جيهان:يعني ما اروح لبيت أهلي..!!
أم يوسف:قبل كل شيء أنتي تعرفين راي أبوك بالموضوع ويستحيل راح يوافق أنكـ تشردين من بيت زوجك وتروحين لبيت آهلكـ..
جيهان بااندفاع:بس هو كذبني حتى مكلف على نفسه يسألني أو أقول حاجهـ..
أم يوسف:أسألكـ بالله ياجيهان..راكان مايضربكـ ومصروف ويعطيك وطلعه وتطلعين وأسبوعين سافرتي فيها لأول مرة بحياتكـ وعارف ربهـ ويصلي..وأبو يوسـف يضربكـ ويذلك قدامـ عيالهت كلهمـ ويعذبك ولا تطلعين ولا تجين..وولا مرة فكرتي انكـ تشردين..صحيح يمكن انتي كنتي تبين بس كنتـي تعرفينـ أن أبوكـ رافض هالشيء..فا ليهـ تبين تروحين وتتركين واحد أفضل من أبو يوسف بمليون مرة..ليه ساكتهـ..؟؟ وبعدين يابنتي نفترض أنكـ رحتي لبيت أهلكـ ولا دق عليكـ وطلقكـ ولنفترض مرة آخرى أن أمهـ تزن عليه لما طلقكـ..وش بتكون رده فعلكـ ومصيركـ لوين بتروحين..أكيد أبوكـ بيزوجك رجل أخس من أبو يوسف ورح تشوفين..ويابنتي البنت مو كل يومـ عند رجال..لزوم الصبر..
جيهان كلام أم يوسف كان صحيح وأثر فيني..يمكن عيشتي مع راكان نستني أبو يوسف..وكيف كانت حياتي معهـ..يمكن بتلوموني وبتقولون روحي لبيت أهلكـ وخله يعرف قدركـ و..و...و...و.." إلخ
بس أحب اذكركمـ أن أبوي يمكن قدامـ راكان يشدني من شعري ويقطني عنده..!!
كيف وجهي بيكون عنده..ما ابا احس اني مذلوله مرة ثانية وأن ما عندي سند..وبعدها راكان بيحط بباله أن أبوي مايحبني ويمكن يجي يوم من الأيام ويعايرني بهالشيء..كلامـ أم يوسف وقظني كنها عطتني كفـ قوي على خدي..صحتني من الحلمـ ألي عايشهـ فيهـ...
بعد اذان العصر..
صليت صلاه ربي وضبطت كحلي ولبست عباتي وسلمت على ام يوسف بعد ما اسدت لي نصايحها..
صعدت لسياره ووداني لشقتي نزل اغراضي يوسف..
بدلت ملابسي ولبست بجامه شورت كاروهات بين خطوط السكري والبنفسجي والبني الباهت والبلوزه بدون اكمام مرسوم عليها واحد من اقزام سنواوايت ألي اسمه خجلان>>حافظه اساميهم كلهم ههههههه..
وتعطرت ولبست الشبشب..وتوجهت للمجلس ونظفته..وبعد مانفظت الكنب وكنست ومسحت البلازما..والطاولة..
وتوجهت للتواليت ونظفتهم ودقيت على أمي كثير وحشتني..
جيهان بشوق:هلا يمه اخبارك؟؟
ام فهد بنفس شوق امها:وينك يا بنتي؟؟ليه تأخرتي..؟؟
جيهان:معليش يمه انا دحين وصلت بحط اغراضي بالشقه واجيك..
ام فهد با ابتسامه:الحمدلله على سلامتك يابنتي..اي زين..انا بنتظارك يابنتي..
جيهان:يلافمان الله يالغاليه..وبعدها رحت للمطبخ وشفت المجله والارضيه متربه وبحاله يرثى لها..
نظفت جزء منها وبعدها اخذت دوش سريع لنصف جسمي ولبست الدي شمبر إلا برنه جوالي..
استغربت من المتصل ووش يبا فيني عمي حمود..؟؟
ابو راكان:السلام عليكم..
جيهان:وعليكم السلام والرحمه..
ابو راكان:عسى ما ازعجتك..
جيهان:لا يالغالي..امرني..
ابو راكان:انتي ببيت اهلك.؟؟
جيهان:لا انا بشقتي..
ابو راكان بتعجب:طيب انا بجيك بعد ربع ساعه..
جيهان:حياك الله..
ابو راكان:الله يحييك..يلا فمان الله..
جيهان:بحفظه يارب..
وسكرت السماعه منه..وسويت المبخر وحطيته بالمجلس والمدخل وعطرت المكان بعطور جويه آخاذه..
لبست تنوره طويله جينز بلاك ماسكه علي وبلوزه تركواز..رسمه تميز الصدر ومن تحت الصدر خط مرصع بالفصوص الفضيه واكمامها حاير وساعه فضيه لامعه ولبست طوق ماسك على عنقي بلاك مخمل ولبست عدساتي الزرقه وكحلت عيني وحطيت غلوس زهري لامع وتسبحت بالعطر..وصندل عالي بلاك..
عملت القهوه والشاي وقدمت العصاير..
وحطيت المكسرات ألي كانوا بالفريزر..والحب كمان..ألابرنه الجرس..
تنفست بعمق وفتحت الباب وبا ابتسامه:هلا والله بعمي..
ابوراكان رد لي الابتسامه:هلابش يابنتي..
بست راسه ودخلت للمجلس..
جيهان بترحيب:توه منور الدار بحضورك يالغالي..
ابو راكان:تسلمين يابنتي..
جيهان كبيت له القهوه لاني اعرف انه يحبها مره..
ابو راكان شرب القهوه وناظرني:ما احب المجاملات واللف بيها..بدخل بصلب الموضوع مباشره..
جيهان با اهتمام:تفضل..
ابو راكان:مكذب عليك ياجيهان..انا كان اخر توقعاتي انك تكوني بشقتكم..توقعت انك بتشردين لبيت اهلك بس انصدمت من عقلك الكبير..
جيهان:وانا ياعمي مكذب عليك كنت ناويه اشرد لبيت اهلي زي ماطلب ولدك بس كبرت عقلي شوي..وزي مايقولون الحرمه مالها ألا بيت زوجها..
ابو راكان بأعجاب شديد:ماشاء الله عليك ياجيهان..جمال وعقل وثقل وكل الزين فيك..
جيهان:تسلم ياعمي..
ابو راكان:انتي جلستي مع راكان ايام او اسابيع قليله..مالحقتي تعرفين من هو راكان مشكلته انه عصبي مره..ولعصب يقول اشياء ماتنقال..
جيهان با اندفاع:بس ماله أي حق انه يقول هالكلام لي مابه لاحشيمه ولاكرامه ذلني وفشلني قدام الصغير والكبير..
ابو راكان تنهد بصمت:انا بقول لك يابنتي ليه سبب عصبيته الكبيره..قبل ماتصير المشكله فاتحنا راكان عن أروى..وهي الله يهديها كانت تطلع مع رجال غريب عنها وراكان عصب كونه بنت خالته لا اكثر..وتفاعل مع الموضوع زياده..
جيهان بقيت عيني:كيف يعني تطلع مع رجال غريب عنها وكيف عرفتوا..
يتبــــع...