم محششين ههههههههههههههه..
روعه:قد ايش اشتقت لهم والله..
جيهان:يسلمون عليكم..
شريفه(هي ألي تطلع وتروح ورصيدها مرفوع عند العائله وانا نازل..انا والارض واحد..عندهم .. بنشوف رصيدك ياجيهان بعد ماتجي غاليه العروس الجديده..)
جيهان قمت:اجل وين خالتي سمر..؟؟
شريفه:لما درت بجيه راكان راحت للمجلس..
جيهان:اهاا..
روعه:راح تجي فديتك انتي ارتاحي..
وبعد لحظات..
مرت ام راكان عليهم وشافت جيهان..
روعه:هذا امي جات..
جيهان قمت بسلم عليها..
ام راكان وهي تناظرني بكره وصدت وراحت للمطبخ.!!
روان وروعه ناظروا ببعض بصدمه..
شريفه(اها اجل الوضع متوتر عند جيهان وسميرر..ههههههه..اجل الله يعينك ياجيهان عليها انا مو متقبلتها كيف انتي..وصعب انك تراضينها مهما وش سويتي بظل كارهتك..هي لحبت احد طيرته لفوق..وان اكرهت احد نزلته بالأرض..)
جيهان بعد حركتها هاذي مستسلمت وعرفت انها قاصدتها لانها ناظرتني:فديت خالتي اكيد ماشافتني..بروح لها للمطبخ..
جيهان جيت ببوس راسها..ألا بمده يدها..
ام راكان بحده:لاتقربين صوبي..
جيهان:ببوس راسك ياخاله..
ام راكان با استحقار:لاتبوسين راسي عشان ما أتلوث..
جيهان بصدمه:كيييف..؟؟؟
ام راكان:ومحد طلب منك تسلمين علي..خلي سلامك ونفاقك لعند احد غيري مو لي انا..
جيهان بجديه تامه:انا نفسي اعرف سبب واحد لعدوانك لي..مع اني ماسويت حاجه لك..ودائما تسيئين لي..بس حطي ببالك سكوتي لك مو خوف..لااااا انما هو احترام لك ولانك ام زوجي..بس يبدوا انك ماتبين السلام والاصفاح..ومنتي مجبوره تحبيني غصب وتتقبليني كالزوجه ولدك..
ام راكان قاطعتني بكره:ولاعمري راح اتقبلك..وراح تجي وحده غيرك بحياه راكان..وراح تشوفين..
جيهان كلامها عصبني:فكره انك بتزوجين راكان ومدري وش..ابتعدي عنها..ولاتدخلين بحياتي معه..صحيح انتي امه بس مايحق لك تدخلين بموضوع حساس مثل هذا..وهو ماشكى الحال لك..وقال لك يا امي اخطبي لي..
ام راكان بضحكه سخريه:ههههههههه لانه ولدي ألي احبه ومحبته غير عن اخوانه راح ازوجه وحده احسن منك..
وقولي سمر ماقالت..
جيهان اكتفيت اني اناظرها:...........
ام راكان ناظرتني بستحقار وتصغير:ولا ولدي ياخذ وحده زيك انتي..وحده ارمله..!! بس وش نقول الله يهديك ياحمود جبرت ولدك على انه يتزوجك..
جيهان بثقه:راكان قال لي انه مو مجبور وعمي حمود ما اجبره على حاجه..هو وافق علي من ارادته..
ام راكان ضحكت بهستريا:هههههههه ضحكتيني والله..وش قلتي..قلتي انه قال لك انه مو مجبور عليك ههههههههه..
جيهان:وش ألي يضحك بكلامي..؟؟
ام راكان:انتي بكبرك نكته بحياه راكان..
جيهان كلامها صدمني مره من صدمته مقدرت اتكلم او اقول أي حاجه..
ام راكان اقتربت مني وبسخريه:انتي ولاشيء بحياته..يعني لقال لك كم كلمه حلوه قلتي خلاص انا ملكت قلبه..راكان مو بالسهوله يحب..وان حب صعب ينسى..وتأكدي ان اروى مازالت بقلبه وانتي برا قلبه..فأحسن لك لاتحطين ثقه بكلامك على انه يبيك ومدري وش..انا حاولت انسي راكان من اروى من خمس سنوات وازوجه وحده حلوه وتناسبه يمكن لتزوج ينساها بس زي منتي شايفه ان راكان يحبها..ويستحيل يحبك..
جيهان هزتني ثقتها بكلامها..يعني معقوله كلامها يكون صحيح..!!!
ام راكان كملت:وتبين تعرفين قدرك عنده ومدرى ثقته فيك..
جيهان:.............
ام راكان فسرت صمتي على الموافقه:طيب راح تشوفين قدرك عنده..
ام راكان بصراخ:آآآه آآآآآه..
جيهان خفت من صراخها:علامك ياخاله..ايشبك تصرخين يوجعك شيء..
ام راكان زادت بصراخ:آآآه آآآآآه بعدي عني..حرام عليك ليه تسوين فيني كذا جيهان..آآآآآآآآه آآآآآآآه..
ألي بالمجلس الرجال والصاله قاموا على صراخ ام راكان..
ام راكان اقتربت مني وحطت يدي على راسها وعملت حالها كنها تبعد يدي عن راسها:نزلي يدك عن شعري وجعتني آآآآآآه..
جيهان انصدمت من حركتها إلا بجيه راكان وسحبني من زندي بقوه وبصراخ:بعدي يدك عن امي..
ام راكان بين دموعها وهي تضم ولدها:مدري وش صاب حرمتك ياولدي مدري ايش فيها علي...اهئ اهئ..
راكان ناظرني بعصبيه:وليه تمدين يدك على امي..
ام راكان بصياح:تقول لي ياعجوز النار ولما تكلمت شدت شعري وقامت تصرخ علي..
روعه وروان وشريفه ويدهم على قلبهم منصدمين من ألي صار..
نواف ومشاري مقدروا يدخلون لان بيه جيهان وشريفه ماتحل لنواف..فمقدروا يشوفون وش ألي صار..
جيهان وقفت صامته ومقدرت استوعب ألي صار احين من تمثيل وخداع..
راكان اقترب مني وشد زندي بقوه وحده:يبدوا ان امك ماربتك صح..لزوم اوديك لبيت اهلك يمكن يعلمونك اصول الاحترام ألي من هم اكبر منك..
يتبـــع...