جيهان وقفت صامته ومقدرت استوعب ألي صار احين من تمثيل وخداع..
راكان اقترب مني وشد زندي بقوه وحده:يبدوا ان امك ماربتك صح..لزوم اوديك لبيت اهلك يمكن يعلمونك اصول الاحترام ألي من هم اكبر منك..
ام راكان انبسطت من كلام راكان..
وصار هالكلام قدام ابو راكان ألي توه جاي بالحدث...وروعه وغازي وروان وشريفه ألي لابسه شال على وجها..
جيهان بين دموعها:بس انا ماسويت كل ذه و......
راكان بصراخ:يعني امي كذابه..
ام راكان ابتسمت ابتسامه نصر..
جيهان فهمت من نظراتها كنها تقول(عرفتي مدى ثقته فيك لان ألي يحب يثق بحبيبه مو بس كلام..ولايصدق بيه الشينه ابد)..
وناظرته بضياع:ابد مهيب كذابه..ومتى اروح لبيت اهلي..
روان حطت يدها على فمها:لا جيهان..
جيهان مقدرت انتظر ردا منه وحطيت الشال الي كان على كتفي فوق راسي..كنت وقتها مافسخت عباتي وطلعت وشفت قبالي نواف ومشاري..
ونزلت راسي واخذت جوالي ودقيت على فهد ولا رد علي ودقيت على سعود ولا رد علي ودقيت على يوسف ووصفت له المكان والحي..
لبست عباتي وبرقعي واخذت شنطتي..
روان جات تركض لي:جيهان لاتروحين تكفين..
جيهان:انتبهي لنفسك روان..
روان بين دموعها:انا عارفه ا نامي كذابه..بس لاتروحين تكفين..
جيهان ناظرتها وانا كاتمه دمعتي مشان ماتطيح:في هالمواقف بالذات عرفت قدري عند اخوك..مابه احترام ولاحشيمه لاقدام الكبيرولاصغير..انا رايحه ياروان ولا لي رده لكم إلابمشيئه الرحمن..وسلمي لي على غازي وروعه وشريفه..
جيت بروح إلابشده يدها علي..
راكان بحده:خلها تروح..ماعاد لها أي لزوم طالمه الاحترام راح منها..
جيهان وشديت يدي بعنف من روان وطلعت برا وولاشفت سياره يوسف..مشيت ومشيت..كان همي اني ابتعد عن بيتهم وبس..ودقائق قليله ألاشفت سياره يوسف..وركبت معه لسياره وهو يسأل فيني وانا ولارد..واحترم حال÷ وسكت عن الاسئله..
جيهان با اندفاع:ودني لشقه يا يوسف بسرعه تكفى..
يوسف:طيب دليني مكانها..
ودليته مكانها..وطلبت منه انه ينزل معي وجمعت اغراضي ودخلهم بالسياره..وشلت كل اغراضي بشكل سريع ودخلت لسياره..
جيهان حاولت اضبط صوتي مشان مايلاحظ اني ابكي:ماقصرت يا يوسف..
يوسف:ماسويت شيء ياجيهان..وبعدين ناويه تروحين لامك كذا..!!! وهي فرحانه حيل بحفيدها الاول..
جيهان بين دموعي:اجل وين اروح يا يوسف..
يوسف:افا بس ياجيهان..وبيتي..
جيهان:بس..
يوسف:لاتبسبسين..ومتى محسيتي انك تمام روحي لها..
جيهان بصمت حزين:راح اطول على كذا..
يوسف:مع الايام راح يتداوا جروحك..
جيهان:................
وسرعان ماوصلنا لفله ابو يوسف ألي كنت عايشه فيها قبل..
دخلت فيه واديش تغير مره..وصار احلا من قبل..
ام يوسف بأستغراب:من ذي البنت ياولدي..
يوسف:هاذي جيهان يمه..
جيهان فتحت برقعي..
ام يوسف بأبتسامه:هلا والله ببنتي جيهان..
اقتربت منها وضميتها بقوه وشديت عليها..
ام يوسف استغربت حيل من شده ضمي لها ومسحت على راسي وجلستني بجلسه الاستقبال وعطتني ماي..
ام يوسف ابتعدت عني وخذت ولدها على جنب وبهمس:علامها كذا ياولدي..
يوسف تنهد:علمي علمك يمه..مارضت تقول لي بس يبدو ان المشكله كبيره..
ام يوسف بخوف:الله يستر بس..
وجلست جنبي وكلمتني بهدوء وبروح حلوه حسستني بالطمأنينه وحبها لي..وقلت لها ألي صار..
ام يوسف بحزن شديد:وانتي مقتنعه انك راح تروحين لبيت اهلك..؟؟
جيهان بثقه تامه:اكيد يالغاليه..
ام يوسف:وابوك بيوافق على هالشيء..
جيهان:...........
ام يوسف: انا متأكد هان رحتي لبيت اهلك..وان حس بغلطته راح يجي لك ويردك وحتى لو رفضتي هالشيء ابوك مراح يسيبك براحتك..وانتي ادرى عن ابوك اكثر مني..
جيهان بكيت زود وقتها:ووش الحل..انا مالي رده له لين يعرف انه ظلمني..
ام يوسف مسكت يدي:صدقيني يابنتي البعد يولد الجفا بينكم اكثر واكثر..انتي بعد ماتهدين من حالك روحي لعند أمك وقولي ألي صار بهدوء..عشان ماتتعب اكثر..وان صار عليك أي جديد كلميني..وامك مهوب مقصره بالنصايح لك وبتكون أحسن مني وبتعطيك اللازم..(وباابتسامه)يلا غيري من ملامح وجهك الكئيبه يابنتي..
جيهان ابتسمت بتصنع شديد:طيب يالغاليه..
ام يوسف ابتسمت لي وشدت على يدي:بيعرف قدرك يابنتي صح..لما يجرب البعد عنك وأم راكان بتشوف حال ولدها وبعدها بتقول الصدق..وربك كريم..
جيهان:الله كريم يالغاليه..
وسكتنا شوي..
جيهان:يعني أنتي تشورين علــي أني أروح لبيت أهلي يالغالية..
أم يوسف بجديه:لا يابنتي..تريدين شوري بهداية الله لا تروحين لبيت أهلكـ..
جيهان:يعني ما اروح لبيت أهلي..!!
أم يوسف:قبل كل شيء أنتي تعرفين راي أبوك بالموضوع ويستحيل راح يوافق أنكـ تشردين من بيت زوجك وتروحين لبيت آهلكـ..
يتبــــع..