ابو راكان تنهد بصمت:انا بقول لك يابنتي ليه سبب عصبيته الكبيره..قبل ماتصير المشكله فاتحنا راكان عن أروى..وهي الله يهديها كانت تطلع مع رجال غريب عنها وراكان عصب كونه بنت خالته لا اكثر..وتفاعل مع الموضوع زياده..
جيهان بقيت عيني:كيف يعني تطلع مع رجال غريب عنها وكيف عرفتوا..
ابو راكان:لما سافرتوا بالضبط كشفها اخوها عبدالله..وهي تبوس رجال غريب عنها بالسياره..
جيهان بعدم استيعاب:وشلون كذا هي ماخافت من ربها..
ابو راكان بحزن ويأس على تربيه اروى:للأسف يابنتي ..اهلها مخلينها على راحتها بالطلعه والرده..تقدرين تقولين معطينها الثقه التامه بكل شيء وخصوصا امها..وبعدين شوفي وش صار لها..
جيهان:اعوذ بالله..وكيف وضعها احين..
ابو راكان:اهلها شددو عليها حيل وبعدها تأسفت منهم..وصاروا معها زي قبل..يعني رجعت الثقه مره ثانيه لها لكن بحذر..
جيهان تنهدت بحزن:لاحول ولا قوه إلا بالله..
وسكتنا شوي..
ابو راكان:انا مجيت ابرر لك موقف راكان علشان هو ولدي..لا والله..انا عديتك بحسبه بنتي..قبل روان بنتي كان يضربها زوجها ضرب الشر وكلا مشاكل مع امه..ويصدق امه بالطالعه والنازله..
جيهان باندفاع:كنك تتكلم عن راكان..
ابو راكان كمل:وكلا تتشكى لي انا وبس..لانها تعرف امها زين..وش بتسوي لدرت..فا انا كنت اكلمها واقول لها صبري والصبر زين كنت بخليها تطلق منه بس هي كانت للأسف حامل منه..
وكملت زوجها المرحوم على انه يكف عنها الضرب..
جيهان بقهر:وليه كان يضربها طيب..
ابو راكان:عشان يرضي امه وبس..حتى لو كانت امه غلطانه..
جيهان بنفس قهري:حسبي الله ونعم الوكيل بس..
ابو راكان:وكنت انقهر على وضع بنتي وكل شوي تقول لي بجي عندكم بسبب زعل هي مع زوجها..بس كنت ارفض هالشيء قلت لكان هو زعلان منك او انتي زعلانه منه اجلسي ببيتك..لان مرده بيجي بنفسه وبيعتذر لك..وهذا الشيء يابنتي ابغيه منك..مهما وش صارلاتطلعين من شقتك..
جيهان كلامه وحكمته اكبر وهو عنده خبره بالحياه اكثر مني وهزيت راسي بالقبول..
ابو راكان:وانا اعرف ولدي زين..راح يسوي أي شيء عشان يرضيك..لانه غلط بحقك وكثير بعد..
جيهان تنهدت:حصل خير إن شاء الله..
وسكتنا شوي..
جيهان نزلت بياله الشاي من يدي وبتردد:كنت متوقعه انك بتجي وتهاوشني..مشان المسرحيه ألي سوتها خالتي سمر..
ابو راكان:با ابتسامه قريبه الضحك:انا لما شفت الموقف قلت هذا المسلسلات ألي يسوونها الكويتيين..ههههههههه أي بالله..
جيهان فرحت كونه صدقني:ههههههههه..
ابو راكان:ترى راكان بس حط الحره فيك لا اكثر ولا اقل..بسبب ألي سوته اروى..
جيهان تنهدت:ما ألومه والله لو يصير هالشيء لبنات عمي كان صار نفس الشيء او يمكن اكثر..بس انا ما ابعده عن الخطأ..
ابو راكان:انا معك يابنتي..وبإذن الله ومع الأيام بتعرفين من هو راكان..هو عيبه انه عصبي حيل..الله يهديه بس..
جيهان بتوتر:عمي..انا به حاجه شاغلتني مره..
ابو راكان با اهتمام:وش هي..؟؟
جيهان:انت جبرت راكان على انه يتزوجني بدافع الشفقه والعطف..
ابو راكان با اندفاع:لا والله..عاد إلا راكان يستحيل اجبره على حاجه مهوب مقتنع فيها..وبعدين هذا زواج ياجيهان مهوب لعبه وبيعيش معك مو يوم او يومين عشان اجبره..
جيهان براحه متكلت قلبي:تيب ليه اجل خالتي اسمر تقول دايم هالكلام لي..وهي مدري ليه تكرهني..
ابو راكان:هذا انتي قلتيها يابنتي..هي تكرهك وألي تكره لزوم تغثك بالكلام ألي مهوب طيب وحتى عن طريق الكذب الاهم انه يغثك وبس..وبعدين انا بقول لك طبع سمر زوجتي..ان حبت حبت وطيرته لفوق وان كرهت كرهت ونزلته لأسفل السافلين..
جيهان:ووول..
ابو راكان: أي بالله..
جيهان:تيب انا ويش اسوي مشان تحبني..وربي انا مضربتها ولا ضريتها بس هي تقط علي كلام مثل السم..وتسبني وتسب اهلي..
ابو راكان بقهر:وليه ماقلتي لي من اول عشان اعلمها دروبها عدل..
جيهان:مدري خفت انك ماتصدقني..
ابو راكان بنفس قهره:منيب غشيم عن زوجتي انا..
جيهان:تيب هد انت ياعمي..
وبيصير كل شيء بخير..بس هد اعصابك الله يصلحك..
ابو راكان تنفس بعمق:وياك يارب..
.
.
.
دخلت الغرفه وقفلتها وبا أثناء حوارهم..
عبد العزيز:متأكده انتي..
اروى:أي متأكده..وهذا هو الحل صدقني ووقتها بنحطهم با أمر الواقع..
عبد العزيز بتردد:يعني مافي غيرها..
اروى:يعني انت خايف ياعبد العزيز..
عبد العزيز:انا منيب خايف بس خايف عليك ان دروا اهلك وش بيسوون فيك..
اروى:مالك شغل من هالناحيه..سو ألي قلت لك وخلاص..
عبد العزيز:طيب..متى تبين تسويها؟؟
اروى:اكيد بكره..
.
.
.
قطيت على نفسي بالكنب وانا جالس افكر بكلام ابوي لي..معقوله اروى كذا..وليه طيب...معقوله وصلت لهالمستوى وعشان كذا هي رافضتني..!!!
يتبـــع..